දේශීය කිරිපිටි මිල පහළ දැමීමට මෙතෙක් පියවර ගෙන නැතැයි දේශීය කිරිපිටි නිෂ්පාදකයින්ගේ සංගමය පවසයි.

2024 පාසල් ආහාර වැඩසටහන අද(25) ජනාධිපති රනිල් රනිල් වික්‍රමසිංහගේ ප්‍රධානත්වයෙන් නාරාහේන්පිට සුජාතා බාලිකා විද්‍යාලයේ ආරම්භ වෙයි.

අග්‍රාමාත්‍ය දිනේෂ් ගුණවර්ධන නිල සංචාරයක් සඳහා චීනය බලා පිටත්ව ගොස් තිබේ.

මේ දිනවල දිවයිනට බලපා ඇති අධික උණුසුම් කාලගුණික තත්ත්වය තවදුරටත් පැවතිය හැකි බව කාලගුණ විද්‍යා දෙපාර්තමේන්තුව විසින් නිවේදනය කර ඇත. සමහර ප්‍රදේශ ආශ්‍රිත උණුසුම් දර්ශකය 39 - 45 අතර ‘‘අවදානම්” මට්ටමට ළඟා වී ඇති බව වාර්තා වේ. මෙම උණුසුම් කාලගුණය සමඟ ලෙඩ රෝග රැසක්ද අත්වැල් බැඳ පැමිණිය හැකි බව සෞඛ්‍ය අංශ දැන් අනතුරු අඟවා තිබේ. ඒ සමඟම අවධානය දිනාගන්නා ප්‍රමුඛ කාරණාවක් වන්නේ සම මත ඇතිවන පිළිස්සීම් සහ දහදිය බිබිලි ඇතුළු ආසාදන තත්ත්වයන්ය.

මූලික වශයෙන් අධික උණුසුම නිසා නිතර දහදිය දැමීමෙන් ශරීරගත ජලය ඉවත්ව යාම නිසා විජලනය සහ ලවණ ඉවත්වීම නිසා ඇතිවිය හැකි මස්පිඬු පෙරළීම, අධික උෂ්ණත්වය නිසා ඇතිවන අධික මහන්සිය, එසේම අධික උෂ්ණත්වයේ ළමුන් ක්‍රියාකාරකම්වල නිරතවීම තුළින් ශරීර උෂ්ණත්වය නියාමනය කිරීම අඩපණ වී ආඝාත තත්ත්වය ඇතිවිය හැකි බව සෞඛ්‍ය අංශ අනතුරු අඟවා තිබේ.

මේ උණුසුම් තත්ත්වය සමඟ අපේ සම ආශ්‍රිතවද විවිධ පිලිස්සීම් - Sunburn, ඇතුළු රෝග ගණනාවක් හටගත හැකි බව අප කළ විමසීමකදී විස්තර කර දුන්නේ චර්ම රෝග පිළිබඳ විශේෂඥ වෛද්‍ය ඉන්දිරා කහවිටය. ඒ අනුව පවතින අධික රස්නය සහිත කාලගුණයත් සමඟ සූර්යයාගෙන් නිකුත් වන පාරජම්බුල කිරණ මිනිස් සිරුරට පතිත වීම වැඩි වී ඇති බව චර්ම රෝග විශේෂඥ වෛද්‍ය ඉන්දිරා කහවිට පෙන්වා දෙයි. ඇය සඳහන් කළේ, දුඹුරු සමක් සහිත ලාංකිකයන්ට වුවද මේ වන විට පවතින දැඩි හිරු රශ්මිය සමඟ ගැටීමේ දී ශරීරයේ දැඩි අපහසුතාවයක් දැනීමට එය ප්‍රධාන හේතුවක් වන බවයි.

“පාරජම්බුල කිරණ දර්ශකය (UV Index) 3ට වඩා වැඩි නම් සුදු සමක් සහිත පුද්ගලයන්ට හිරු රශ්මියට නිරාවරණය නොවන ලෙසට වෛද්‍ය සම්මතය අනුව උපදෙස් ලබා දී තිබෙනවා. නමුත් දුඹුරු සමක් සහිත පුද්ගලයන් වුවද එම දර්ශකය අනුව ගණන් බලා කටයුතු කිරීමට වඩා එළිමහනේ ගමන් බිමන් යන විට තමන්ට අධික හිරු එළිය නිසා සිරුරට දැනෙන අපහසුතාවය අධික නම් බොහෝ වේලාවක් හිරු එළියට නිරාවරණය වී සිටීම හොඳ නැති බව ඇය පෙන්වා දෙයි.

