ඇවන්ගාඩ් ව්‍යාපාරය සතුව තිබු පාවෙන අවිගබඩා හා එම ව්‍යාපාරය නාවික හමුදාවට ලබා ගැනීමේන් පසුව එම ව්‍යාපාරය සාර්ථකව සිදු කෙරෙන බවත් දිනකට කෝටි 2ක ආදායමක් ලබන බවටත් ආරක්ෂක ලේකම්වරයා හා ඇතැම් ඇමැතිවරුන් කළ ප්‍රකාශය සාවද්‍ය බව පෙනී ගොස් තිබේ. එමෙන්ම නාවික හමුදාවෙන් අවි හා සී මාර්ශල්වරුන්ගේ සේවය ලබාගත් විදේශ සමාගම් 3 මේවන විට අදාල මුදල් ගෙවීම පැහැර හැර ඇති බැවින් ලැබිය යුතුව තිබුණු රුපියල් කෝටි ගනනක් අහිමිව ඇති බවත් වාර්තාවේ.

උඩුවේ ධම්මාලොක හා කොළොන්නාවේ සුමංගල නම් කහකඩධාරීන් දෙදෙනා අලි ජාවාරම් කර තිබෙන බව මේ වන විට සියළු සාක්ෂි සමඟ ඔප්පු කිරීමේ හැකියාව අපරාධ පරීක්ෂන දෙපාර්තමෙන්තුව සතු බව දැන ගැනීමට තිබේ. එහෙත් මේ කහකඩධාරීන් අත් අඩංගුවට ගෙන ඔවුන්ට එරෙහිව නඩු පැවැරීම සිදුකිරීම තව දුරටත් ප්‍රමාද වෙමින් තිබේ.

එක්සත් ජාතික පක්ෂයේ බිම් මට්ටමේ සාමාජිකයන් හා පක්ෂය කෙරෙහි මේවන විට කලකිරී ඇති ජේෂ්ඨයන් ඒකරාශී කරගනිමින් අලුත් එක්සත් ජාතික පක්ෂයක් ගොඩනැගීමට එ.ජා.ප හිටපු මහලේකම් තිස්ස අත්තනායක මහතා මේ වන විට සූදානම් වෙමින් සිටී.

පකිස්ථානයේ ජාතික ආරක්ෂක පුහුණු පාසලේ පාඨමාලවක් හැදැරීමට ගොස් සිටින මේජර් ජනරාල් කැප්පෙටිවලාන මහතා එරට ශ්‍රී ලංකා මහ කොමසාරිස් කාර්යාලයට අනුයුක්තව සේවය කරන ආරක්ෂක උපදේශකවරයාට පහර දීමට කළ උත්සාහයක් සම්බන්ධ පරීකෂණය යට ගැසීමේ උත්සාහයක් ක්‍රියාත්මකව ඇති බව වාර්තාවේ.

සත්හඬ පුවත්පතේ නියෝජ්‍ය කර්තෘ සුභාෂ් ජයවර්ධනට අද (10) රහස් පොලිසියේ පෙනීසිටින ලෙස සිදුකළ දැනුම්දීමට අනුව මීට ස්වල්ප මොහොතකට පෙර සත්හඬ කර්තෘ දීප්ති කුමාර ගුණරත්න සහ නියෝජ්‍ය කර්තෘ සුභාෂ් ජයවර්ධන රහස් පොලිස් මුලස්ථානයට පෙනී සිටියහ.  මෙම ජායාරූපයේ දැක්වෙනුයේ එම අවස්ථාවය.

නිදහසේ වේදිකාව සමඟ සිවිල් සංවිධාන එකමුතුව සංවිධානය කරන ජාත්‍යන්තර මානව හිමිකම් දින සැමරුම හෙට (10) ප.ව. 3.00 බණ්ඩාරනායක ජාත්‍යන්තර සම්මන්ත්‍රණ ශාලාවේ මිහිලක මන්දිරයේදී පැවැත්වේ.

ඇවන්ට්ගාඩ් සමාගමේ ප්‍රධානි විශ්‍රාමික මේජර් නිශ්ශංක සේනාධිපති මහතා උපුටා දක්වමින් අමාත්‍යවරුන් පිරිසකගේ කීර්තිනාමයට අපහාස වන ආකාරයේ ලිපියක් පල කිරීම සම්බන්ධයෙන් ප්‍රකාශයක් ලබා ගැනීම සඳහා 'සත්හඬ' පුවත්පතේ නියෝජ්‍ය කර්තෘ සුභාෂ් ජයවර්ධන මහතා අපරාධ පරීක්ෂණ දෙපාර්තමේන්තුවට කැඳවීමට නියමිත බව රහස් පොලිසියේ නිලධාරියකු පැවසිය.

තමන් ඇතුළු ඇමතිවරුන් තිදෙනෙකුට අපහාස කල බවට ඇමති රාජිත සේනාරත්න මහතා විසින් පොලිස්පතිවරයාට ඉදිරිපත් කර ඇති පැමිණිල්ල සම්බන්ධයෙන් සිදු කෙරෙන විමර්ශන පිළිබඳව කල විමසීමකදී එම නිලධාරියා එසේ පැවසිය.

ප්‍රසිද්ධ රගර් ක්‍රීඩක මොහොමඩ් වසීම් තාජුඩීන් මහතාට කෲර වධ හිංසා පමුණුවා අභිරහස්‌ අන්දමින් ඝාතනය කිරීමේ සිද්ධියට අදාළ සීසීටීවී දර්ශන ඇති බවට කැබිනට් ප්‍රකාශක රාජිත සේනාරත්න මහතා කළ ප්‍රකාශය ඔහුගේ හිතළුවක් බව පොලිස් ආරංචි මාර්ග පවසයි