ඔහු නමින් නිශ්මන් රණසිංහ. පුවත්පත් කලාව, තිර රචනය, වේදිකා නාට්‍ය අධ්‍යක්ෂණය, ග්‍රන්ථ රචනය හා ක්‍රීඩා මාධ්‍යවේදියෙකු  හා රංගනය සමඟින් දිවෙන ඔහුගේ කලා ජීවිතයේ නවමු නිර්මාණයක් වන ගැලවිජ්ජා වේදිකා නාට්‍ය මේ මස 26 වන දින  මරදාන ටවර් රඟහලේදී කරලි ගතවීමට සූදානමින් සිටී.

ඇය නමින් ඉමායා ලියනගේ. දිගුකලක් නිරූපන ක්ෂේත්‍රයේ රැඳී සිටි ඇය පසුගියදා දෙරණ රුපවාහිනී ආයතනය මගින් පැවැත්වූ Miss Sri Lanka තරඟයෙන් ජයලබන්න සමත් උනා. ඇයගේ මේ ජයග්‍රහණය ගැන වගේම ඇය නියැලිලා සිටින නිරූපන ක්ෂේත්‍රය පිළිබඳ කතාබහක් කරන්න අපි ඇයව එකතු කරගත්තා.

අප ඔබව දැනගෙන සිටියේ ඇඳුම් නිර්මාණ ශිල්පිනියක් හැටියට. ඔබ එකවර රූපලාවන්‍ය ක්‍ෂෙත‍්‍රයට ඇවිත් පසුගිය දිනක විශේෂ දක්‍ෂතා පෙන්නුවා. මේ වෙනස්වීම ගැන අපි කතා කරමු ?
 
මම මේ ක්‍ෂෙත‍්‍රයට සම්බන්ධ වන්නේ ඇඳුම් මෝස්‌තර නිර්මාණ ශිල්පිනියක් විදියටයි. පසු කාලයකදී  වේදිකා නාට්‍ය කලාවට සම්බන්ධ වුනා. ඒක සිද්ධවෙන්නේ මගේ මහත්තයා සාලිය ලියනආරච්චි නිසා. එයා කලා ක්‍ෂෙත‍්‍රයේ ඉන්න කෙනෙක්. චිත‍්‍ර-මූර්ති ශිල්පියෙක් වගේම සජීවීකරණ ශිල්පියෙක්.වේදිකා නාට්‍ය වලින් සම්මාන ලබපු කෙනෙක්. ඒ නිසා මට වේදිකා නාට්‍යයත් එක්ක කටයුතු කරන්න අවස්ථාව උදාවෙනවා.  එක වෙනමම අත්දැකීමක්. මම එතනදී තමයි දැන ගන්නේ ඇඳුම කියන්නේ ශරීරය ආවරණය කරනවාට, ඉන් ඔබ්බට ගිය මිනිස් අභ්‍යන්තරයන් ප‍්‍රකාශයට පත් කළ හැකි විශිෂ්ඨ කලා මාධ්‍යක් කියලා. මම මේ කලාව සියුම්ව අධ්‍යනය කලා. 
 
මට ‘සයොනාරා‘ කියන වේදිකා නාට්‍යයේ ඇඳුම් නිර්මාණය කිරීම වෙනුවෙන් සම්මානයකුත් හිමිවුනා. මෑත කාලයේ මම සම්බන්ධ වුන රෝහණ බැද්දගේ ශූරින්ගේ ”රාළහාමි” කියන වේදිකා නාට්‍යයේ ඇඳුම් නිර්මාණය කිරීමේ අවස්ථාව ලැබුනා.මගේ දැනුම උපරිම වශයෙන් එළිදක්වන්න ගත්ත උත්සාහයක් හැටියට එය හඳුන්වන්න පුලූවන්. ඒ වගේම පසුගිය දිනක නෙළුම් පොකුණෙ වේදිකා ගත වූ නවරත්න ගමගේ සංගීතවේදියාගේ ”පණාමුර” නම් නිර්මානයේ අඳුම් නිර්මාණය කරනවා. ඒ ප‍්‍රවීන වේදිකා ඇඳුම් නිර්මාණ ශිල්පිනි සුවිනීතා පෙරේරා මහත්මියත් එක්ක. මම වේදිකාවේ දී දැක්කා ඇඳුමෙන් පමණක් නොවෙයි අංග රචනයෙන් මිනිසුන් වෙනස් කරන හැටි. මම එතැනදි තමයි තේරුම් ගත්තේ මේක විශාල බලයක් ඇති ශිල්පයක් විදිහට.
 