ඇතැම් විශේෂ චර්ම රෝග ඇති පුද්ගලයන් ද මෙම කාලසීමාවේදී තම සෞඛ්‍ය ගැන විශේෂ අවධානයකින් පසුවිය යුතු බව චර්ම රෝග විශේෂඥ වෛද්‍ය ඉන්දිරා කහවිට පෙන්වා දෙයි.

“උදාහරණයක් ලෙස ශරීරය පුරා සුදු කබර රෝගයෙන් පෙළෙන අයකු නම්, දුඹුරු සමක් ඇති පුද්ගලයකුට වඩා මේ දිනවල පවතින අධික හිරු එළියෙන් ආරක්ෂා වීමට කටයුතු කිරීමට වග බලාගත යුතුයි.” මෙහිදී විශේෂයෙන්ම උපතින්ම සුදු පැහැති (ඇලිබිනිසම්) පුද්ගලයන්, මෙන්ම හිරු එළියට සංවේදීභාවය වැඩි පුද්ගලයන් සහ ‘සිස්ටීමික් ලූපස් එරිතීමටෝසිස්’ (Systemic lupus erythematosus/SLE) රෝගීභාවයෙන් පෙළෙන පුද්ගලයන් වැඩි අවධානයකින් සිටීම වැදගත් බව ද විශේෂඥ වෛද්‍යවරිය පෙන්වා දෙයි.

මේ දිනවල ඇති අධික රස්නය නිසා බහුලව ඇතිවන චර්ම රෝග අතර අප දහදිය බිබිලි ලෙස හඳුන්වන තත්ත්වය අධිකව පැතිර ගොස් ඇති ආකාරය හඳුනාගත හැකි බව චර්ම රෝග පිළිබඳ විශේෂඥ වෛද්‍ය ඉන්දිරා කහවිට පවසයි.

පරිසරයේ පවතින ආර්ද්‍රතාවය වැඩි නිසා පවතින රස්නය හේතුවෙන් මිනිස් සිරුරෙන් පිටවන දහදිය වාෂ්ප වීම ප්‍රමාද වීම නිසා කුඩා දරුවන්ගේ සම මත දහදිය බිබිලි ආදිය ඇතිවීම මේ කාලයේ දී වැඩි වශයෙන් දක්නට ලැබීම සුලභය.

“දහදිය බිබිලි එනවා කියන්නේ දරුවන්ගේ සම උෂ්ණයි කියන එක. ගොඩක් දෙනෙක් බලාපොරොත්තු වෙන්නේ දහදිය බිබිලිවලට ගාන්න ක්‍රීම් වැනි ආලේපයක්. නමුත් එවැනි ආලේපනයක් ගැල්වීමට වඩා වැදගත් සම ටිකක් සිසිල් කර ගැනීම." යැයි ඇය කියයි.

කුඩා දරුවකුට වෙනත් අසනීපයක් නොමැති නම් එම දරුවා නැහැවීමේදී සහ සිරුර සේදීමේදී ඇල් ජලය භාවිත කිරීම යහපත් බව ඇය පෙන්වා දෙයි. එමෙන්ම දහදිය බිබිලි ඇතිවී තිබෙන දරුවකු නම් වෙනදාට වඩා වැඩි වාර ගණනක් දිනපතා සිරුර ජලයෙන් සේදීම වැදගත් බවත් එවැනි අවස්ථාවලදී සබන් ගැල්වීමක් සිදුකිරීමට අවශ්‍ය නොවන අතර මෙය වැඩිහිටියකුට වුවත් අනුගමනය කළ හැකි දෙයක් බවත් ඇය පැහැදිලි කර දෙයි. රස්නය අධිකව පවතින කාලසීමාවක දී සිරුරේ සබන් ගැලවීම සුදුසු නොවේ. කෙසේ වුවත් අඛණ්ඩව සිරුරේ දහදිය බිබිලි පවතී නම් ඒ සම්බන්ධයෙන් වෛද්‍ය උපදෙස් ලබා ගැනීම වැදගත් යැයි ඇය කියයි.

