මෛත්‍රී පාලනයක් සඳහා අවැසි අමාත්‍ය මණ්ඩලය වශයෙන් අමාත්‍යවරුන් 39 ක් ද, අමාත්‍යවරියන් 6 ක් ද? ඊයේ සවස දිව්රුම් දුන්හ. ඒ: කැබිනට් ඇමතිවරු 25 ක්, අමාත්‍යවරියන් 2 ක්, රාජ්‍ය අමාත්‍යවරුන් 9 ක්, අමාත්‍යවරියක්, නියෝජ්‍ය ඇමතිවරු 7 ක් සහ ඇමතිවරියක් වශයෙනි.

නිලන්ත ඉලංගමුව

අඳුරු යුගය නිමා වී අභියෝගාත්මක නව යුගයකට අපේ මාතෘ භූමිය පැමිණ සිටින්නීය. කාලගුණය මෙන්ම අවට පරිසරය යළිත් නැවුම් වී ඇත.

නිලන්ත ඉලංගමුව

රාජපක්ෂ අද මැදමුලනේදී තම කැමැත්ත තමන්ටම ලබා දීම සඳහා ශුභ හෝරාව අනුව යමින් ශුභ දිසාව දෙස බලා කටයුතු කරනු ලැබීය. ඔහු සමඟ වෙනදා ගමන් කරන අයවලුන්ට අමතරව ඔහු අභිමුඛයේ තවත් අයෙකු විය. ඒ අයියෝ සිරිසේන නමැති නළුවෙකි. ස්වාධීන අපේක්ෂකයෙකු මෙවර මැතිවරණයට ඉදිරිපත් වූ හෙතම වඩාත් අප්‍රසන්න ලෙස මාධ්‍ය ඉදිරියේ යොදා ගත්තේය. එකී පුද්ගලයා රාජපක්ෂගේ මෛත්‍රී බීතිකාව නැතිකිරීම සඳහා විවිධාකාරයෙන් භාවිතා කරනු ලැබීය. සැබවින්ම එමඟින් සැබෑ අවාසියක් අත් වූයේ රාජපක්ෂට මිස මෛත්‍රීට නොවේ. එම සරල දේ තේරුම් ගැනීමට අවසාන මොහොතේද රාජපක්‍ෂට නොහැකි විය.

අද දින පැවැත්වෙන්නේ ශ්‍රී ලංකා ප්‍රජාතන්ත්‍රවාදී සමාජවාදී ජනරජයේ හය වන විධායක ජනාධිපතිවරණය යි. මෙය හුදෙක් ජනාධිපත්වරණයක් ම පමණක් නොවේ. එනම් ලාකීය දේශපාලන ගමන් මගේ හැරවුම් ලකෂ්‍යයකි. 2009 මයි මස 9 වන දින එක් හැරවුම් ලක්ෂ්‍යයක් සනිටුහන් වූ අතර එහි ප්‍රතිඵලයක් ලෙස මෙතෙක් සමස්ත ලාංකීය ප්‍රජාව ම අත්විඳි අනේක දුක් කම්කටුලු නිමා වන්නේ හෝ තව තවත් එබඳු දුක් කම්කටුලුවලට මුහුණ පාන්නට සිදුවන්නේ අද දිනයේ රටේ බහුතර ජනයා ගන්නා තීරණය අනුව ය.

ආණ්ඩුවේ ඇමතිවරයෙකු ලෙස කටයුතු කරන බැසිල් රාජපක්ෂ සහ එල්. ටී. ටී. ඊ. සංවිධානයේ හිටපු නීති උපදේශකයෙකු වන වී. රුද්‍රකුමාරන් අතර උතුරේ ඡන්දය වර්ජනය කිරීම සඳහා හොර ගිවිසුමක් අත්සන් කළ බව විපක්ෂයේ දේශපාලනඥයින් කිහිප දෙනෙකු ප්‍රකාශ කළෝය. ඊට යම් පමණක මාධ්‍ය අවධානයක්ද යොමු විය. දෙපාර්ශවය අතර හුවමාරු වූයේ යැයි කියන විද්‍යුත් තැපෑලක් ( ඊ-මේල්) මාධ්‍ය මඟින් ප්‍රසිද්ධ විය. එහි ඇත්තක්ද බොරුවක්ද යන්න මා දන්නේ නැත.