පුත දීඝායු ! ළඟ නොබලන්න !! දුර ම බලන්න !!!

Wednesday, 14 January 2015 13:13

මහා බරපතළ දේශපාලනික සංකල්ප නොදන්නා මිනිසෙක් පෙරදා මැදමුලනේ දී අප සැමට හිසට පොලු පහරක් දී අවදි කළේ ය. "මරල හරි දින්නෙ නැත්තෙ මොකෝ ?" ඔහු නැඟූ පැණය යි. මෙයට පිළිතුරු සොයා හිටපු ජනපතිවරයා දිව ගියේ සිය වන්දිභට්ටයින් ලවා නෑකම් කියවාගත් බුදුන් වෙත නොවේ. ඔහු කෝසම්බි ජාතකයෙන් "වෛරයෙන් වෛරය නොසංසිඳෙනා" කතාවක් ගෙනහැර පෑවේ නැත. ඔහු කීවේ, "එහෙම බෑ, ප්‍රජාතන්ත්‍රවාදය තියෙනවා" කියා ය. තමන් නොහඳුනා කිසියම් බැදීමක් විසින් මැරීමට ඇති ඉඩ අහුරා ඇති බවක් මිස මැරීමේ කතාව අයුත්තක් බව ප්‍රශ්න කරන්නාට නොහැඟෙනු පිණිස ඔහු අවසන සිය ප්‍රතිවාදයා දිනුවේ ඊළාම් චන්දවලින් බව ද කියා සිටියේ ය. ඊළම නැති කිරීමේ නාමයෙන් මළමිනී කඳුගැසූ රටක සිට ඔහු අමතන්නේ කාටද ? සුද්දාගේ ප්‍රජාතන්ත්‍රවාදයට තවමත් යට නොවූ හර්ද සාක්ෂියක් ඇති අදාල ප්‍රශ්නය නිරායාසයෙන් මතුකළ සිංහලබෞද්ධයා (තනිවචනයකි) ට ය.

දුටුගැමුණු ගොඩ ගැසූ මිනීකඳු පිළිබඳ හර්දසාක්ෂිය අවසන් මොහොතේ වසන් කරදෙන්නේ පුවඟු දිවයිනෙන් පැමිණි රහත් කෙනෙකි. මැරුණේ පන්සිල් ගත් එකෙක් සහ තිසරණ ගිය එකෙක් වශයෙන් මිනිසුන් "එකහමාරක්" පමණක් බව පවසන ඔහු ඔප්පු කරන්නේ මිත්‍යාදෘෂ්ටිකයින් මැරීමේ පාපයක් නොමැති බවයි. දෙදහස් පන්සිය වසරක ප්‍රබන්ධ ඉතිහාසය දසවසක් පුරා ළඟ ළඟ හැඳි ගෑ අපට අවසන දොදොල් පට්ටය හමුවී තිබේ. එනම් "මරල හරි දින්නෙ නැත්තෙ මොකෝ ?" විමසන සමාජයක් හමුව තිබේ. මේ ඊනියා ජාතික ව්‍යාපාරය අප රට රැගෙන ගොස් නතර කර ඇති තැනයි.

සුනිල් ආරියරත්නයන්ගෙන් වරක් 88-89 සමය තුළ ඔහු ලියූ දෑ පිළිබඳව සහ දැන් එවන් දෑ නොලියනේ මන්දැයි ඇසූ විට ඔහු පිළිතුරු දුන්නේ ඒවා අයිති තමුන්ට නොව එදා සටන් වැදුණු තරුණ පරපුරට බවයි. ඔහු නිහතමානීව පිළිගත්තේ තමන් එම ප්‍රවාහයේ හුදු ප්‍රකාශකයෙක් පමණක් බවය. "ආයුබෝවේවා මහ රජාණෙනි" කියූ විට අප කිසිවෙක් ප්‍රශ්න නොකළ නමුදු ඒ පැමිණියේ ද එවකට තිබූ ඉතිහාසය කරා පල්ලම් බසිනා ප්‍රවාහය යි. එම ප්‍රවහය හදිසි අනතුරකින් නැවතී අමුණක් බැඳුණු තැනක දැන් අපට හමුව ඇත්තේ තම රජාණන් මිනී මරා බලය රැක නොගැනීමෙන් අපේක්ෂාභංගත්වයට පත් මිනිසෙකි. මේ කිසිවක් වියුක්ත සිදුවීම් නොවේ. අප සැම දැනුවත් දශක එක හමාරක කාලයක් තුළ ගොඩ නැඟුණු ඉතිහාසයකි.

