තම සංගමය තුළ අමාත්‍යවරුන්ගේ සහ නියෝජ්‍ය ඇමැතිවරුන් යටතේ සේවය කළ ලේකම්වරුන් රැසක්‌ සිටින බවත්, ඔවුන්ගේ නිවැරැදි තොරතුරු මත එම ලිපි ගොනු සම්බන්ධයෙන් නීතිඥ උපදෙස්‌ ගනිමින් සිටින බවත් මහවැලි කේන්ද්‍රයේ දී 13 දා පැවැති මාධ්‍ය හමුවට එක්‌වෙමින් එම සංගමයේ ප්‍රධාන ලේකම් අජිත් ජයසුන්දර මහතා පැවසීය.
නීතිඥ උපදෙස්‌ ගැනීමෙන් පසු එම විස්‌තර අල්ලස්‌ කොමිසම වෙත භාර දෙන බවද හෙතෙම කීය. පසුගිය රජයේ කැබිනට්‌ මණ්‌ඩලය තුළ සිටි බොහෝ මැති ඇමැතිවරුන්ගේ ලේකම්වරුන් ලෙස පවුලේ ඥතීන් පත් කර සිටි බව කී ජයසුන්දර මහතා නව කැබිනට්‌ මණ්‌ඩලයේ මැති ඇමැතිවරුන්ගෙන් ලේකම්වරුන් පත්කර ගැනීමේදී සුදුසු අය පත් කර ගන්නා ලෙසද ඉල්ලීමක්‌ කළේය.
පළාත් පාලන ආයතනයකට වසරකට මිලියන 6,000 - 7,000 ක්‌ අතර මුදලක්‌ ලැබෙන බවත් එම මුදල්වලින් සිදුවූ සංවර්ධන කටයුතු නිවැරැදිව ඉටු නොවූ බවත් තමා ප්‍රාදේශීය සභා මන්ත්‍රීවරයකු ලෙස ප්‍රායෝගිකව දැක ඇතැයිද හෙතෙම කීය.
