කොළඹ වරාය, නැඟෙනහිර පර්යන්තයේ දෙවන අදියරේ වැඩ පටන් ගනී.  

Published in පුවත්
Wednesday, 12 January 2022 10:16

කොළඹ වරායේ නැඟෙනහිර පර්යන්තයේ (ECT) අදියර 2 ඉදි කිරීම් අද (12) පෙරවරුවේ ජනාධිපති ගෝඨාභය රාජපක්ෂ, අගමැති මහින්ද රාජපක්ෂ මහත්වරුන්ගේ ප්‍රධානත්වයෙන් ඇරඹේ.

ජනාධිපති ගෝඨාභය රාජපක්‍ෂ මහතා අද පෙරවරු 10.30 ට යෙදී තිබෙන සුබ මොහොතේදී සමරු ඵලකය නිරාවරණය කර ඉදිකිරීම් ආරම්භ කරන බව වරාය අධිකාරිය පවසයි.

කොළඹ වරායේ මෙහෙයුම් ධාරිතාව තවදුරටත් වැඩි කිරීමේ අරමුණ ඇතිව ඇරඹෙන නැඟෙනහිර ජැටියේ ඉදි කිරීම් අදියර දෙකක් යටතේ ක්‍රියාත්මක වන අතර ඒ සඳහා ඩොලර් මිලියන 600 -700 ක් මුදලක් වැය කිරීමට නියමිතව ඇත.

වරාය අධිකාරයේ, අධීක්ෂණය හා ආයෝජන යටතේ නැඟෙනහිර පර්යන්තයේ ඉදි කිරීම් සිදු වන අතර 2024 වර්ෂයේදී ඉදි කිරීම් අවසන් කර, පර්යන්තයේ මෙහෙයුම් කටයුතු ඇරඹීමටත් අපේක්ෂිතය‍. මේ පර්යන්තයේ මීටර 400ක් හෝ ඊට වඩා දිගින් වැඩි විශාල බහලු නෞකා තුනක් මෙහෙයවීමට අපේක්ෂා කෙරේ. හෙක්ටයාර 72ක් පුරා ඉදි කෙරෙන මීටර 1,320 ක දිගින් යුක්ත පර්යන්තයේ වාර්ෂික ධාරිතාව බහලු විස්සේ සම ඒකක මිලියන 2.4කි.

එහි පළමු අදියර මීටර 600 ඉදිකිරීම් ලබන වසරේ ජූලි මස 4 වැනිදා අවසන් කර එස්.ටී.එස්. දොඹකර හයක් සහ ආර්.එම්.ජී. දොඹකර 20 ක් ස්ථාපිත කිරීමට නියමිත බව කී සභාපතිවරයා දෙවැනි අදියර 2024 ජනවාරි මස 4 වැනිදා වන විට අවසන් කර එස්.ටී.එස්. දොඹකර තුනක් සහ තවත් ආර්.එම්.ජී. දොඹකර 20 ක් සමගින් දෙඹකර 12 ක් ආර්.එම්.ජී. දොඹකර 40 ක් සහිත අංග සම්ර්ණ පර්යන්තයක් බවට පත්කරන බව ද සඳහන් කළේය.

කොළඹ වරායේ නැගෙනහිර පර්යන්තය වඩාත් ආන්දෝලයට තුඩුදුන් ස්ථානයක් වන අතර එම පර්යන්තය මීට පෙර ඉන්දියානු සමාගමක් හා ඒකාබද්ධ ව්‍යාපාරයක් ලෙස සිදුකිරීමට යෝජනා වී තිබුණු නමුත් ඊට වෘත්තීය සමිතිවලින් හා ජනතාවගෙන් දැඩි විරෝධතාවක් එල්ල විය. පසුව ශ්‍රී ලංකා වරායට පූර්ණ අයිතියක් ඇති පර්යන්තයක් ලෙස සංවර්ධනය කිරීමට 2021 වසරේ පෙබරවාරි මස 01 වැනිදා පැවැති අමාත්‍ය මණ්ඩල රැස්වීමේදී අනුමැතිය ලැබිණි.

මේ වන විට ලෝකයේ ප්‍රබල වරායන් අතරින් කොළඹ වරාය 23වන ස්ථානයේ ශ්‍රේණිගතව ඇති අතර , නැගෙනහිර පර්යන්තයේ වැඩ නිම කිරීමෙන් පසුව වරායේ කාරයක්ෂමතාව තවදුරටත් ඉහළ යනු ඇත.

Leave a comment

Gossip

වඳ සැත්කම් කළා කිව් දොස්තර සාෆිට සියලු හිඟ වැටුප් ගෙවයි   

වඳ සැත්කම් කළා කිව් දොස්තර සාෆිට සියලු හිඟ වැටුප් ගෙවයි  

සිංහල කාන්තාවන් දහස් ගණනකට වඳ සැත්කම් කරන ලදැයි චෝදනා කරමින් දීර්ඝ කාලයක් අත් අඩංගුවේ රදවාගෙන සිට නි...

බෝම්බ ප්‍රහාරයෙන් ආබාධිත වූ මහින්ද විජේසේකරට කළ අපහාසයට මනූෂට දැඩි විරෝධයක්..

බෝම්බ ප්‍රහාරයෙන් ආබාධිත වූ මහින්ද විජේසේකරට කළ අපහාසයට මනූෂට දැඩි විරෝධයක්..

ධීවර රාජ්‍ය ඇමති කාංචන විජේසේකර මහතාගේ පියා වූ හිටපු අමාත්‍ය මහින්ද විජේසේකර එල්ටීටීඊ බෝම්බ ප්‍රහාරය...

අනුරයියාගේ ‍රැල්ල...

අනුරයියාගේ ‍රැල්ල...

බුකියේ ‍රැළි හැදීම සාමාන්‍ය දෙයක්..ඒවාත් මුහුදු රැළි වගේ එනවා යනවා. සමහර ඒවා අතරමඟදී සුනුවිසුනු වෙයි...

මුදල් අමාත්‍යාංශයේ කප්පම්කාරයන් නැත. කෙරවලපිටිය බලාගාරය දියයුතුයි. - මහින්ද පතිරණ

මුදල් අමාත්‍යාංශයේ කප්පම්කාරයන් නැත. කෙරවලපිටිය බලාගාරය දියයුතුයි. - මහින්ද පතිරණ

මුලින්ම කිව යුත්තේ කෙරවලපිටිය විදුලිබලාගාරය යනු රාජ්‍ය සමාගමක් නොවන බවයි. එහි හිමිකාරයා වන්නේ West C...

අනං මනං

ආත්මය විකුණු ප්‍රේමය ...

ආත්මය විකුණු ප්‍රේමය ...

එදාත් හරි ලස්සනට ඉර පායපු දවසක්උඹ ඇවිත් මගේ ලෝකේ පාට කරා බලාපොරොත්තු හින පෙන්නුවාමාත් හරි අසාව...

Connet With Us