මෙය දෛනික සමාජ ජීවිතයේ දී භාවිතා කළහොත් විශාල සමාජ වෙනස් කමක් කළ හැකියි කියලා. ප‍්‍රවීන රූපලාවන්‍ය ශිල්පිනී මානෙල් කොටුවේගොඩ මහත්මිය යටතේ මම රුපලාවන්‍ය ක්ෂේත‍්‍රයට සම්බන්ධ වෙන්නේ මෙන්න මේ පසුබිම මතයි.
 
ඔබ කොහොමද ඔය කියන සමාජ වෙනස්කම කරන්නෙ?
 
මේක හරි අපූරු කලාවක්  හරිම තෘප්තියක් ලැබෙනවා වගේම මුදලකුත් ලැබෙනවනෙ.  සැලෝන් එකක ඉස්සර ගිහින් බලා ඉන්න පුළුවන් නම්  අපට පෙනෙනවා. කොට කෙනෙක් - උස වෙලා යනවා. විරූපී කෙනෙක් - රූමත් වී යනවා. දුප්පත් පෙනුමක් තියෙන කෙනෙක් පෝසත් පෙනුමකට පත්වෙලා යනවා. නපුරු පෙනුමක් තියෙන කෙනෙක් ශාන්ත පෙනුමකින් යනවා.
 
අප සෑම කෙනෙක්ම සමාජයත් එක්ක ගනුදෙනු කරන්න  ඕනා.  සමාජය කෙනෙක් කියවන්නේ  අභ්‍යන්තරයෙන් නොවෙ එළියෙ පෙනුමෙන්. ඇඳුම - රූපය  වගේ දේවලින් .  ඉතින් අද සමාජය අවබෝධයෙන් හෝ අනවබෝධයෙන් යොමු වී තිබෙනවා, තම පෙනුම තැනට ගැලෙපෙන පරිදි වෙනස් කර ගන්න. අපට ඒ අවස්ථාව උදා වන්නේ අන්න ඒ අවස්ථාවේදී.  ඒ කාර්්‍ය අවබෝධයෙන් කරන්න  ඕනා. උදාහරණයක් විදිහට අපට ලැබෙනවා රටේ ඉන්න ප‍්‍රබලම කෙනෙකුව  සරසන්න. එතැනදී ඔවුන්ගෙ පාරම්පරාවේ ගෞරවය, ඇයගේ උගත්භාවය, සමාජ තත්වය වගේ දේවල් ඉස්මතු කරන්න  ඕනා. ඒක හරි පරිස්සමෙන් කරන්න  ඕනා කාර්්‍යයක්. මොකද එම පෙනුම නිසා ඇයගෙ සමාජ තත්වය නැතිවී යනවා නම්, සමාජ පිළිගැනීම නැතිවෙනවා නම් ,ඒක විශාල ප‍්‍රශ්නයක් වේවි. මම අදහස් කරන සමාජ වෙනස්කම කියන්නේ ඒකටයි .
 
රූපලාවන්‍ය කියන්නේ මුහුණු ආලේප කරනවාට වඩා ඔබ්බට ගිය ගැඹුරු විෂයක් හැටියටයි මම කියවන්නේ .
 
ඇත්තටම Bridal make up එකක් කියන්නේ මොකක්ද?
 
