පාර්ලිමේන්තුව මගින් ස්වාධීන ප්‍රසම්පාදන කොමිසම බලාත්මක කිරීමට කටයුතු සලසමින් සිටියදී මේ රටේ ඇතැම් බලවේග ඉතාමත් සාහසික හා කූට අන්දමින් ක්‍රියා කළ ආකාරය සැලකීමේ දී අල්ලස් කොමිසමේ කටයුතු මේ ආකාරයට දුර්මුඛ හා මන්දගාමී වීමට හේතු වූ කිසියම් සැලසුම්සහගත වෑයමක් තිබෙන්නේ ද යන සැකය කිසිසේත් ම බැහැර කළ නොහැකි බවත් එම කුමන්ත්‍රණ පරාජය කර වහාම මෙම කොමිසම සඳහා සාමාජිකයන් පත් කිරීම විය යුතු බවටත් සාධාරණ සමාජයක් සඳහා ජාතික ව්‍යාපාරය රජයට බලකර සිටී.
ඉදිරියේ දී පාසල් පන්ති කාමරය තුළ රැඳී සිටීම අනිවාර්යයි - අධ්‍යාපන ඇමතිගෙන් ප්‍රකාශයක් !
නව අධ්‍යාපන පරිවර්තනීය ක්‍රියාදාමය තුළ පන්ති කාමරයේ රැඳී සිට උපයාගත යුතු නිශ්චිත ලකුණු ප්‍රමාණයක් පවතින බැවින් ඉදිරියේ දී පාසල් පන්ති කාමරය තුළ රැඳී සිටීම අනිවාර්ය වන බව අධ්‍යාපන අමාත්‍ය ආචාර්ය සුසිල් ප්‍රේමජයන්ත පවසයි.
ව්‍යාපාරික දිනේෂ් ෂාෆ්ටර්ගේ මෘත ශරීරය ආදාහනය කිරීමට අවසර දිය හැකි දැයි කරුණු සොයාබලා අධිකරණයට දැනුම්දෙන ලෙස කොළඹ මහෙස්ත්‍රාත් අධිකරණය අද (09) එම මරණය හේතු සොයා බැලීම සඳහා පත්කළ විශේෂඥ වෛද්‍ය කමිටුව වෙත නියෝග කළේය.
ඊශ්‍රායලයේ සිටින ශ්‍රී ලාංකිකයන්ගේ ආරක්ෂාවට මුල් තැන දෙන්න – මනූෂගෙන් උපදෙස් !
මේවන විටත් ඊශ්‍රායලයේ සිටින ශ්‍රී ලංකා දූත මණ්ඩලය සමඟ අමාත්‍ය මනුෂ නානායක්කාර සම්බන්ධ වී සිටින අතර ශ්‍රී ලංකා විදේශ සේවා නියුක්ති කාර්යාංශයට එහි සිටින අපගේ ශ්‍රමිකයන්ගේ ආරක්ෂාවට ප්‍රමුඛත්වය දෙන ලෙසට උපදෙස් දී ඇති බව ඔහු සිය FACEBOOK ගිණුමේ සඳහන් කර තිබෙනවා.
ආපදා හේතුවෙන් අවතැන්වුවන්ට කඩිනම් සහන ! නිරීක්‍ෂණයට ප්‍රමිත බණ්ඩාරත් එක්වේයි!
පවතින අයහපත් කාලගුණ තත්ත්වය හේතුවෙන් මාතර දිස්ත්‍රික්කයේ ආපදාවට පත් ප්‍රදේශවල නිරීක්‍ෂණ චාරිකාවක ආරක්‍ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් ඊයේ (08) නිරත විය.
ඉදිරි මහ කන්නයට අවශ්‍ය යූරියා පොහොර මෙට්‍රික් ටොන් 21,000ක් අද (09) සිට බෙදාහැරීමට පියවර ගෙන තිබෙනවා.
ලොව දැරිය හැකි මිලක් සහිත සංචාරක ගමනාන්ත අතර ලැයිස්තුවේ පළමු තැනට ශ්‍රී ලංකාව !
ලොව සංචාරක ගමනාන්ත අතුරින් දැරිය හැකි මිලක් සහිත සංචාරක ගමනාන්ත අතර ලැයිස්තුවේ පළමු තැනට ශ්‍රී ලංකාව පත්ව තිබෙනවා.
එක්සත් ජාතික පක්ෂයේ එළඹෙන සංවත්සරයේ දී පක්ෂ මහ ලේකම් ධුරයේ වෙනසක් සිදුවනු ඇති බව දේශපාලන ආරංචි මාර්ග පවසයි.
ඒ අනුව එක්සත් ජාතික පක්ෂ පාලන සමයේ මුදල් අමාත්‍යවරයා ලෙස කටයුතු කළ රවී කරුණානායක එම ධුරයට පත් කර ගැනීම සඳහා මේ වන විට පක්ෂයේ ප්‍රබලයින් අතර එකඟතාවක් පළ වී ඇති බවද සඳහන්ය.
පක්ෂය පෙර පැවැති ශක්තිමත් තත්ත්වයට පත් කර ගැනීමට හැකියාව පවතින එකම පුද්ගලයා රවී කරුණානායක බවට පක්ෂයේ ජ්‍යෙෂ්ඨ අතර මතයක් පැවතීම ඊට හේතුව වී තිබේ.
කෙසේවෙතත් පක්ෂයේ සුළු පිරිසක් පමණක් මොහු පක්ෂ මහ ලේකම් ධුරයට පත්කර ගැනීමට පවතින සුදානම සම්බන්ධයෙන් සිය අකැමැත්ත පළ කර ඇති බවද සඳහන්ය.
ඊට හේතුව වී ඇත්තේ යම් හෙයකින් රවී කරුණානායක එම ධුරයට පත් වුවහොත් ඔහු පක්ෂ නායකත්වය සමඟ සමීපව කටයුතු කරනු ඇති බවට ඔවුන් තුළ මතයක් පැවතීම බව පක්ෂ අභ්‍යන්තර ආරංචි මාර්ග සඳහන් කළේය.
එක්සත් ජාතික පක්ෂයේ සංවත්සරයේ දී තවත් වෙනස්කම් කිහිපයක් සිදුවනු ඇති බවද පක්ෂ ආරංචි මාර්ග වැඩිදුරටත් සඳහන් කළේය.
