ඉදිරි ජනාධිපතිවරණය ඉලක්ක කර ගනිමින්, නීතිය හා සාමය පිළිබඳ අමාත්‍යංශයේ නව ලේකම්වරයා ලෙස හිටපු පොලිස්‌පති මහින්ද බාලසූරිය මහතා පත් කිරීමට නියමිතව ඇත.
මාලඹේ ආරම්භ කර තිබෙන පෞද්ගලික වෛද්‍ය විද්‍යාලයේ සිසුන්ට සායනික පුහුණුව සඳහා රජයේ රෝහල ලබා දීමට හා වෛද්‍ය උපාධිය මුදලට විකිණීමට එරෙහිව සමස්ත ලංකා වෛද්‍ය නිලධාරී සංගමය ඊයේ (13) දහවල් ජාතික රෝහල ඉදිරිපිට සිට සෞඛ්‍ය අමාත්‍යංශය දක්වා විරෝධතා පෙළපාලියක් පැවැත්විය.
ඕනෑම මැතිවරණයකට තම පක්ෂය සූදානම් බවත් ඉදිරියේදී පැවැත්වෙන ජනාධිපතිවරණයේදී ජනාධිපති අපේක්ෂකයා ලෙස ඉදිරිපත් කරන්නේ කවුරුන්ද යන්න තවමත් සාකච්ඡා කරන බවත්, එජාප නායක රනිල් වික්‍රමසිංහ මහතා ඉදිරිපත් කිරීමට මෙතෙක් තීරණයක් ගෙන නොමැති බවත් එජාප උප නායක පාර්ලිමේන්තු මන්ත්‍රී රවී කරුණානායක මහතා පවසයි.
පාර්ලිමේන්තු මන්ත්‍රි සජින් වාස් ගුණවර්ධන මහතාට SMS පණිවුඩ මඟින් මරණීය තර්ජන එල්ල කළ බවට සැකපිට කොළඹ අපරාධ කොට්ඨාසය විසින් අත්අඩංගුවට ගනු ලැබූ මොරටුව විශ්වවිද්‍යාලයේ කථිකාචාර්යවරයකු ගල්කිස්ස මහෙස්ත්‍රාත් අධිකරණයට ඉදිරිපත් කිරීමෙන් අනතුරුව මහෙස්ත්‍රාත් හා අතිරේක දිසා විනිසුරු රංගජීව විමලසේන මහතා ලබන 17 දක්වා රක්ෂිත බන්ධනාගාරගත කෙළේය.
මේ රටේ බලය බෙදා තිබෙන්නේ 13 වැනි ආණ්ඩුක්‍රම ව්‍යවස්ථා සංශෝධනය අනුව වන අතර, එම ව්‍යවස්ථාවෙන් අකුරක්වත් පිට යන්න එක්සත් ජාතික පක්‍ෂයට අවශ්‍යතාවයක් නැතැයි එක්සත් ජාතික පක්‍ෂ ජාතික නායක සහ විපක්‍ෂ නායක රනිල් වික්‍රමසිංහ මහතා අවධාරණය කර සිටියි.
සාමකාමී සත්‍යග්‍රහයක නිරත වූ සබරගමුව විශ්ව විද්‍යාලයේ ශිෂ්‍යයන් පිරිසකට සෙනසුරාදා එල්ල වූ ප්‍රහාරය හෙලා දකිමින් ගුරු වෘත්තීය සමිතිද ශිෂ්‍යයන් ගේ සත්‍යග්‍රහයට එක් වී සිටියහ.
අයවැයෙන් වැටුප් වැඩිකරන්නැයි ඉල්ලා හලාවතදී පෙත්සමක්
එළඹෙන අයවැයෙන් රු. 10,000 ක වැටුප් වැඩිවීමක් ලබාදෙන ලෙසත් වැටුපට එල්ලා ඇති දීමනා මූලික වැටුපට එකතු කරන ලෙසත් ආණ්ඩුවට බලකරමින් අද (13) හලාවත නගරයේ වැඩබිම් රැසක රැස්වීම් මාලාවක් සහ පෙත්සම් අත්සන් කිරීමක් සිදුවිය.
මිනිස්සු නොහදා, පාරවල් හදලා වැඩක් නැහැ - ජනක බණ්ඩාර
''පාරවල් හදලා ගොඩනැගිලි හදලා බැහැ. මිනිස්සු හදන්න ඕනි. මිනිස්සු හැදුවේ නැතිනම් අපි මේ මොනවා දුන්නත් වැඩක් නැහැ. මිනිස්සුන්ට අපි ආදරය කරන්න ඕන. අද දරු පරපුර සමාජ අසාධාරණකම්වලින් මුදා ගැනීමට නම් සමාජයේ සෑම තරාතිරකම පවුලකම ජීවත්වන දරුවන් අපේ දරුවෝ කියන හැඟීමෙන් යුක්තව කටයුතු කළ යුතුයි.'' යැයි පසුගියදා දඹුල්ලේ පැවති උත්සවයකට එක් වෙමින් ඉඩම් හා ඉඩම් සංවර්ධන අමාත්‍ය ජනක බණ්ඩාර තෙන්නකෝන් මහතා පැවසිය.
