දැනට පත් කර ඇති ඇමැති, රාජ්‍ය ඇමැති හා නියෝජ්‍ය ඇමැතිවරුන්ගේ එකතුව 77ක් පමණක් බවත්, එහෙත් කළින් එකඟ වූ සංඛ්‍යාව 100ක් බවත් ඇමැතිවරයා සඳහන් කරයි.
ඇමැති වෛද්‍ය රාජිත සේනාරත්න මහතා මේ බව පැවැසුවේ රජය පත් කර ඇති ඇමැතිවරුන්ගේ සංඛ්‍යාව වැඩි නැතිදැයි කැබිනට් තීරණ දැනුම්දීමේ මාධ්‍ය හමුවේදී මාධ්‍යවේදියකු මතු කළ ප්‍රශ්නයකට පිළිතුරු දෙමිනි.
කැබිනට් තීරණ දැනුම්දීමේ මාධ්‍ය හමුව රජයේ ප්‍රවෘත්ති දෙපාර්තමේන්තු ශ්‍රවණාගාරයේ ඊයේ (24) පැවත්විණි.
පත් කළ හැකි උපරිම ඇමැතිවරුන් සංඛ්‍යාව 30 බවට පත් කරන්නේ ජාතික ආණ්ඩුවේ නොව ඉදිරියේ දී පැවැත්වෙන මැතිවරණයෙන් පත් වන ආණ්ඩුවේ බව කී ඇමැතිවරයා, රජයකට පත් කළ හැකි උපරිම ඇමැතිවරුන් සංඛ්‍යාව 30ක් බව ඉදිරියේ දී සැකසෙන ආණ්ඩුක්‍රම ව්‍යවස්ථාවට ඇතුළත් කිරීමට පියවර ගන්නේ යැයි ද කීය.
dinamina