    ඇත්තටම විවාහ මංගල්්‍යය කියන්නේ දෙවන ඉපදීම හැටියටයි මම සලකන්නේ. ගමේ ඔක්කොම වගේම තම නෑදෑයන්, හිතමිතුරන්, ගෙන්වල ඔවුන් ඉදිරියෙයි මේ කටයුත්ත කරන්නේ.  පැරැුන්නො මේ උත්සවය සංවීධාන කරන්නේ විශාල තේරුමක් ඇතිවයි. වෙනත් කෙනෙකු හා එක වහලක් යටට යන මේ යුවලට පටන් ගන්න අළුත් ජීවිතේට විශාල උත්තේජනයක් ලබාදීමයි මෙයින් කෙරෙන්නෙ .   කිසිකෙනෙකුට කිසි දෙයක් ජය ගන්න බැහැ, තමන් කරන විෂයට අදාල උත්තේජයක් නැතිනම්.  ඉතින් නෑදෑයින්, මිතුරන්, ගම්වැසියන්ගෙ ආශිර්වාදය ඔවුන්ගේ ජීවීතයම සාර්ථක කර ගන්න විශාල පිටිවහලක් වෙනවා. එතනදී ඇය හා ඔහුයි එහි ප‍්‍රධාන භූමිකාව කරන්නේ. ඒ නිසා මම මනාළියක් සරසන විට හිතන්නේ ඔවුන්ගේ ආරම්භ කරන නව ජීවිතයම ආලෝක කරලා මුළුමහත් සමාජයේම ආශිර්වාදය ඔවුන්ට ලබා දෙන්න. ඒක   Bridal make up කරලා කීයක් හරි ගන්නවාට වඩා බරූ?ම් වගකීමක් හැටියටයි මම දකින්නේ. මම  හිතන්නෙ සෑම  කාර්්‍යයකටම විශාල  සමාජ සම්බන්ධතාවයක් තියෙනවා කියලා .ඒකෙන් කිසිවෙකුටත් ගැලවෙන්න බැහැ. මම වැඩ කරන්නේ අන්න ඒ අවබෝධය පිළිබඳ දැඩි අවධානයකින්.    
 
සාමාන්‍යයෙන් ගොඩක් wedding වල මනමාලිය කෙරෙහි විතරයි නේද හැඩගැන්වීමේදී   අවධානය යොමු කරලා තියෙන්නේ! මනමාලය හැඩ ගැන්වීම ගැන වැඩි අවධානයක් යොමු කරන්නේ නෑ.  එකට දෙන්න තියන උපදෙස මොකක්ද?
 
ඇත්තටම දැන් ඒ තත්ත්වය දකින්න ලැබෙන්නේ බොහොම අඩුවෙන්. දැන් පුරුෂ පක්‍ෂයත් රූපලාවන්‍ය ගැන උනන්දුවක් දක්වනවා. මම හිතන්නේ එය මීට වඩා අවබෝධවෙන් හා පුළුල්ව කලයුතු කාර්යයක් හැටියටයි. මොකද මේ අළුතෙන් පුරන ජීවිතයේ ප‍්‍රධානියා ඔහුයි. අළුත් ගෘහමූලිකයනෙ. ඉතින් ඔහුගේ පෞරෂවය ප‍්‍රබල ලෙස ඉස්මතු වෙන්න  ඕනා. එදින ඔහුගේ පෙනුම දුර්වල නම්, සමාජය ඔහුව කියවන්නෙ වෙනත් විදිහකට. ඒක පවුල් ජීවීතයට ප‍්‍රශ්ණයක් වේවි.  මම අදහස් කරන්නේ සමාජ විද්‍යාත්මක දෘෂ්ඨියකින් බලල මේ අංශය වඩාත් ගැඹුරු අධ්‍යනයකින් කළ යුතු කාර්යක් හැටියට.
 
රූපලවන්‍ය ශිල්පිනියක් මනමාලයෙක් මනමාලියෙක් හැඩගැන්වීම වගේම ඔවුන්ට  විවධ දේ සම්බන්ධව උපදෙස් දීමත්  සිදු කරනවද?
 
නැහැ. නැහැ. පුද්ගලයන්ගෙ පෞද්ගලික ප‍්‍රශ්ණ එක්ක සම්බන්ධවීම සියල්ල පටලවා ගැනීමක්. හැබැයි විවාහයකදී ඒ උත්සවය සම්බන්ධ උපදෙස් දීමේ සීමාවක් තියෙනවා. අවශ්‍යනම් අප ඒ සේවය ලබා දෙනවා. අප වෘත්තියක් හැටියටයි beauty culture  කරන්නේ,  ඒ නිසා අපට මේ විෂය සම්බන්ධ අත්දැකීම් වැඩියි. ඒ නිසා අපේ අත්දැකීම් ප‍්‍රයෝජනයට ගැනීමේ වැදගත් කමක් තියෙනවා. එය අනවශ්‍ය වියදමක් හෝ යම් වැරැද්දක් වීම අවම කරනවා.  අපට තියෙන අත්දැකීම තමයි මේ උත්සවය දිනයට කවුරුත් කලබල වෙනවා. කළ යුත්ත නොකළ යුත්ත අමතක වෙනවා. ඔවුන් හිතනවා තමන් යහළුවන් නෑදෑයින් ඉදිරියේ අපහාසට අවමානයට පත් වෙයි කියලා බියක්.  මේ තත්ත්වය තමයි  ප‍්‍රශ්ණයක් ඇතිවීමට ඇති කරුණ වන්නේ ඒනිසා උපදෙස් ගැනීම වැදගත් කියලයි මම හිතන්නේ.
 
