භීතිය හා දූෂණය වපුරවමින් සිටින වත්මන් පාලනය සහතිකවම, තම අවසානය කරා ළඟා වෙමින් සිටින බවත්, ගෙදර යෑම සඳහා පැදුරු අකුලා ගනිමින් සූදානම් වන ලෙසට, ජනතාව රාජපක්‍ෂ රෙජීමයට පණිවිඩයක් ලබාදී තිබෙන බවත් එක්සත් ජාතික පක්ෂය පවසයි.
සරත් ෆොන්සේකා මහතා මහතාගේ නායකත්වයෙන් යුතු ප්රජාතන්ත්රවාදී පක්ෂයේ කොලොන්නාව ආසනයේ සංවිධායකවරයා වන බස්නාහිර පළාත් සභා මන්ත්රී සුසිල් කිඳෙල්පිටිය මහතා එක්සත් ජාතික පක්ෂයට එක්වීම සඳහා සූදානම් වන බව 'ලංකා සි නිව්ස්' වෙබ් අඩවිය වාර්තා කරයි.
මැතිවරණ කොමසාරිස් මහින්ද දේශප්‍රිය මහතාගේ අත්සනින් අද උදේ 6.47ට පමණ නිකුත් කළ ඌව පළාත් සභාවේ මොණරාගල දිස්ත්‍රික් අවසන් ඡන්ද ප්‍රතිඵලයේ සුළු වෙනසක් කර නැවත නිකුත් කරනු ලැබීය.
ජාතික නිදහස් පෙරමුණෙන් ඉවත්ව සන්ධානයෙන් නාම යෝජනා බලාපොරොත්තු වුවද එය ඉටු නොවීම නිසා ස්වාධීනව මොණරාගලින් ඡන්දයට ඉදිරිපත්වූ උදය කුමාර හිටපු මන්ත‍්‍රීවරයා මෙවර ලබා ඇති ඡුන්ද සංඛ්‍යාව 3781 කි.
ආණ්ඩුවේ ප‍්‍රබල අමාත්‍යවරුන් දෙදෙනෙකු වන නිමල් සිරිපාලද සිල්වා මහතා නියෝජනය කරන බදුල්ල ආසනයත් ඩිලාන් පෙරේරා මහතා නියෝජනය කරන හාලිඇල ආසනයත් එක්සත් ජාතික පක්ෂය ජයගැනීම විශේෂත්වයකි.
පශ්චාත් මැතිවරණ කාලසීමාව තුළ පෙළපාලි හෝ මැතිවරණ නීතිය කඩකරන පුද්ගලයින්ට එරෙහිව දැඩිව නීතිය කි‍්‍රයාත්මක කරන බව පොලිසිය පවසයි.