මේ සමඟ එන තවත් බහුල රෝගී තත්ත්වයක් වන්නේ සමේ බැක්ටීරියා ආසාදන ඇතිවීම ය. පරිසරයේ පවතින ආර්ද්‍රතාවය වැඩිවීම නිසා කුඩා දරුවන්ගේ සමේ බැක්ටීරියා ආසාදන ඇතිවීම සුලබය. මේවා ඇඟ පුරා ඇති සැරව බිබිලි ලෙස බොහෝ විට ඉස්මතු වේ. සාමාන්‍යයෙන් මුහුණ පුරා සහ ඇස් යට සැරව බිබිලි ඇතිවී තිබෙනවා නම්, ඊට අමතරව උණ තිබෙනවා නම් වෛද්‍යවරයකු වෙත රැගෙන යාම වැදගත් බව වෛද්‍යවරිය කියයි.

කුරුලෑ බහුලව ඇතිවීම ද බරපතළ ගැටලුවකි. මෙයට හේතුව අපගේ සම මත රැඳෙන දහඩිය දූවිලි, කුණු ආකර්ෂණය කර ගැනීමයි. කුණු, දූවිලි මගින් සමේ සිදුරු වැසී යන අතර බැක්ටීරියා වර්ධනයට සුදුසු පරිසරයක් ලබා දෙයි. මේ සඳහා ඇති පහසුම විසඳුම කුරුලෑ අවම කිරීම සඳහා සම පිරිසිදුව තබා ගැනීමට කටයුතු කිරීමයි.

එසේම අධික රස්නය සහ නිතර දමන දහදිය හේතුවෙන් දිලීර ආසාදනයන් ඇතිවීම ඉහළ යා හැකි බව විශේෂඥ වෛද්‍ය ඉන්දිරා කහවිට පෙන්වා දෙයි. පවතින දිලීර රෝග ශරිරයේ වෙනත් තැන්වලට ව්‍යාප්තව යාමත් අලුත් දිලීර රෝග බෝවීමත් සිදුවිය හැකිය.

ශ්‍රී ලංකාව තුළ බොහෝ රෝගීන්ට දිලීර ආසාදනය ඇතැම්විට ගැටලුසහගත තත්ත්වයක් බවට පත්ව තිබේ. දිලීර රෝග තත්ත්වය සමේ තෙත්භාවය පවතින ස්ථානවල ඇතිවීම ඊට ප්‍රධාන හේතුවයි. විශේෂයෙන් දහදිය දැමීම අධික පුද්ගලයන්ගේ සිරුරේ කිහිලි, ඉකිලිවල සහ කාන්තාවන්ගේ පියයුරු යට, තට්ටම්වල බොහෝ දුරට දිලීර ආසාදනය සිදුවෙයි. මේ දිනවල පවතින අධික උෂ්ණ කාලගුණයත් සමඟ දිලීර රෝග ව්‍යාප්තිය බහුල වන බව ඇය පෙන්වා දෙයි. නමුත් මෙම ආසාදන සඳහා විවිධ ඖෂධ සහ ආලේපන හිතුමතේ වෙළෙඳපොළෙන් රැගෙන භාවිත නොකළ යුතු බවත් ඒ සඳහා සුදුසුකම් ලත් වෛද්‍යවරයකුගේ උපදේශන මත ප්‍රතිකාර කිරීම වඩා වැදගත් බවත් ඇය පෙන්වා දෙයි.

• දේශය

1949 මාර්තු 24 දින දින රනිල් වික්‍රමසිංහ උපත ලැබුවේ එඩ්මන් වික්‍රමසිංහ සහ නාලනී විජේවර්ධන මවුපියන්ට දාවයි.

රුසියාවේ මොස්කව් නුවරට පසුගිය දා ත්‍රස්තවාදීන් විසින් එල්ල කළ බියගුළු ප්‍රහාරය තරයේ හෙළාදකින බවත් ඉන් ජීවිතක්ෂයට පත් වූ සහ තුවාල ලැබූ සියලුම දෙනා වෙනුවෙන් ශෝකය සහ කණගාටුව ප්‍රකාශ කරන බවත් ආරක්ෂක රාජ්‍යය අමාත්‍යය ප්‍රමිත බණ්ඩාර තෙන්න⁣කෝන් මහතා ප්‍රකාශ කළේය.