ඇඳුම් නිර්මාණ ශිල්පය  ගැන කතාකරොත් විවිධ අවස්ථාවන්ට ගැලපෙන විදිහට කොහොමද අපි ඇඳුම් තෝරාගන්න  ඕන ?
 
ඇඳුමක්  නිර්මාණය කරන්න ප‍්‍රධාන කොන්දේසි දෙකක් සපුරන්න  ඕනා. පළමු කොන්දේසිය හැඩ. දෙවන කොන්දේසිය තමයි වර්ණ. මේ දෙක එකතු වුනාම තමයි ඇඳුමක් නිර්මාණය වන්නේ. මෙය පුලූල් විෂ්‍යයක්.  ජනතාව හැඩ කියනනවා.  වර්ණත් ජනතාව කියවනවා. ඒ කියන්නේ හැඩ සහ වර්ණ වල ප‍්‍රකාශණයන් තිබෙනවා කියන එකයි. කවුරු හෝ ඇඳුමක් ඇන්දාම හැඩ හා වර්ණවල අදහස් එය අඳින පුද්ගලයාට  හා සම්බන්ධ වී ප‍්‍රකාශනයක් නිකුත් කරනවා. එය සමාජය කියවනවා. මෙන්න මෙතැනයි මෙය සමාජ බද්ධ නිර්මාණශිලි විෂ්‍යයක් විදිහට සමාජය ඉදිරිපිට පෙනී සිටින්නෙ. ඒ නිසා මෙය ්ජ්ාැපහ කලාවක් වෙනවා. තමන් කැමති සමාජ තත්ත්වයක් ඇඳුමෙන් පෙන්වන්න පුළුවන්. ඒකයි මම කිව්වේ මේක අපූරු විෂ්‍යයක් කියලා. ඒ නිසා විවිධ හැඩ ඇති අය තමන් කැමති තත්ත්වයට සකස් කරන්න ඇඳුමෙන් පුළුවනි  ඒ අනුව ඒ ඒ අවස්ථාවට හා අවශ්‍යතාවයට  ගැලපෙන ඇඳුමක් තෝරාගන්න පුළුවන්.
 
එතකොට ඔබ ඇඳුම් නිර්මාණ ශිල්පිනියක්, රුපලාවන්‍ය  ශිල්පිනියක් හා වේදිකාවට රංග වස්ත‍්‍රාභරණ නිර්මාණය කරන්නියක්. ඔබගේ ඉදිරි වැඩ කටයුතුත්  එක්ක සම්බන්ධ වෙන්නේ කොහොමද?
 
මම තවම අදහස් කරගෙන නැහැ මෙය විශාල ව්‍යාපාරයක් හැටියට කරනවාද නැද්ද කියලා. මොකද මම තවම හිතන්නේ මෙය සේවයක් විදිහට නිසා. මම තවම හිතන්නේ මේ තාක්‍ෂණය පුළුල් ව්‍යාපාර මට්ටමට ගෙන ගියහොත් මෙහි ගුණාත්මක තත්ත්වයට හානිවෙයි කියලා. ඒ නිසා මම මේ කාර්යය කරන්නේ යම් සීමාවක් තුළයි.  වේදිකාවේ හෝ සිනමාවේ යම් නිර්මාණශීලි දෙයක් කරන්න බලාපොරොත්තු වෙනවා.
 
ඔබේ වටිනා කාලය අප වෙනුවෙන් ගත කිරීම ගැන අප ස්තූතිවන්ත වෙනවා. ඔබට ජය පතනවා.  ඔබගේ සේවය යම් අයෙක් ලබා ගන්න  ඕන වුනොත් ඒය ලබා ගන්නේ කොහොමද?
 
