එසේම යානය අනතුරට පත්කළ බව සැකකෙරෙන සහාය නියමුවාගේ සිරුරු කොටස්ද සොයාගෙන ඇති බවට වාර්තා පළ වී ඇත. යානාවේ ගමන් කළ මගීන්ගෙන් 50 කගේ සිරුරු පමණක්‌ දැනට හඳුනාගෙන තිබේ.
සහන සේවා කණ්ඩායම්වලට අනතුර සිදුවූ ස්ථානයට ලඟාවීම ඇති අපහසුව නිසාම මේ වනවිට තාවකාලික මාර්ගයක් ඉදිකරමින් පවතියි.
මේ අතර යානය අනතුරට පත්වීම බලපෑ හේතු පිළිබඳ මතබේදාත්මක තත්ත්වයක් ඇතිව තිබේ. මෙයට හේතුව වන්නේ යානයේ තොරතුරු රැස්කෙරෙන කළු පෙට්ටිය තවම සොයාගැනීමට නොහැකි වීමයි. යානයේ සහය නියමුවා අනතුර සිදු කරන්නට ඇති බවට සැක පළ කරන්නේ නියමු කුටියේ තොරතුරු ඇතුළත් උපකරණයේ සටහන්ව ඇති තොරතුරු අනුවයි.
