ජනපති සම්බන්ධීකරණ ලේකම්වරුන්ගේ අධ්‍යාපන සුදුසුකම් වෙන වෙනම සඳහන් කරන ලෙස අනුර කුමාර දිසානායක මහතා ඊයේ (22) පාර්ලිමේන්තුවේදී ආණ්ඩුවෙන් කල ඉල්ලීමට යහපත් ප්‍රතිචාරයක් නොලැබිණ. ආණ්‌ඩු පක්ෂයේ ප්රධාන සංවිධායක, ඇමැති දිනේෂ් ගුණවර්ධන මහතා කියා සිටියේ සාමාන්‍ය පෙළ සිට ආචාර්ය උපාධිය දක්වා වූ පුද්ගලයින් ජනපති සම්බන්ධීකරණ ලේකම්වරුන් ලෙස කටයුතු කරන බවයි.
ත‍්‍රීකුණාමලය, තිස්ස නාවික කඳවුරේ පිහිටි සිව්මහල් ගොඩනැගිල්ලකින් වැටී නාවික හමුදා සෙබළෙකු ජීවිතක්ෂයට පත්ව තිබේ.
වයස අවුරුදු 05හා 06පසුවන දියණිවරු දෙදෙනා පැහැර ගෙන ගොස් මරා දැමීමට තමන්ට රුපියල් ලක්‍ෂ 03ක කොන්ත‍්‍රාත්තුවක් ලැබී ඇති බවත් එම කොන්ත‍්‍රාත්තුව ඉටු නොකර සිටීමට තමාට ලක්‍ෂ 03මුදලක් දෙන ලෙසට මෙරට ප‍්‍රමුඛ පෙලේ ජංගම දුරකථන සමාගමක ඉංජිනේරුවරයෙකුට තර්ජනය කරමින් කප්පම් මුදලක් ලබා ගැනීමට උත්සහ දැරූ පුද්ගලයෙකු සහ ඔහුට ඒ සඳහා සහය දැක්වූ කාන්තාවක් සමග පොලිස් මූලස්ථාන සංවිධානාත්මක අපරාධ විමර්ශන කොට්ඨාශයේ නිලධාරීන් විසින් අත්අඩංගුවට ගෙන තිබේ.
ලංකා කම්කරු කොංග‍්‍රසයේ මහ ලේකම් අමාත්‍ය ආරුමුගම් තොන්ඩමන් මහතාගේ උපදෙස් පරිදි, එම පක්ෂයේ සාමාජිකයන් රත්නපුර, රක්වාන ප‍්‍රදේශයේ පාසැල් දැරියක දුෂණයට ලක් කළ සැකකරු අත්අඩංගුවට ගන්නා ලෙස බලකරමින් අද (22) උදෑසන සිට ප්රධාන නගරවල මාර්ග අවහිර කරමින් උද්ඝෝෂණ ව්‍යාපාර ආරම්භකර ඇත.
බස්නාහිර පළාත් ප්රධාන අමාත්‍ය ප‍්‍රසන්න රණතුංග මහතා විසින් පහරදුන් බව කියන පුද්ගලයෙකු තුවාල ලබා කොළඹ ජාතික රෝහලේ ප‍්‍රතිකාර ලබන බව පොලිසිය පවසයි.
රාජ්‍ය හා පෞද්ගලික බැංකු හා මූල්‍ය ආයතනවල සේවකයන් ලබාගත් ණය වෙනුවෙන් අය කළ සියයට 2ක බද්ද වහාම ඉවත් කිරීමට ජනාධිපති මහින්ද රාජපක්ෂ මහතා ඊයේ තීරණය කළේය.
දඹදිව වන්දනාවේ යාමේදී එරට සිද්ධස්ථානවල පිං කැටවලට මෙරට කාසි නොදමන්නැයි ශ්‍රී ලංකා මහ බැංකුවේ අධිපති අජිත් නිවාඩ් කබ්රාල් මහතා මෙරට බැතිමතුන්ගෙන් ඉල්ලීමක් කරයි.
ලක්ෂපාන දිය ඇල්ල විනාශ කරනවාට, විදෙස් පරිසරවේදීන්ගේ විරෝධය
පරිසරවේදීන්ගේ විරෝධය කැළණි ගෙඟ් අතු ගංඟාවක් වන මස්කෙළි ඔයේ ලක්ෂපාන දිය ඇල්ලට ඉහලින් සප්තකන්‍යා හයිඩ්‍රෝ පවර් පුද්ගලික සමාගම විසින් ඉදිකරන තිබර්ටන් කුඩා ජල විදුලිබලාගාරය ඉදිකරමින් පරිසර පද්ධතියට සිදුකරන හානිය නවත්වන ලෙස ඉල්ලමින් ඕස්ට්‍රේලියාවේ බඩර් අප් පරිසර සංවිධානයේ තානාපති වීද්‍යාඥ පැටිරික් කික්බි විසින් අප වෙත ලිපියක් යොමුකර ඇති අතර අදාළ බලධාරින් වෙත එය යෙමුකරන ලෙස ඉල්ලා ඇත.
