දකුණු ඉන්දීය තමිල්නාඩු ප්රාන්තයේ පිහිටි ගබඩා සංකීර්ණයක අලුතින් ඉදි කළ තාප්පයක් කඩා වැටීමෙන් එකොළොස් දෙනකු මරුමුවට පත් වූ බව බලධාරීහු පවසති.
උතුරු ඉරාකයේ සුනී මුස්ලිම් සටන්කාමීන් විසින් රඳවා ගනු ලැබ සිට නිදහස ලැබූ ඉන්දියානු හෙදියන් හතලිස් හය දෙනා විශේෂ ගුවන් යානයකින් තම ගම් බිම් බලා පැමිණියහ.
සිඩ්නි නුවර දුම්රියක ගමන් ගත් මගීන්ට වර්ගවාදී ලෙස බැන වදින වීඩියෝ පටයක් ‘යු ටියුබ්’ වෙබ් අඩවියට නිකුත් වීමත් සමග ඕස්ට්රේලියානු කතකට පොලිසියෙන් චෝදනා එල්ල වී තිබේ.
ලොව පුරා ආන්දෝලනයට ලක්වූ Facebook වෙබ් අඩවිය හරහා කරන ලද මනෝවිද්යාත්මක සමීක්ෂණයේදී ජනතාව දැනුවත් කිරීම සාර්ථකව සිදු නොවූ බව Facebook සමාගමේ ප්රධාන මෙහෙයුම් නිලධාරිනී ෂෙරිල් සෑන්ඩ්බර්ග් (Sheryl Sandberg) පිළිගෙන තිබේ.
බුරුමයේ දෙවන විශාල නගරය වන ‘මණ්ඩලේ’ නගරයෙහි මුස්ලිම් පල්ලියකට සහ වෙළෙඳ සැල්වලට අලාභ හානි සිදු කරනු ලැබ ඇති බව වාර්තා වෙයි.
අනිසි ලෙස තනතුරේ බලය භාවිතා කළ බවට චෝදනා එල්ල වූ ප්රංශයේ හිටපු ජනාධිපති නිකලස් සාර්කෝසි අත්අඩංගුවට ගෙන තිබේ.
ඉරාකයේ ක්රියාත්මක සුන්නි අන්තවාදීන් එරට පිහිටි ප්රධාන පෙළේ තෙල් පිරිපහදු අංගණයක් වන බායිජි පිරිපහදු අංගණය සිය පාලනයට නතු කරගෙන ඇති බවට විදෙස් මාධ්ය වාර්තා කරයි.
දින දහයක් පුරා පැවැති ගැටුමකින් අනතුරුව සටන්කාමීන් මෙම පිරිපහදු අංගණය සිය පාලනයට ගෙන ඇත.අදාළ පිරිපහදු අංගණය ඉරාක පිරිපහදු තෙල් සැපයුමෙන් තුනෙන් එකක ප්රමාණයක් සපයනු ලබයි.මීට අමතරව කැරලිකාර කණ්ඩායම් සලාහුඩින් පළාතද අත්පත්කරගෙන ඇත. එමෙන්ම සිරියානු හා ජෝර්දාන දේශසීමා ආසන්න ප්රදේශයන්ද ඉරාක රජයේ පාලනයෙන් ගිලිහී ඇත. මේ අතර ඉරාක අගමැති නූර් අල් මලිති හා ඇමෙරිකානු රාජ්ය ලේකම් ජෝන් කෙරී අතර විශේෂ හමුවීමක් සිදුවී ඇත. මෙහිදී ඔවුන් ඉරාකයේ උද්ගතවී ඇති තත්ත්වය පිළිබඳ සාකච්ඡා කර ඇති අතර මෙහිදී ත්රස්ත සුන්නි අන්තවාදීන් මර්දනයට ඇමෙරිකාවේ පූර්ණ සහාය ලබාදීමට එකඟ වී ඇති බවට වාර්තා වේ. ෂියා මුස්ලිම් ප්රජාවට අයත් ඉරාක අගමැති නූරි අල් මලිකි, ෂියා ප්රජාවට විශේෂ සැලකිල්ලක් දක්වමින් සුන්නි හා කුර්ඩිෂ් ප්රජාවට කුඩම්මාගේ සැලකිලි දක්වන බවට ජාත්යන්තර ප්රජාව චෝදනා කරයි.
ඉරාකයේ සිටි ඇමෙරිකානු භට පිරිස් 2011 වසරේදී ඉවත්කර ගැනීමෙන් පසුව එරට ක්රියාත්මක ත්රස්ත කණ්ඩායම්වල ක්රියාකාරිත්වය වර්ධනය වීමක් වූ බව ද විදේශ මාධ්ය වාර්තා කරයි. කෙසේ වෙතත් ඉරාක රජය කියා සිටියේ අදාළ තෙල් පිරිපහදුවේ පාලනය තවමත් ඉරාක රජය සතු බවය.
(රිවිර)
ලොව සුපිරි බලවතා සේ සැලැකෙන ඇමරිකාවේ ජනපති බැරක් ඔබාමාගේ වැඩිමහල් දියණිය වන මාලියා ඔබාමා (Malia Obama) නිෂ්පාදන සහකාරියක් බවට පත්වී ඇතැයි විදෙස් වාර්තාවල දැක්වේ.
ඇය මෙසේ නිෂ්පාදන සහකාරියක් බවට පත්ව සිටින්නේ ලොව විද්යා ප්රබන්ධ චිත්රපට අධ්යක්ෂවරයකු වන ස්ටීවන් ස්පිල්බර්ග්ගේය.
ස්පිල්බර්ග්ගේ අලුත්ම රූපවාහිනී වැඩසටහන වන ' ද එක්ස්ටන්ට්' හි ඇය මෙසේ නිෂ්පාදන සහකාරියක ලෙස සේවය කර තිබේ.
ඇය මේ රස්සාව කර ඇත්තේ අමතර සුළුමුදලක් (පොකට් මනී) උපයා ගැනීමට බවද පැවසේ.
මාලියා සිය 16 වැනි වියට එළෙඹියේ පසුගිය ජුලි 04 වැනිදා වන අතර ඉන් පසුව ඇගේ සිහින රැකියාව වූ මේ රැකියාවට කෙටි කලකට එක්ව තිබේ.
(srilankamirror)