සිය X ගිණුමේ සහටනක් තබමින් ආරක්ෂක රාජ්‍ය අමාත්‍යවරයා පවසනුයේ රුසියාවේ මොස්කව් නුවර සිදුවූ ත්‍රස්ත ප්‍රහාරය තරයේ හෙළා දකින බවත් එවැනි බියගුලු ප්‍රචණ්ඩ ක්‍රියාවලින් සිදු වන්නේ සාමය අස්ථාවර කර භීතිය වැපිරීම පමණක් බවයි. විපතට පත් වූවන් සහ ඔවුන්ගේ පවුල් වෙත තම ශෝකය සහ කණගාටුව පළකරන අතර ඔහු පවසන්නේ ලෝකයේ ත්‍රස්තවාදයට කිසිදු ආකාරයක ඉඩක් නොතැබිය යුතු බවයි.

ආරක්ෂක රාජ්‍ය අමාත්‍යවරයා සිය X ගිණුමේ තැබූ සටහන පහත පරිදි වේ.

"I strongly condemn the terrorist attack in Moscow, Russia. Such cowardly acts of violence only serve to destabilize peace and sow fear. Our hearts go out to the victims and their families. Terrorism has no place in our world."

මෙරට ආර්ථික ප්‍රකෘතිය උදාකරගත හැක්කේ නව ආර්ථික ප්‍රතිසංස්කරණමය වැඩපිළිවෙළක් තුළින් පමණක් බවත්, පසුගිය ආර්ථික අර්බුදය හමුවේ අප අත්විඳී පිඩාවන් මතු පරපුරට උරුම වීමට ඉඩ නොතබා රජයේ වැඩපිළිවෙළට සහාය ලබාදීම සියලුදෙනාගේ වගකීම බවත් ජනාධිපති රනිල් වික්‍රමසිංහ මහතා පැවසීය.

එසේම තමා භාරගත්තේ අනෙකුත් දේශපාලනඥයන් භාර ගැනීමට අකමැති වු රටක් බව සිහිපත් කළ ජනාධිපතිවරයා ඔවුන් තම දේශපාලන අනාගතය පිළිබඳ සිතද්දි තමා සිතුවේ රටේ අනාගතය පිළිබඳව බවද කියා සිටියේය.
ජනාධිපති රනිල් වික්‍රමසිංහ මහතා මේ බව සඳහන් කර සිටියේ “යුනයිටඩ් යුත් තරුණ එකමුතුව” විසින් “තරුණ අපේ අනාගතය” මැයෙන් ඊයේ (23) පොළොන්නරුවේ දී සංවිධානය කර තිබූ සුහද කථා බහට එක් වෙමිනි.
“ජනපති සමඟ කථාබහක්” නමින් පැවැත්වුණු මෙම හමුවේදි රටේ ඉදිරි අනාගතය හා දැක්ම පිළිබඳ ජනාධිපතිවරයා තරුණ තරුණියන් සමඟ සාකච්ඡා කළ අතර ඔවුන් මතුකළ ගැටළු රැසකට ද සාධනීය පිළිතුරු ලබා දුන්නේය.
මෙහිදී අදහස් දැක්වූ ජනාධිපති රනිල් වික්‍රමසිංහ මහතා වැඩිදුරටත් සඳහන් කළේ රජය සිදුකරමින් සිටින නව ආර්ථික ප්‍රතිසංස්කරණ ක්‍රියාවලියෙහි ප්‍රතිලාභ තවත් වසර කිහිපයකින් ජනතාවට ලැබෙනු ඇති බවයි. එබැවින් තමන්ටත්, රටටත් යහපත් අනාගතයක් උදාකර ගැනීම වෙනුවෙන් තමන් ගමන් කළ යුත්තේ කුමන මාර්ගයේ ද කියා රටේ තරුණ පරපුර තීරණය කළ යුතු බව ද ජනාධිපතිවරයා අවධාරණය කළේය.
මෙහිදී තරුණ තරුණියන් ඇමතු ජනාධිපති රනිල් වික්‍රමසිංහ මහතා මෙසේද පැවසීය.
මම භාරගත්තේ වැටුණු රටක්. රට භාරගැනීමට දේශපාලන නායකයෝ අකමැති වු රටක්. මම හිතුවා මම මේ රට භාරගත්තේ නැත්නම් රටට මොකක්ද වෙන්නේ කියලා. සමහරු හිතුවා රට භාරගත්තොත් තමන්ගේ දේශපාලනය නැතිවෙයි කියලා. ඔවුන් තමන් ගැන සිතද්දි මම හිතුවේ එම මොහොතේ රට භාරගත්තේ නැත්නම් රට නැතිවෙයි කියලා.
මට තිබු එකම ප්‍රශ්නය වුණේ මම විතරක් තනිවම පාර්ලිමේන්තුවේ සිටීමයි. නමුත් වැටුණු රට ගොඩනැඟිමට හැකි බවට මට විශ්වාසයක් තිබුණා. ඊට පෙර දෙසැම්බර් මාසයේ දී පමණ මම ජාත්‍යන්තර මූල්‍ය අරමුදලේ කළමනාකාර අධ්‍යක්ෂවරිය සමඟ සාකච්ඡා කර තිබුණා. ඒ වගේම ලෝක බැංකුව සමග සාකච්ඡා කර තිබුණා.