ඔබටත් එසේම ස්තූතිවන්ත වෙනවා  මගේ ව්‍යාපාර අංකයට ඇමතුමක් ලබාදීමෙන්  මගේ සේවය ලබා ගන්න පුලූවන්    මගේ ව්‍යාපාර  අංකය 077 2863888
 
දොඩමළුව
හිමාෂි කරුණාරත්න  
2
 
 
br1
 
br2
 
unnamed
 
yyy
 
t
 
රංග බණ්ඩාරනායක අප සැම හඳුනන්නේ ජාතික රූපවාහිනියේ ප්‍රවීණ වැඩසටහන් නිෂ්පාදකවරයෙක්, ටෙලිනාට්‍ය, අධ්‍යක්ෂකවරයෙක් ලෙසයි. ඔහු නිර්මාණයට දායක වූ ‘සිත නිවන කතා’ වැනි ඒකාංගික ටෙලි නිර්මාණ අදටත් ප්‍රේක්ෂකයන් අතර කතා බහට ලක්වෙනවා. මේ දිනවල රංග ගැන කවුරුත් යළිත් වරක් කතා බහ කරන්නේ ඔහුගේ අලුත් ම ටෙලි නිර්මාණය වන ‘භවාන්තර’, ජාතික රූපවාහිනිය ඔස්සේ විකාශය වීම නිසයි. රංග සමඟ යෙදෙන මේ කතා බහ ද පෙළ ගැසෙනුයේ ඔහුගේ නවතම ටෙලිනාට්‍ය නිර්මාණය වෙනුවෙනි.

1969 වසරේ තිරගත වූ “දැන් මතක ද” චිත්‍රපටයේ ඇතුළත් වූ “හිස් ටින් එකක් වාගෙයි අපේ මේ ජීවිතේ” ගීතය එදාට වඩා අද ජනප්‍රිය ගීතයක් බවට පත් වී ඇති අයුරු ගීතලෝලී කාටත් නොරහසකි. මේ දිනවල සංගීත ක්ෂේත්‍රයේ වැඩිම අවධානයට ලක් වී ඇති මෙම ගීතය දැන් ringing tone සඳහා ද යොදා ගෙන තිබෙන බව දැනගන්නට ලැබී ඇත.

ප්‍රවීණ චිත්‍රපට අධ්‍යක්ෂ ධර්මරසේන පතිරාජයන් දිගු නිහැඬියාවකට පසු නැවතත් සිනමා අධ්‍යක්ෂවරයෙක් ලෙස සක්‍රීය වී ඇත. සිනමාවේ දැඩි අර්බුදකාරී පසුබිමක ඔවුන් මුහුණ දෙන අපහසුතාවයන් සමස්ත කලාවේ පරිහානිය සහ කලාකරුවාගේ භූමිකාව පිළිබඳ පතිරා‍ජයන් දැක්වූ අදහස් කිහිපයක් මෙසේය.

තම ජිවිතයේ යථාර්ථය සඟවා ගනිමින් ජීවත් වෙන කෙටි කාලයේදී තම සිතැඟි සියල්ල කෙසේ හෝ සපුරා ගැනීමට වෙර දැරු ‘අනිත්‍යා‘ හි දඩබ්බර කෞෂිත් සොරු රැළක් හා එක්ව තම පියාගේම මුදල් කොල්ල කන්නට මෙහෙයවන ‘කොස්තාපල් පුඤ්ඤසෝම‘ හි ශානිකාත් සිනමාවේ අපට හමු වූ එකිනෙකට වෙනස් චරිත ‍දෙකකි.

  • තිබෙන සමාජ දේශපාලන වාතාවරණයේ උණුසුම ඔබට දැනෙන්නේ කොහොමද?

අද රටේ වෙන අපරාධ සංඛ්‍යාත්මකව ඉහළ නැගලා. හැබැයි අනිත් රටවල් එක්ක බලද්දි අපේ රටේ ආගමට තිබෙන යොමුව අති විශාලයි. බෝධි පූජා, පල්ලිවල යාඥා හැම ආගමක්ම පිළිවෙත් මහ ඉහළින් කරනවා. මෙහෙම වෙද්දිත් අරහෙම වෙන්නෙ මොකද කියන එක තමයි ප‍්‍රශ්ණේ. මෙච්චර මිනිස්සු ආගමට නැඹුරු නම් රට පින්බිමක් මිස අපරාධ පුරවරයක් වෙන්න විදිහක් නෑනේ. ආගම් ව්‍යවස්ථාවලට දාගත්ත හැම රටකටම වුණේ ඕකයි. ව්‍යවස්ථාවලට ආගම් ඕන නෑ. පිට රටවල ඉස්කෝලවල ආගම් උගන්වන්නේ නෑ. ඒක තමාගේ පෞද්ගලික දෙයක්.


