යාපනය සරසවියෙහි උප කුලපති මහාචාර්‍ය වසන්ති අරසරත්තිනම් මහත්මිය විසින් ඉදිරියදී පැවැත්වීමට නියමිත ජනාධිපති මැතිවරණයදී වත්මන් ජනපති මහින්ද රාජපක්‍ෂ මහතාට සහයෝගය පලකර පුවත්පත් දැන්වීමක් පළ කිරීම සඳහා සරසවියේ සියළු පීඨ ජේෂ්ඨ කථිකාචාර්‍යන් හා මහචාර්‍යවරුන්ගේ අත්සන ඉල්ලා ලිපියක් යවා තිබේ.

ජනාධිපති මහින්ද රාජපක්ෂ මැතිතුමාගේ විජයග්‍රහණය තහවුරු කිරීම වෙනුවෙන් විශේෂ තරුණ හමුවක් ඊයේ (24) දෙල්කදදී පැවැත්විණි. 

වැටුප් වැඩිකිරීම් ඇතුළු ඉල්ලීම් කිහිපයක් මුල්කරගනිමින් රජයේ හෙද නිලධා‍රීන්ගේ සංගමය වෘත්තීය සමිති ක්‍රියාමාර්ගයක නිරතවීමට තීරණය කර තිබේ.

ලංකා කම්කරු කොංග්‍රසයේ උපනායක හා මධ්‍යම පළාත් සභා මන්ත්‍රී එම් උදයකුමාර් මහතා පොදු අපේක්ෂක මෛත්‍රිපාල සිරිසේන මහතාට සහය දැක්වීම සඳහා එක්ව තිබේ. 

පෙරටුගාමී සමාජවාදී පක්‍ෂයේ මධ්‍යම කාරක සභික කුමාර් ගුණරත්නම් මහතා වීසා කාලය ඉක්මවා මෙරට රැඳී සිටීම හේතුවෙන් මෙරට පවතින ආගමන විගමන නීති- රීති අනුව ගෙවීමට නියමිත වූ රුපියල් 39,130ක දඩ මුදල ඊයේ (24දා) ආගමන විගමන දෙපාර්තමේන්තුවට ගෙවා තිබේ.

පොදු අපේක්‍ෂක මෛත්‍රීපාල සිරිසේන මහතාට සහයෝගය පළ කිරීම සඳහා "ප්‍රජාතන්ත්‍රවාදය උදෙසා ලේඛකයෝ" නමැති සංවිධානය යටතේ ලේඛකයන් පිරිසක්‌ තිඹිරිගස්‌යායේ නව ප්‍රජාතන්ත්‍රවාදී පෙරමුණු කාර්යාලයේදී ඉකුත් දා පුවත්පත් සාකච්ඡාවක්‌ පැවැත්විය.

'සිරිකොත අබියස සාමකමී උද්ඝෝණෂණයක නිරතවූ තම සංවිධානයේ සාමාජිකයන්ට සංවිධානාත්මක පිරිසක්‌ විසින් මාරාන්තික ලෙස පහර දුන් බවත් ඡන්දයක්‌ අබියස යහපාලනය හා ප්‍රජාතන්ත්‍රවාදී අයිතිවාසිකම් කතා කරන අවස්‌ථාවක එක්‌සත් ජාතික පක්‍ෂය මෙවැනි පහරදීමක්‌ කරයි කියා කිසිලෙසකින්වත් හිතුවේ නැති බවත් දේශ හිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්‌ඩාර මහතා පැවසීය.