මම ඒ පිළිබඳ හිටපු ජනාධිපතිවරයාට දැනුම් දීලා එම වැඩපිළිවෙළ ක්‍රියාත්මක කරන ලෙස පැවසුවා. ඒ වගේම පසුගිය මැතිවරණයේ දීත් එක්සත් ජාතික පක්ෂය ප්‍රකාශ කළා රටට මුදල් නැහැ, ඒ නිසා ඩොලර් මිලියන 3000ක්වත් සොයාගත යුතු බව. එහිදී අපට ජනතාව ඡන්දය ලබා දුන්නේ නැහැ. නමුත් එම ප්‍රකාශය 2021 දී සත්‍යයක් බවට පත් වුණා.
එවැනි තත්ත්වයකයි මම රට භාරගත්තේ. මම රට භාර නොගත්තානම් කුමක්ද සිදු වන්නේ. මම මේ රටේ වගකීම භාර නොගත්තා නම් රටේ ආර්ථිකය සම්පූර්ණයෙන්ම කඩා වැටෙනවා. බිඳ වැටුණු ආර්ථිකය නැවත ගොඩනැගීම වෙනුවෙන් ජාත්‍යන්තර මූල්‍ය අරමුදලේ සහාය ලබා ගැනීමට අප කටයුතු කළා. ජාත්‍යන්තර මූල්‍ය අරමුදල සමග සාකච්ඡා සාර්ථක වී තිබෙන අතර අපට ණය ලබාදුන් රටවල් සමඟ ද සාකච්ඡා කිරීමට නියමිතව තිබෙනවා.
මෙම සාකච්ඡාවලින් පසු අපේ රටේ සංවර්ධන කටයුතු සඳහා නැවත එම රටවල සහාය හිමි වෙනවා. නමුත් සියලු ප්‍රශ්නවලට එමගින් විසදුම් ලැබෙන්නේ නැහැ. අප තවමත් ආනයන පදනම් කරගත් ආර්ථිකයක්. සෑම වසරකම අපනයනවලට වඩා ආනයන වැඩියි. මෙම පරතරය පියවා ගැනීමට නැවත ණය ලබා ගැනීමට සිදු වෙනවා. එවිට තවත් වසර 10ක් යන විට නැවත රටේ ආර්ථිකය කඩා වැටෙනවා.
අද ඔබ වයස අවුරුදු 27ක තරුණයෙක් නම්, වයස අවුරුදු 37 වන විට ඔබ නැවත මෙම ආර්ථික පීඩනයට මුහුණ දීමට සූදානම් ද කියා ප්‍රශ්න කිරීමට මම කැමතියි. ඉන්ධන නැති වූ, ආර්ථිකය කඩා වැටුණු රටක් භාර ගැනීමට ඒ වන විට කිසිවෙක් සිටිද කියාවත් කිව නොහැකියි. ඒ නිසා අප සියලුදෙනාගේ වගකීම වන්නේ මෙම ආර්ථික අර්බුදය මතු පරපුරට උරුම නොකිරීමයි. ඒ වෙනුවෙන් කැපවීම අප සියලුදෙනාගේ වගකීමක් බව මම විශ්වාස කරනවා. අප කඩිනමින් ආර්ථික ප්‍රතිව්‍යුහගතකරණයක් සිදු කළ යුතුයි. ආනයන පදනම් කරගත් ආර්ථිකයක සිට අපනයන පදනම් කරගත් ආර්ථිකයකට අප ගමන් කළයුතුයි. ඒ සඳහා නගරයේ පමණක් නෙවෙයි ගමේද ආර්ථිකය දියුණු කළයුතුව තිබෙනවා. ඒ වගේම අය වැය පාලනය කළයුතුයි. රජයේ මෙම ප්‍රතිසංස්කරණ ක්‍රියාත්මක කළහොත් 2035 වසර වන විට ආපනයන ආර්ථිකයකට යොමු වීමට අපට හැකියාව තිබෙනවා. ඉන් පසුව අපට සීග්‍ර ආර්ථික වර්ධනයක් කරා ගමන් කළ හැකියි.
