නිරෝධායන ඇඳිරිනීතිය පැනවීම හේතුවෙන් ජීවනෝපාය අහිමි වූ පුද්ගලයින් සඳහා රජය ලබාදෙන රුපියල් 2,000සේ දීමනාව අද (23) දිනයේ සිට ලබාදීමට නියමිතයි.

කොවිඩ්-19 වෛරසය මර්දනය කිරීම සදහා රජය විසින් ගෙන යන එන්නත්කරණය කිරීමේ වැඩසටහනට අනුව අද (23) දිනයේ ද ස්ථාන කිහිපයකම එම වැඩසටහන් ක්‍රියාත්මක වේ.

ශ්‍රී ලංකාවේ එන්නත්කරණ වැඩසටහන වෙනුවෙන් ෆයිසර් එන්නත් මාත්‍රා 76,000ක තොගයක් අද (23) උදෑසන මෙරටට රැගෙනවිත් තිබේනවා .කටාර් ගුවන් සේවයේ භාණ්ඩ ප්‍රවාහන ගුවන් යානයකින් එම එන්නත් මාත්‍රා තොගය රැගෙනවිත් ඇති බවයි වාර්තා වෙන්නේ.

මේ වන විට ක්‍රියාත්මක ඇඳිරි නීති තත්වය නිසා එක් දිනකදී දළ ජාතික නිශ්පාදනයේ වටිනාකම රුපියල් බිලියන 15 කින් පමණ අහිමි වන බවත් රට වසාදමන කාලසීමාව අඩුකර ගැනීමට කටයුතු නොකළහොත් විවිධ දුෂ්කරතාවන්ට මුහුණදීමට සිදුවනු ඇති බව මුදල් රාජ්‍ය අමාත්‍ය අජිත් නිවාඩ් කබ්රාල් පවසයි.

පවතින වසංගතය හමුවේ රට මුහුණ පා ඇති බරපතල ආර්ථික කඩා වැටීම් හේතුවෙන් තම වැටුප කොවිඩ් 19 අරමුදලට පරිත්‍යාග කිරීමට තීරණය කළ බව වෙළද අමාත්‍ය බන්දුල ගුණවර්ධන මහතා නිවේදනයක් නිකුත් කරමින් සදහන් කර තිබෙනවා.

ඉන්ධන මගින් ධාවනය වන බස් රථ වෙනුවට විදුලි බස් රථ මිලදී ගැනීමට ප්‍රවාහන අමාත්‍යාංශය සූදානම් වෙයි.

නිරෝධායන ඇදිරි නීතිය ක්‍රියාත්මක වුවද කොවිඩ්-19 වෛරසය මර්දනය කිරීම සදහා රජය විසින් ගෙන යන එන්නත්කරණය කිරීමේ වැඩසටහන අද (21) දිනයේ ද ක්‍රියාත්මක වේ.