ඇෆ්ගනිස්ථානයේ, කාබුල් නුවර තුර්කි තානාපති කාර්යාලය ඉදිරිපිටදී  ඒ මෝටර් රථයක් ඉලක්ක කර ගනිමින් මරාගෙන මැරෙන බෝම්බ ප‍්‍රහාරයක් එල්ල වී තිබේ.

බංග්ලාදේශ් අධිකරණයක් එරට විපක්ෂ නායිකා ඛලිදා ෂියා අත් අඩංගුවට ගන්නා ලෙස නියෝග කර තිබේ.

නැගෙනහිර යුක්‍රේනයේබෙදුම්වාදී කැරලිකරුවන් යුක්‍රේන් හමුදාවට දිගින් දිගටම පහර දෙන බවට චෝදනා කරමින් යුක්‍රේන් බර අවි යුද පෙරමුණෙන් ඉවත්කර ගැනීම පොරොන්දු වූ පරිදි සඳුදා සිදු කිරීම ප්‍රතික්ෂේප කර ඇත.

ඉස්ලාමීය රාජ්‍ය හෙවත් අයිඑස් සටන්කරුවන් විසින් සිරියානු කිතුනුවන් 150 ක පමණ පිරිසක් පැහැර ගනු ලැබ තිබේ.

බංග්ලාදේශයේ මගීන් 140 ක් රැගත් යාත්‍රාවක් පෙරේදා භාණ්ඩ ගෙනයන යාත්‍රාවක් සමග ගැටීමෙන් මගී යාත්‍රාව පෙරැළී පුද්ගලයන් 68 දෙනකු ජීවිතක්ෂයට පත්ව ඇතැයි නිලධාරිහු ප්‍රකාශ කළහ. ඊයේ වනවිටද ගැලවුම් මෙහෙයුම සිදු කෙරෙන බැවින් කොපමණ සංඛ්‍යාවක් අතුරුදන්ව සිටිද යන්න නිශ්චිතව කිව නොහැකි බවද වාර්තා වේ.

ත්‍රස්තවාදී චෝදනා යටතේ මාලදිවයිනේ හිටපු ජනාධිපති මොහමඩ් නෂීඩ් අත්අඩංගුවට ගෙන තිබේ.

අයිඑස්  සටන්කාමීන් ඊජිප්තු ජාතිකයන් විසිඑක් දෙනෙකුගේ ගෙල කපා ඝාතනය කරන ආකාරය දැක්වුණ වීඩියෝව ව්‍යාජ සැකසුමක් බව අනාවරණ වී තිබේ .

ඇෆ්ගනිස්ථාන තලේබාන් සටන්කාමීන් සාම සාකච්ඡා සඳහා සූදානම් බවට පාකිස්තාන හමුදා ඉඟි කොට ඇතැයි විදෙස් පුවත් සේවා අනාවරණය කර තිබේ.