ඉල්ලීම් කීපයක් මුල් කර ගනිමින් දිවයිනපුරා රෝහල්වල පරිපූරක වෛද්‍ය වෘත්තිකයින් ලබන 26වෙනිදා සිට අඛණ්ඩ වැඩ වර්ජනක් ආරම්භ කරන බව පරිපූරක වෛද්‍ය සේවා වෘත්තීය සමිති ඒකාබද්ධ බල මණ්ඩලය අනතුරු අඟවා සිටී.
රුපියල් කෝටි 100ක වන්දියක් ඉල්ලා අමාත්‍ය රාජිත සේනාරත්න මහතා පූජ්‍ය ගලගොඩඅත්තේ ඥානසාර හිමියන් වෙත එන්තරවාසියක් යවා ඇත.
මෙරට ක්රියාත්මක වෙමින් ඇති හාල් මාෆියාවේ ඉහලින්ම ඉන්නේ මැති ඇමති හිතවතුන් යයි මරදගහමුල හාල් මෝල් හිමියන්ගේ සංගමයේ සභාපති බී.කේ රංජිත් මහතා පවසයි.
පසුගිය ජුනි මාසයේ ජාඇල ප්‍රදේශයේදී සෙව්මිණි නමැති පාසල් දැරියක දුම්රියට පැන දිවිනසාගැනීමේ සිදුවීම ආන්දෝලනයට ලක්වුයේ එය සියදිවිනසාගැනීම පිටුපස ඇති විවිධ මත හේතුවෙනි.
එම දැරියගේ මරණයෙන් පසුව ඇය විසින් ලියන ලද ලිපියක්ද හමුවූ අතර එම ලිපියෙන්ද යම් යම් කරුණු හෙළිවී තිබුණි.
රුපියල් කෝටි හයක් පමණ වටිනා හෙරොයින් මත්කුඩු තොගයක් සහිතව අත් අඩංගුවට ගෙන නඩු භාණ්ඩයක් ලෙස බොරැල්ල පොලීසියේ නවතා තිබූ සුපිරි මෝටර් රියක් අනවසරයෙන් රැගෙන ගොස් තිබේ.එම සිදුවීම සම්බන්ධයෙන් පොලීසියේ කොස්තාපල් දෙදෙනෙකුගේ වැඩ තහනම් කර ඇත.
රත්නපුර පදලංගල උප තැපැල් කාර්යාලයට බලහත්කාරයෙන් කඩා වැදී තාප්පය කඩා දමා ඉඩමෙන් කොටසක්‌ බලෙන් අල්ලාගත් ආණ්ඩුවේ දේශපාලනඥයාට සහ ඔහුගේ ගෝල බාලයන්ට විරුද්ධව නීතිය ක්රියාත්මක නොකළහොත් ලබන 15 වැනිදා සිට දීප ව්‍යාප්ත තැපැල් වර්ජනයක්‌ ක්රියාත්මක කිරීමට තැපැල් වෘත්තීය සමිති එකමුතුව තීරණය කර ඇත.
අතුරුදන්වුවන් පිළිබඳ ජනාධිපති කොමිසමට පසුගිය 08 වැනිදා සිට ඊයේ දිනය දක්වා කාලය තුල නව පැමිණිලි 157ක් ලැබි ඇත. එම කොමිසමේ ලේකම් එච්.ඩබ්ලිව්. ගුණදාස මහතා පවසන්නේ කොමිසමට නම් කළ නව සාමාජිකයින් ද සමග සාකච්ඡා කර ඒ සම්බන්ධයෙන් ඉදිරි කටයුතු සිදුකරන බවයි.