ඉතිහාසයෙහි දැතිරෝද ආපසු කරකවනා දෑතට විලංගු වැටී ඇත්තේ වර්තමානයෙනි. මැරීමට නොහැකි වී ඇත්තේ ප්‍රජාතන්ත්‍රවාදය නිසාය. ගුණදාස අමරසේකරලාගේ නලින් ඩි සිල්වලාගේ සිට නානසාර දක්වා වූ කසකරුවන් ඇද වැටුණු තැන දැන් සටනට පැමිණ ඇත්තේ ඔටුණු පළන් රජා මය. පදවියෙන් බිමට ඇද දැමූව ද ඔහු වැටුණේ වර්තමානයේ දැරූ තනතුරින් විනා අතීත උරුමයේ සිහසුනෙන් නොවේ. අහියෝගය ඇත්තේ මෙතැන ය. ඔව් අපි ඒකාධියෙක් බිමට ඇද දැමුවෙමු. ඒහෙත් වැඩවසම් රජුන් තනනා ගර්භාෂය මඳක් හෝ සෙළවී නැත.

අතීත කුණුකන්දල් කරා තීරණාත්මක ප්‍රහාරය එල්ල කෙරෙණා තුරාවට අප අනාරක්ෂිතය.

සටහන රුවන් නෙලූ

Last modified on Wednesday, 14 January 2015 13:29

Leave a comment

Gossip

හැකි නම් අයවැය පරාජය කරන්න! ජනපතිගෙන් බැසිල් පිලට අභියෝගයක්

හැකි නම් අයවැය පරාජය කරන්න! ජනපතිගෙන් බැසිල් පිලට අභියෝගයක්

වහාම කැබිනට් මණ්ඩලය පත් නොකළහොත් අයවැය පරාජය විය හැකි බවට අනතුරු අඟවන්නට ගිය පොහොට්ටුවේ ප්‍රබලයින් ප...

මහින්ද එක්කත් බෑ..රනිල් එක්කම යන්න පොහොට්ටු ප්‍රබලයන් සැරසේ..   

මහින්ද එක්කත් බෑ..රනිල් එක්කම යන්න පොහොට්ටු ප්‍රබලයන් සැරසේ..  

මහින්ද සමග යළි නැගිටීම පසෙක තබා රනිල් වික්‍රමසිංහ හා එක්ව යන දේශපාලන ගමනක් වෙනුවන් රාජපක්ෂ පවුලේ දේශ...

එජාපය මහ මැතිවරණයට සූදානම් වෙයි. රවීට මහ ලේකම් තනතුර.

එජාපය මහ මැතිවරණයට සූදානම් වෙයි. රවීට මහ ලේකම් තනතුර.

එජාපය මහ ලේකම් තනතුරට හිටපු අමාත්‍ය රවී කරුණානායක පත්කිරීමට තීරණය කර ඇති බව වාර්තා වේ. එමෙන්ම එජාපයේ...

පවර්, විපක්ෂයේ ඉල්ලීම් තඹේකට මායිම් කරලා නෑ ! මහ මැතිවරණ ඉල්ලන්න පිස්සු දැයි අහලා

පවර්, විපක්ෂයේ ඉල්ලීම් තඹේකට මායිම් කරලා නෑ ! මහ මැතිවරණ ඉල්ලන්න පිස්සු දැයි අහලා

වත්මන් ජනාධිපතිවරයාට සහ ආණ්ඩුවට ජනමතයක් නොමැති බැවින් වහාම මහමැතිවරණයක් පැවැත්වීමට බලපෑම් කරන ලෙස වි...

අනං මනං

ආත්මය විකුණු ප්‍රේමය ...

ආත්මය විකුණු ප්‍රේමය ...

එදාත් හරි ලස්සනට ඉර පායපු දවසක්උඹ ඇවිත් මගේ ලෝකේ පාට කරා බලාපොරොත්තු හින පෙන්නුවාමාත් හරි අසාව...

Connet With Us