ජාතික රූපවාහිනියට රුපියල් මිලියන 206.1 ක්, ගුවන් විදුලි සංස්ථාවට රුපියල් මිලියන 51.7 ක්, ලංකාවේ සීමාසහිත එක්සත් ප්‍රවෘත්ති පත්‍ර සමාගමට රුපියල් මිලියන 124.9 ක්, ස්වාධීන රූපවාහිනී සේවයට රුපියල් මිලියන 89.2ක්, වසන්තම් රූපවාහිනියට රුපියල් මිලියන 4 ක්, වසන්තම් ගුවන්විදුලියට රුපියල් මිලියන 11 ක්, ලක්හඬ ගුවන්විදුලියට රුපියල් මිලියන 6ක්, සැලසිනේ ආයතනයට රුපියල් මිලියන 14.1ක් සහ රාජ්‍ය මුද්‍රණ නීතිගත සංස්ථාවට රුපියල් මිලියන 592.6ක් ලෙස මෙසේ හිඟ මුදල් අය වීමට තිබෙන බව කැබිනට් ප්‍රකාශක, සෞඛ්‍ය හා දේශීය වෛද්‍ය ඇමැති වෛද්‍ය රාජිත සේනාරත්න මහතා සඳහන් කරයි.

මෙකී මුදල් වහාම අදාළ ආයතන වෙත ගෙවීමට පියවර ගන්නැයි අදාළ ආයතන වෙත දන්වා යැවීමට ඇමැති මණ්ඩලය පෙරේදා (23) රැස්වූ අවස්ථාවේ තීරණය කළ බවද ඇමැතිවරයා සඳහන් කෙළේය.

පසුගිය රජය රාජ්‍ය ආයතනවල මුදල් නාස්ති කළ අන්දම මෙයින් මනාව පැහැදිලි වන බව ද ඇමැතිවරයා සඳහන් කෙළේය.

ඇමැති වෛද්‍ය රාජිත සේනාරත්න මහතා මේ බව පැවසුවේ රජයේ ප්‍රවෘත්ති දෙපාර්තමේන්තු ශ්‍රවණාගාරයේ ඊයේ (24) පැවති කැබිනට් තීරණ දැනුම්දීමේ මාධ්‍ය හමුවේ දී ය.

dinamina