රටේ නීතිය ස්ථාපිත කරනවා නම් ධර්මිෂ්ඨ සමාජයක් ඉබේම ගොඩ නැගෙනවා. අද තියෙන්නේ නිතියට බය නැති කම. කුඩු අල්ලන එකේ කෙළවරක් නෑ. කොච්චර ඇල්ලූවත් ආයෙ කුඩු ගේන එකේ අඩුවකුත් නෑ. ඇයි නීතියට බය නෑනේ. නීතියට බය නැත්තේ මේවා පිටිපස්සේ ඉන්නේ දේශපාලනඥයන් නිසා.

 

  • අල්ලස් හෝ දුෂණ විමර්ශණ කොමිෂන් සභාවේ ක‍්‍රියා පටිපාටිය ගැන සෑහීමකට පත් වෙන්න පුළුවන්ද?

අල්ලස් හෝ දුෂණ කොමිෂන් සභා විමර්ශන සභාවේ තත්ත්වයත් හරිම කණගාටුයි. දැන් වෙලා තියෙන්නේ බඩුත් හාමුදුරුවන්ගේ නඩුත් හාමුදුරුවන්ගේ වගේ වැඩක්නේ. හැබැයි නීතියෙන් ගැලවුණාට ස්වභාව ධර්මයා විසින් නිර්මාණය කරන හැලහැප්පිලිවලින් බේරෙන්න බෑ. බෞද්ධ දර්ශණය අනුව නීතියෙන් දඬුවම් නැති වුණාට සොබා දහම දඬුවම් දෙනවා.

එක ප‍්‍රබල ඇමතිවරයෙක් පන්සලකට හරියට උදව් කළා. සාමාන්‍ය තත්ත්වයක හිටපු මේ ඇමතිවරයා බලාගෙන ඉද්දි කෝටිපතියෙක් වුණා. කෝටිපතියෙක් වුණාට පස්සේ එයා දානපතියෙක් වුණා. දානපතියා පන්සලට සල්ලි දුන්නම පන්සලේ හාමුදුරුවෝ කියනවා මේ පින ඇතිලූ බුදු වෙන්ට. ඒ කියන්නේ සල්ලි තියෙනවා නම් බුදු වෙන්ට පුළුවන්. සල්ලි එන්නේ කොහෙන්ද කියන එක අදාළ නෑ. අද ඇතැම් හාමුදුරුවරු පවා ඒ ගාණට පිරිහිලා. එක් දේශපාලනඥයකු සිය වැනි කන්‍යාවද කොහෙද දුෂණය කිරීමේ නිමිත්තෙන් පාටි දාද්දී වැඬේ පත්තු වුණා. නඩු යනවා. හැබැයි දඬුවම්…….

 

  • විපක්ෂයේ ඇතැම් දේශපාලනඥයන් ඇතුළු යම් පාර්ශ්ව කියනවා රට යන අත හරි නෑ කියලා. ඔබ ඊට එකඟද?

අනිවාර්යයෙන්ම හරි නෑ…… නීතිය මොන ජගතට වුණත් එක හා සමාන විය යුතුයි. මේක හරි පුදුම රටක් නේ. කරන්ට ඕනෑ අමන වැඩ ඔක්කොම කර කර වෙන රටවල් වල සදාචාරයක් නෑ කියනවා. අම්මා පුතාව මරණවා. අම්මාගේ අනියම් සම්බන්ධය සැමියාට අහු වෙයි කියලා. තාත්තා තමන්ගේ දුවට ඉන්න දෙන්නේ නෑ අතවර කරනවා. ඒ වගේ සිද්ධි මේ රටේ අනන්තයි අප‍්‍රමාණයි. මේක කිසිම පිනක් නැති ජන සමාජයක්. මෙහෙම වෙලා තියෙන්නේ පව්කාරකම හින්දා.

 

 

  • ඒ පව්කාරකම පාලන තන්ත‍්‍රය මෙහෙයවන පාලකයන්ගේද? රටේ ජීවත් වෙන මිනිස්සුන්ගේද?


ආගම ඉස්සරහට දාගෙන අන්තවාදිකම් මේ රටේ හැම ආගමක්ම කළා. මම උපතින් බෞද්ධයෙක් නොවුණාට බෞද්ධාගමට මම හුඟාක් ගරු කරනවා. ඒ බෞද්ධ දර්ශණය තරම් යථාර්ථය ගැන කිසිම ආගමක කතා කරලා නැති නිසා. හේතුව සහ ඵලය ගැන හරිම තාර්කිකව බෞද්ධාගම කරුණු ඉදිරිපත් කරලා තියෙනවා.