ඒ වගේම වසරකට මෙරටට පැමිණෙන සංචාරකයන්ගේ සංඛ්‍යාව ලක්ෂ 25 සිට ලක්ෂ 50 දක්වා ඉහල නංවා ගැනීමට රජය සැලසුම්සහගතව කටයුතු කරනවා. ඒ වගේම වැඩි මුදලක් වියදම් කරන සංචාරකයන් රටට ගෙන්වා ගත යුතුයි.
එසේම කෘෂි නවීකරණ වැඩසටහන හරහා ගම දියුණු කිරිමට අප කටයුතු කරමින් සිටිනවා. එවිට කෘෂි අපනයන කරා අපට පහසුවෙන් ළගාවිය හැකියි. එහිදි නව වගාවන් හදුන්වාදීමට කටයුතු කර තිබෙන අතර දූරියන් වගාව පිළිබඳ තායිලන්ත රජය සමග සාකච්ඡා කර තිබෙනවා. ඒ වගේම මෙරට තිබෙන බෝගවල ඵලදායිතාව ඉහළ නංවා ගැනිම තුළින් ග්‍රාමීය ආර්ථික දියුණු කිරීමට හැකියාව තිබෙනවා.
සූර්ය බලය හා සුළං බලය අපේ රටේ විශාල වශයෙන් තිබෙනවා. ඒ අනුව සුළං සහ තාප බලයෙන් බලශක්ති උත්පාදනයට යොමු වීමෙන් අපට අවශ්‍ය ප්‍රමාණයට වඩා දස ගුණයක් ලබාගත හැකි අතර එහි අතිරික්ත ප්‍රමාණය ඉන්දියාවට අළෙවි කළ හැකියි. ඒ වගේම ඉන්දියාවේ සහය ඇතිව ත්‍රිකුණාමලයේ ආයෝජන කලාපයක් ඇති කිරිමට අක්කර දහසක් වෙන් කර තිබෙනවා. එසේම මහවැලි ඒ සහ බී කලාප සංවර්ධනය කර නවීන කෘෂිකර්මාන්තයක් ඇති කිරිමට සැලසුම් කර තිබෙනවා.
බිංගිරියේ සහ උතුරේ නව ආයෝජන කළාප ඇති කිරීමට කටයුතු කර තිබෙන අතර ඒ සඳහා අවශ්‍ය ඉඩම් මේ වන විටත් වෙන් කර තිබෙනවා. ඊළග වසර 05 තුළ මෙම වැඩසටහන් ක්‍රියාත්මක කළයුතුයි.
මම මේ සියල්ල සිදු කරන්නේ ඔබේ අනාගතය වෙනුවෙන්. ඔබේ දරුවන්ගේ අනාගතය වෙනුවෙන් බව කිවයුතුයි.
තවද, මෙම හිගුරක්ගොඩ ප්‍රදේශය දියුණු කිරීමට අප කටයුතු කර තිබෙන අතර, හිගුරක්ගොඩ ගුවන් තොටුපළ ඉදිකිරීම වෙනුවෙන් මෙම වසරේදී මුදල් ලබා දිමට කටයුතු කළා. ඒ තුළින් මෙම පළාතට අභ්‍යන්තර ගුවන් සේවා ලැබෙනවා.

