ශ්‍රී ලංකාවට ඒමට අවසර නොලද ප්‍රවීණ දෙමළ කිවියර ව.අයි.ස. ජයපාලන්ට රටට එන්නැයි රජය ප්‍රසිද්ධියේ ඇරියුමක් කළ ද ඔහුට එරෙහිව පනවා ඇති තහංචි ඉවත් කිරීමට බලධාරින් ක්‍රියාකර නැති බව හෙළි වේ.

මෙරට මුහුදේ මෙරටට ආවේනික පැලැටී වර්ගවල ජාන ලබාගෙන ජපානයට හොර රහසේ රැගෙන යන රාජතාන්ත්‍රික නිළධාරියකු ගැන තොරතුරු අනාවරණය වී තිබේ. මෙරට ජපාන තානාපති කාර්යාලය හා සම්බන්ධව ඉහළ තනතුරක් දරණ මෙම පුද්ගලයා හිටපු  ක්‍රීඩකයකු මෙන්ම මේ රටට වාහන අපනයනය කිරීම ඇතුලුව විශාල පරිමාණයේ ව්‍යාපාර කිහිපයක්ම සිදු කරන්නකුද වේ. හිටපු ජනාධිපති මහින්ද රාජපක්ෂ මහතා විසින් රාජපක්ෂවරුන්ට දැක්වූ හිතෛෂීභාවය නිසා ඔහුට මෙම තනතුර ලබා දී ඇත. ඔහුගේ බිරිඳද ජපන් ජාතික කාන්තාවකි.

ඇවන්ගාඩ් ව්‍යාපාරය සතුව තිබු පාවෙන අවිගබඩා හා එම ව්‍යාපාරය නාවික හමුදාවට ලබා ගැනීමේන් පසුව එම ව්‍යාපාරය සාර්ථකව සිදු කෙරෙන බවත් දිනකට කෝටි 2ක ආදායමක් ලබන බවටත් ආරක්ෂක ලේකම්වරයා හා ඇතැම් ඇමැතිවරුන් කළ ප්‍රකාශය සාවද්‍ය බව පෙනී ගොස් තිබේ. එමෙන්ම නාවික හමුදාවෙන් අවි හා සී මාර්ශල්වරුන්ගේ සේවය ලබාගත් විදේශ සමාගම් 3 මේවන විට අදාල මුදල් ගෙවීම පැහැර හැර ඇති බැවින් ලැබිය යුතුව තිබුණු රුපියල් කෝටි ගනනක් අහිමිව ඇති බවත් වාර්තාවේ.

උඩුවේ ධම්මාලොක හා කොළොන්නාවේ සුමංගල නම් කහකඩධාරීන් දෙදෙනා අලි ජාවාරම් කර තිබෙන බව මේ වන විට සියළු සාක්ෂි සමඟ ඔප්පු කිරීමේ හැකියාව අපරාධ පරීක්ෂන දෙපාර්තමෙන්තුව සතු බව දැන ගැනීමට තිබේ. එහෙත් මේ කහකඩධාරීන් අත් අඩංගුවට ගෙන ඔවුන්ට එරෙහිව නඩු පැවැරීම සිදුකිරීම තව දුරටත් ප්‍රමාද වෙමින් තිබේ.

එක්සත් ජාතික පක්ෂයේ බිම් මට්ටමේ සාමාජිකයන් හා පක්ෂය කෙරෙහි මේවන විට කලකිරී ඇති ජේෂ්ඨයන් ඒකරාශී කරගනිමින් අලුත් එක්සත් ජාතික පක්ෂයක් ගොඩනැගීමට එ.ජා.ප හිටපු මහලේකම් තිස්ස අත්තනායක මහතා මේ වන විට සූදානම් වෙමින් සිටී.

පකිස්ථානයේ ජාතික ආරක්ෂක පුහුණු පාසලේ පාඨමාලවක් හැදැරීමට ගොස් සිටින මේජර් ජනරාල් කැප්පෙටිවලාන මහතා එරට ශ්‍රී ලංකා මහ කොමසාරිස් කාර්යාලයට අනුයුක්තව සේවය කරන ආරක්ෂක උපදේශකවරයාට පහර දීමට කළ උත්සාහයක් සම්බන්ධ පරීකෂණය යට ගැසීමේ උත්සාහයක් ක්‍රියාත්මකව ඇති බව වාර්තාවේ.

සත්හඬ පුවත්පතේ නියෝජ්‍ය කර්තෘ සුභාෂ් ජයවර්ධනට අද (10) රහස් පොලිසියේ පෙනීසිටින ලෙස සිදුකළ දැනුම්දීමට අනුව මීට ස්වල්ප මොහොතකට පෙර සත්හඬ කර්තෘ දීප්ති කුමාර ගුණරත්න සහ නියෝජ්‍ය කර්තෘ සුභාෂ් ජයවර්ධන රහස් පොලිස් මුලස්ථානයට පෙනී සිටියහ.  මෙම ජායාරූපයේ දැක්වෙනුයේ එම අවස්ථාවය.

නිදහසේ වේදිකාව සමඟ සිවිල් සංවිධාන එකමුතුව සංවිධානය කරන ජාත්‍යන්තර මානව හිමිකම් දින සැමරුම හෙට (10) ප.ව. 3.00 බණ්ඩාරනායක ජාත්‍යන්තර සම්මන්ත්‍රණ ශාලාවේ මිහිලක මන්දිරයේදී පැවැත්වේ.