ඒත් මිනිස්සුන්ට ඒ දර්ශණය ගැන අවබෝධයක් නෑ. පාලකයන්ටත් නෑ. පුදුම ආත්මාර්ථකාමී බවක් පාලකයන් තුළ වගේම ජනතාව තුළත් තියෙන්නේ. බුදුන් වහන්සේට ජාතියක්, කුලයක් තිබුණේ නෑ. උන් වහන්සේ කීවේ මනුෂ්‍යත්වය ගැන. සියලූ සත්වයෝ නිදුක් වෙත්වා මිසක් සියලූ සිංහලයෝ නිදුක් වෙත්වා කියලා බුදුන් වහන්සේ කීවේ නෑ. ධර්මයේ අවසානය ආදරය. ආදරයක් නැති කිසිම දේක ධර්මයක් නෑ.

 

  • අද සමාජය පිරිහිලා පිරිහිලා ගිහින් ඉදිරියේ දී මොන වගේ විනාශයක් වෙයිද කියන්න බැහැ.

විපක්ෂයට හරි කොන්දක් නැති කමත් මේ පිරිහීමට එක් හේතුවක්ද?

 

  • පිනක් නැති රටකට හොඳ විපක්ෂයක් ඇති වෙන්නෙ කොහොමද?

ආණ්ඩුව බලයට ගේන්න බොහොම මහන්සි වෙලා දර දිය ඇද්ද කලාකාරයෝ පිරිසක් හිටියනේ. දැන් මේ කලාකරුවන්ට මොකද වෙලා තියෙන්නේ?

කලාකරුවෝ කියන කොට්ඨාසය බහුතරය ඉතාම අසරණයි. හුඟාක් අයට ජීවත් වෙන්න ක‍්‍රමයක් නෑ. ආණ්ඩුවට බොහෝම ලෙන්ගතුව ඉන්න අය බලන්නේ ඊයෙට වඩා අද ජීවිතය ලස්සන කර ගන්න විදිහක්. ඒ කිව්වෙ හොඳ වාහනයක්. ගෙයක් ගන්න විදියක්. තව කට්ටියක් ඉන්නවා කලාකරුවෝ දැන් ඉන්න තත්ත්වයට වඩා වැඩි තත්ත්වයකට එන්න ආසාවටත් රජයත් එක්ක කුළුපග වෙනවා. උදාහරණයක් කීවොත් තියෙන්නේ මරුටියක් නම් ටොයෝටා එකක් ගන්න ආසාවට. තණ්හාව වැඩි වුණාමත් හරි ප‍්‍රශ්ණනේ.

 

 

  • ඔබ ඉන්නේ කොයි වගේ ස්ථාවරයකද? ආණ්ඩුවත් එක්කද නැත්නම්?

මම රාජ්‍ය විරෝධියෙක් සහ දේශද්‍රෝහියෙක් විදිහටයි ආණ්ඩුව දකින්නේ.

 

 

  • ඇයි ඒ?

මම ඝෘජුව කතා කරන හින්දම ආණ්ඩුව හිතනවා සුනිල් පෙරේරා අන්තවාදී යූ.එන්.පී. කාරයෙක් කියලා. ඒත් කිසිසේත්ම එහෙම නෑ. මම 94 ඡන්දය දුන්නෙත් චන්ද්‍රිකා බණ්ඩාරනායකට. ඒ එ.ජා.ප. ය ඒ වෙද්දී ක‍්‍රියා කරපු පිළිවෙත හරි නැති නිසා වෙනසක් බලාපොරොත්තුවෙන්. මොන ආණ්ඩුව ආවත් දෙයියනේ කියලා මට නම් ජිවත් වෙන්න විදිහක් තියෙනවා. ඒත් රටට වෙනසක් අවශ්‍යයිනේ. එදා ආණ්ඩුවට කොඩිය වැනුවනම් මටත් ඉතින් මීට වඩා ගැම්මෙන් ඉන්න තිබුණා. ඒ වුණත් මම ඔය කොඩි වනන්න හෝ ලෙන්ගතුකම් පාන්න යන්නේ නෑනේ.