ඒ වගේම පොළොන්නරුව ඓතිහාසික පුරවරය සංචාරකයන්ට දිවා රාත්‍රියේ විවෘත කළ හැකියි. අපේ සංස්කෘතිකාංග සහ නවීන නැටුම් ගැයුම් සහ දේශීය ආහාර පාන එක් කර සංචාරක වැඩසටහන් සැකසීමේ හැකියාව තිබෙනවා. මෙම සියලු කටයුතු සමඟ අප ඉදිරියට යා යුතුයි.
ඒ නිසා රට වෙනුවෙන් ගමන් කළ යුත්තේ කුමන මාර්ගයේ ද කියා තරුණ පරපුර තීරණය කළයුතුයි. ඔබ ඔබේ අනාගතය තීරණය කරන්න. මොකද අපේ දේශපාලනයේ සිටින බොහෝ දෙනෙක් තෙල් බෙහෙත් කාරයෝ. තෙල් බෙහෙත් අරගෙන කිසිවෙක් සුව වී නැහැ.ඒ නිසා ඔබ අනාගතය පිළිබඳ කල්පනාකරීව කටයුතු කළ යුතු බව මම ප්‍රකාශ කරනවා.
මෙහිදී තරුණ තරුණියන් මතුකළ ප්‍රශ්න සහ ජනාධිපති රනිල් වික්‍රමසිංහ මහතා ලබා දුන් පිළිතුරු මෙසේය
ප්‍රශ්නය
ලංකාපුර ග්‍රාමසේවා වසමට අයත් කුඹුරු විශාල ප්‍රමාණයක් තිබෙනවා. ඇතැම් කුඹුරු වන ජීවී දෙපාර්තමේන්තුවට අයත්ව තිබෙනවා. අපට වගා කටයුතු සඳහා එම කුඹුරු යළි ලබාදෙන ලෙස ඔබතුමාගෙන් කාරුණිකව ඉල්ලා සිටිනවා.
පිළිතුර
1985 වසරේ සිතියමට අනුව වන සංරක්ෂණ දෙපාර්තමේන්තුවට අයත් ඉඩම් තිබෙනවා. ඒ වගේම එම සිතියමට අනුව ගම්මානවලට අයත් ඉඩම් ද තිබෙනවා. එම නිසා අපි මේ පිළිබඳ සොයා බලා ඉදිරි පියවර ගැනීමට බලාපොරොත්තු වෙනවා.
ප්‍රශ්නය
තරුණ තරුණියන් වශයෙන් ඔබතුමා කෙරෙහි අප තුළ පැහැදීමක් තිබෙනවා. මේ ප්‍රදේශය ඩොලර් ඉපැයිය හැකි ප්‍රදේශයක්. අපේ ගම්වලට එන වන අලින් පෙන්වා විදේශකයන්ගෙන් ඩොලර් උපයා ගැනීමේ හැකියාව තිබෙනවා. ඒ සඳහා අපට පුහුණුවක් ලබා දී රටට ඩොලර් උපයා ගැනීමට වගේම අපටත් ආදායමක් ලැබෙන ලෙස කටයුතු කිරීමට ඇති හැකියාව පිළිබඳ ඔබතුමාගේ අවධානය යොමු කරනවා.
පිළිතුර
මෙරට සංචාරක ව්‍යාපාරය අද විශාල දියුණුවක් ලබමින් තිබෙනවා. ඒ වගේම සංචාරක ව්‍යාපාරය නගාසිටුවීම සම්බන්ධයෙන් මේ වන විට කමිටුවක් ද පත් කර තිබෙනවා. ඒ අනුව මේ පිළිබඳ ඉදිරියේදී විසදුමක් ලබාදීමට කටයුතු කරන බව ප්‍රකාශ කිරීමට කැමතියි.
ප්‍රශ්නය
අපි ජීවත් වෙන්නේ වැලිකන්ද ප්‍රදේශයේ ඈත දුෂ්කර ගමකයි. රජයේ කෘෂි නවීකරණ ව්‍යාපෘතිය යටතේ නවීන තාක්ෂණය උපයෝගී කර ගනිමින් වගා කටයුතු සිදු කිරීම සඳහා අපට ඉඩම් ලබා දෙන ලෙස ඔබතුමාගෙන් කාරුණිකව ඉල්ලා සිටිනවා.
පිළිතුර
1977 වන විට වැලිකන්ද ප්‍රදේශය පැවතුනේ මහා වනාන්තරයක් ලෙසයි. වැලිකන්ද සහ මාදුරුඔය අද කෘෂිකර්මාන්තය සඳහා ඉතා හොඳ ප්‍රදේශ බවට පත්ව තිබෙනවා.කෘෂි නවීකරණ ව්‍යාපෘතිය යටතේ නවීන කෘෂිකර්මාන්තය ගමට ගෙන ඒමට අප සැලසුම් කර තිබෙනවා.
ඒ වගේම අප ආරම්භ කර තිබෙන උරුමය වැඩසටහන යටතේ ජනතාවට සින්නක්කර ඉඩම් ඔප්පු ලබාදීමේ වැඩසටහන මේ වන විට ආරම්භ කර තිබෙනවා. ලක්ෂ 20ක ජනතාවට නීත්‍යානුකූල ඉඩම් අයිතිය හිමිවන එම වැඩසටහන තව මාස දෙකක් ඇතුළත අවසන් කිරීමට අපි බලාපොරොත්තු වෙනවා. ඒ වගේම මේ ප්‍රදේශයේ සංචාරක ව්‍යාපාරය දියුණු කිරීමටත්, කෘෂි නවීකරණ වැඩසටහන යටතේ වගා කටයුතු ප්‍රවර්ධනය කිරීමටත් අප බලාපොරොත්තු වෙනවා.

