ගාල්ල, මාතර, කළුතර, රත්නපුර, අම්පාර, මාතලේ සහ බදුල්ල දිස්ත්‍රික්කවල සවස් කාලයේදී හෝ රාත්‍රී කාලයේදී ඇතිවිය හැකි වැසි ස්වල්පයක් හැරුනුවිට දිවයිනේ ප්‍රධාන වශයෙන් වැසි රහිත කාලගුණ තත්ත්වයක් පවති බව කාලගුණවිද්‍යා දෙපාර්තමේන්තුව පවසයි.

අමෙරිකාව එක්සත් ජාතීන්ගේ මානව හිමිකම් කවුන්සලයෙන් ඉවත්වීමට තීරණය කර ඇති බව අමෙරිකානු ජනාධිපති ඩොනල්ඩ් ට්‍රම්ප් නිවේදනය කර තිබෙනවා.

පාර්ලිමේන්තු මන්ත්‍රීවරයෙකු සිය ආහාර වේල් සඳහා අද (05) සිට රුපියල් 2000 ක් ගෙවිය යුතු වන බව වාර්තාවේ. 

වී අලෙවි මණ්ඩලය හරහා රජය වී කිලෝවක් සඳහා ගෙවන මිල ගණන් අද (05) නිවේදනය කර තිබෙනවා.

ශ්‍රී ලංකාවේ සයිබර් ආරක්ෂණ පනත් කෙටුම්පත කඩිනමින් සම්මත කර ගැනීමට පියවර ගැනීමට ශ්‍රී ලංකා පරිගණක හදිසි ප්‍රතිචාර සංසදය (Sri Lanka Computer Emergency Readiness Team - SLCERT) තීරණය කර ඇති බව පැවසේ. ඩිජිටල් ආර්ථිකයක් වෙනුවෙන් රට සූදානම් වීමත් සමඟ, සයිබර් ආරක්ෂණය සම්බන්ධ රෙගුලාසි දැඩි කිරීම අත්‍යවශ්‍ය බව SLCERT හි ජ්‍යෙෂ්ඨ තොරතුරු ආරක්ෂණ ඉංජිනේරු චරුක දමුණුපොල පෙන්වා දී ඇත.

ග්‍රාමීය හා නාගරික ප්‍රදේශවල ගැවසෙන රිළා ගහණය පිළිබඳව නිශ්චිතව අනාවරණය කර ගැනීමට සංගණනයක් පැවැත්වීමට කටයුතු යොදා ඇතැයි පොල් වගා කිරීමේ මණ්ඩලයේ සභාපති වෛද්‍ය සුනිමල් ජයකොඩි පැවසීය.