ඇමතිවරයා එසේ පැවැසුවේ පසුගියදා පාර්ලිමේන්තුවේ ආණ්ඩුපක්ෂ කාර්යාලයේ දී ශ්‍රී ලංකා ජනමාධ්‍යවේදීන්ගේ ජාතික සංවිධානයේ නිළධාරීන් සමග පැවැති ජාතික සාකච්ඡාවේදීය. රාජකාරී සහ විශේෂඥ වෛද්‍ය ප‍්‍රතිකාර ආදී විවිධ අවශ්‍යතා සඳහා දුර බැහැර සිට කොළඹට පැමිණෙන වෘත්තීය මාධ්‍යවේදීන්ට රාත‍්‍රී නවාතැන් පහසුකම් සැපයීම ආදය එමගින් සිදුවේ.
මෙහිදී ජනමාධ්‍යවේදීන්ගේ වෘත්තීය සංවර්ධනය හා සුබසාධනය වෙනුවෙන් යෝජනාවලියක් ඉදිරිපත් කෙරුණි.
මාධ්‍යවේදීන් සඳහා සකස් කර ඇති විශ‍්‍රාම වැටුප් පනත් කෙටුම්පත සංශෝධන සහිතව ඉදිරිපත් කිරීම, වාහන ණය යෝජනා ක‍්‍රමය නැවත ක‍්‍රියාත්මක කිරීම, තීරුබදු රහිතව යතුරුපැදි ලබා ගැනීම, විද්‍යුත් මාධ්‍ය උපකරණ ලබා ගැනීම සඳහා ණය යෝජනා ක‍්‍රමයක් මෙන්ම අක‍්‍රීයව පවතින රක්ෂණ ක‍්‍රමය වෙනුවට නව රක්ෂණ ක‍්‍රමයක් ක‍්‍රියාත්මක කිරීම හා මාධ්‍යවේදීන්ට නිවාස යෝජනා ක‍්‍රමයක් ආරම්භ කිරීම ආදී යෝජනා ඉදිරිපත් විය.
තව ද ජනමාධ්‍ය වෘත්තීයට බඳවා ගැනීමේදී නිර්නායක සහිත විධිමත් ක‍්‍රමවේදයක් සකස් කිරීමත් ප‍්‍රවෘත්ති දෙපාර්තමේන්තුව ම`ගින් ලබා දෙන හැ`දුනුම්පත පිළිබඳ ක‍්‍රමවේදය යාවත්කාලීන කිරීමට ද යෝජනා කෙරිණි.
එම සාකච්ඡවේ දී අදහස් දැක් වූ ගයන්ත කරුණාතිලක මහතා ජනමාධ්‍යවේදීන්ගේ වෘත්තීය ගෞරවය ආරක්ෂා වන පරිදි නිදහසේ කටයුතු කිරීමට හැකි වාතාවරණය සකස් කර ඇති බවත් ඔවුන්ගේ සුබසාධනය වෙනුවෙන් විවිධ සංවිධාන හා මාධ්‍යවේදීන් විසින් ඉල්ලීම් රැසක් ඉදිරිපත් කර ඇති බවත් පැවසුවේය. මේ සියල්ලෙන් ප‍්‍රමුඛතාවය ලබා දිය යුතු පිළිවෙල අනුව වහාම ක‍්‍රියාත්මක කල යුතු යෝජනා ගැන අමාත්‍යාංශයේ අවධානය යොමු වී ඇතැයි ද පැවසුවේය.
ජනමාධ්‍ය අමාත්‍යාංශයේ ලේකම් කරුණාරත්න පරණවිතාන, ශ්‍රී ලංකා ජනමාධ්‍යවේදීන්ගේ ජාතික සංවිධානයේ සභාපති දයා පෙරේරා, ප‍්‍රධාන ලේකම් එස්. මඩවල, ජාතික සංවිධායක උදේනි චන්ද්‍රසිරි යන මහත්වරු සමග එම සංවිධානයේ නියොජිතයන් රැසක් සහභාගී මේ සදහා සහභාගි වූහ.