 ප්‍රශ්නය
සංචාරක කර්මාන්තය තුළ දිඹුලාගලට සුවිශේෂී ස්ථානයක් හිමි වෙනවා. මේ පිළිබඳ අවධානය යොමු කිරීම සුදුසු බව මම යෝජනා කරනවා.
පිළිතුර
ජාත්‍යන්තර මූල්‍ය අරමුදලේ වැඩසටහන සමග දැන් රටේ සංවර්ධන කටයුතු ක්‍රියාත්මක කිරීමට අවස්ථාව ලැබෙනවා. ඒ අනුව සංචාරක ව්‍යාපාරය ප්‍රවර්ධනය වෙනුවෙන් රජය විශේෂ අවධානයක් යොමු කර තිබෙන අතර මෙරටට පැමිණෙන සංචාරකයන්ගේ සංඛ්‍යාව වර්ධනය කර ගැනීමට රජය සැලසුම්සහගතව කටයුතු කරනවා. ඒ වගේම සංචාරක ව්‍යාපාරයෙන් ලැබෙන ආදායම තවදුරටත් ඉහළ නංවා ගැනීම අපේක්ෂාවයි. එහිදී සංචාරක ආකර්ශණය දිනාගත හැකි ප්‍රදේශ ලෙස සියලු ප්‍රදේශ සංවර්ධනය කිරීමට රජය අවධානය යොමු කර තිබෙන බව කිවයුතුයි.
ප්‍රශ්නය
ජනාධිපතිතුමනි, මම නීතිය හදාරන සිසුවෙක්. ජනතා විමුක්ති පෙරමුණ විසින් 1989 වසරේ දී මගේ පවුලේ සාමාජිකයින් 06 දෙනෙක් එක් දිනකදී මරා දමා මිලියන 08ක දේපළ කොල්ළ කෑවා. ඔවුන්ගේ මෘත දේහ පවා කනත්තට ගෙන යාමටවත් ඉඩ දුන්නේ නැහැ. තවමත් ජනතා විමුක්ති පෙරමුණේ අවතාර තිබෙන නිසා අප පසුවන්නේ බියෙන්.
එම පවුලේ වත්මන් සාමාජිකයෙකු වූ මටද මගේ ව්‍යාපාර කටයුත්තක්වත් කර ගැනීමට නොහැකි පරිදි හිගුරක්ගොඩ ප්‍රාදේශීය සභාව සතු ප්‍රධාන වීදීයේ තිබු මගේ කඩ කාමරය දේශපාලන පළිගැනිම් හේතුවෙන් මට අහිමිකර තිබෙනවා. දශක තුනක කාලයක් මම වැනි තරුණයන් බොහෝ පිරිසක් මේ දේශපාලන පළිගැනීම්වලට ලක්වූ අතර ඒ හේතුවෙන් අපට සුදුසු තැන නොලැබී තිබෙනවා. මේ සම්බන්ධයෙන් ඔබතුමාට යම් වැඩපිළිවෙළක් තිබෙනවාද කියා දැන ගැනීමට කැමතියි.
පිළිතුර
අප ඒ පිළිබඳ අවධානය යොමු කර කටයුතු කිරීමට සූදානම්. ඔබගේ අධ්‍යාපන කටයුතු නිසි ලෙස කරගෙන යාමට සුබපතනවා.

දැඩි ආර්ථික පීඩනය මත ආතතිය ලෙඩ රෝග වැඩිවීම හේතුවෙන් මේ රටේ පුරවැසියන් දහ දෙනෙකුගෙන් හය දෙනෙකුම අවදානම් කලාපයට ගොස් ඇතැයි ක්‍රම සහ විධි පිළිබඳ පාර්ලිමේන්තු කාරක සභාවේ වාර්තාවක සඳහන් වේ.