මේ අනුව යාපනය බලකොටුවේ කොටු බැම්මෙහි සහ ආරක්ෂක අට්ටාලවල සංරක්ෂණ කටයුතු සියයට අනු පහක් පමණ අවසන්ව ඇති බව පුරාවිද්‍යා දෙපාර්තමේන්තුව පැවසුවේය.
2010 වසරේ ආරම්භ කළ මෙම සංරක්ෂණ කටයුතු වලට සමගාමීව කොටුව අභ්‍යන්තරයේ සිදු කෙරෙන භූ දර්ශණ සැකසිමද සියයට හැත්තෑ පහක් පමණ මේ වන විට අවසන්ව පවතී. යාපනය බලකොටුවේ පිටත ආරක්ෂක වලල්ලේ ප‍්‍රධාන දොරටුවේ සංරක්ෂණ කටයුතුද නිමවී ඇති අතර මෙම සංරක්ෂණ ව්‍යාපෘතිය සදහා මේ වන විට රුපියල් මිලියන එකසිය තිස් හතරක් වැයවී ඇති බව සදහන්ය.
ලංකාවේ වෙනත් ඕලන්ද බලකොටු සියල්ල යුධමය කාර්යයන් සහ සාමාන්‍ය ජන ජිවිතයට සම්බන්ධ නිවාස වැනි ගොඩනැගිලි වලින් සමන්විත වුවද යාපනය බලකොටුව මුළුමනින්ම යුධමය අරමුණු සදහා වෙන්ව තිබීම විශේෂත්වයකි.
