අද පාර්ලිමේන්තුව හමුවේ දෙවැනිවරටත් හොර අගමැතිවරයාට එරෙහිව විශ්වාසභංග යෝජනාව සම්මත වූ බව කතානායකවරයා දැනුම් දුන්නද. එම අවස්ථාවේ රූපමය දර්ශන හා එම තොරතුර විකාශය නොකරණ ලෙස පෞද්ගලික මාධ්‍ය ආයතන ගනනාවකට රාජපක්ෂ කල්ලියේ සහ ජනාධිපති මාධ්‍ය අංශයේ යැයි කියනු ලබන නිලධාරියකු හරහා දැඩි බලපෑම් එල්ල වෙමින් තිබෙන බව එම මාධ්‍ය ආයතන ආරංචි මාර්ග පවසයි.

පොලොන්නරුවේ සිරිසේන ගමයාගේත් මැදමුලන රාජපක්ෂ බයියාගේත් චණ්ඩිකම් වලට එදිරිව නොසැලී නොබියව මුහුණ දෙමින් ප්‍රජාතන්ත්‍රවාදය වෙනුවෙන් පෙනී සිටි කතානායක කරූ ජයසූරියගේ ක්‍රියා කලාපය ප්‍රජතන්ත්‍රවාදී යහපාලනය විශ්වාසකරන සියලු ජනතාවගේ නොමද පැසසුමට ලක් විය යුතුව තිබේ.

ජනාධිපතිවරයාට එරෙහිව දෝෂාභියෝගයක් ගෙන එමේ හැකියාවක් ඊයේ සම්මත වූ විශ්වාසභංග යෝජනවේ අඩංගු බැවින් එය සංශෝධනය කර හෙට දිනයේදි යළිත් සම්මත කිරීමට කටයුතු කරන ලෙස ජනාධිපතිවරයා එජාපය ප්‍රමුඛ පක්ෂ නායකයන්ට දැන්ම් දි තිබේ.

පාර්ලිමේන්තුව පවත්වාගෙන යාමට ඉඩ නොදී එය දිගින් දිගටම කඩාකප්පල් කිරීම සිරිසේන ජනාධිපතිවරයාගේ අනුදැණුම මත සිදු කරන්නක් බව ජනාධිපති කාර්යාල ආරංචි මාර්ග තහවුරු කරයි. ඔහුගේ දේශපාලන උපදේශයන් දෙදෙනා ලබා දී තිබෙන උපදේසය වන්නේ ශ්‍රේෂ්ඨාධිකරණයේ තීන්දුව දෙන තෙක් පාර්ලිමේන්තු කටයුතු පවත්වාගෙන යාමට ඉඩ නොදිය යුතු බවය.