 

 

  • ජනාධිපතිතුමා උපන් දිනයට සුභ පතන්නේ එහෙම නැද්ද?

සුභ පතනවා.

 

 

  • බ්‍රේක් නැතිව කතා කරන්න ගියාම වැඩ වරදිනවලූ. කට හින්දා ඔබටත් තර්ජන, ගර්ජන බලපෑම් එල්ල වෙලා නැද්ද?

තමන්ට ජීවත් වෙන්ට ප‍්‍රශ්ණයක් නැති වෙච්ච පළියට රටේ ප‍්‍රශ්ණ දැක දැක කට අරින්න ඕනෑ තැන් දැක දැක කට වහගෙන ඉන්නවා නම් ඒක මහ කුහක ආත්මාර්ථකාමීකමක්. මගේ නෝනා මට හැම වෙලේම අවවාද කරනවා කට පියාගෙන ඉන්න. කතා කරලා කරදර ඇති කර ගන්න එපා කියලා. ඒත් මට එහෙම පුරුද්දක් නෑ. මට හොඳයි කියලා මම කට වහගෙන ඉන්නවා නම් ඒක ආත්මාර්ථකාමී කැතම කැත පුරුද්දක්. වැරැද්ද දුටු තැන ඒ වෙනුවෙන් කතා කරන්න ඕනෑ. මට ප‍්‍රශ්ණයක් වුණාම අනිත් අය කියයි ඕකගේ කට හින්දා තමා ඕකා නැති වුණේ කියලා. ඒත් මම කතා කළ යුතු තැනදී කතා කළ යුතු දේට කතා කරනවා.

 

 

  • කට වහගෙන ආණ්ඩුවට හේත්තු වුණා නම් සැපම තමයි කියලා ඔබට හිතෙන්නේ නැද්ද?

සුනිල් පෙරේරා අපේ එකානේ කියලා මට වැඩක් දුන්නොත් මට හිතෙන්නේ ඒක මට මහා මදි කමක්. හැකියාවට යමක් හම්බ වුණොත් මට සංතෝෂයි. යාළුකමට යමක් ලැබෙනවට මම කැමති නෑ. පව් බං සුනිල් අයියා දැන් නාකියානේ…… ඔන්න ෂෝ එකක් තියෙනවා නම් ඌවත් දාපන් අන්න එහෙම කියලා මට වැඩ දෙනවා නම් මට ඒක මදි කමක්. මට නොහැකි නම් මම එළියට යන්න ඕනෑ. ඒත් මට තාම හැකියි.

 

 

  • ඔබ තාම තරුණයි?

වයසට ගියාට හිතින් තාම තරුණයි. මම හදවතින් වයසට නොයන මනුස්සයෙක්. හැට පැන්නත් තාම උඩ පනින්න නටන්න පුළුවන්. කොණ්ඩ රැවුළ ඩයි කළාම මූණ බලන්න බැරි කමක් නෑ.

 

 

  • මේ රජය සංගීත ක්‍ෂේත‍්‍රය වෙනුවෙන් යමක් කරලා තියෙනවද?

මම හිතන්නේ නෑ කිසිම රජයක් එහෙම දෙයක් කරලා ඇතැයි කියලා. සංගීත ක්‍ෂේත‍්‍රයෙත් හරියට අංජබජල්. හොර සී.ඞී. ගහන විකුණන ඒවායි. අනිත් එක එහෙම එක ක්‍ෂේත‍්‍රයක් හදනවා කියලා හදන්නත් බෑ. පොදුවේ උඩ සිට සියල්ල හොඳින් හැදීගෙන එනවා නම් සියලූ ක්‍ෂේත‍්‍ර ලස්සනට හැදෙයි. හැබැයි සංගීත ක්‍ෂේත‍්‍රයේ හැදුණ උදවිය ඉන්නවා ආණ්ඩුව නිසා. රජය නිසා හැදුණ සංගීතකාරයෝ ඉන්නවා. ඒක ඉතින් ඒ ගොල්ලන්ගේ කැමැත්ත. රජය හරියට තමන්ගේ සාක්කුවෙන් දෙනවා වගේ කලාකරුවන්ට ගෙවල් හදලා දෙනවා. ඒවා ජනතාවගේ සල්ලි. හැබැයි දෙන්නේ තමන්ගේ අතින් දෙනවා වගේ.

 

 

  • රනිල් වික‍්‍රමසිංහ මහතා බලයේ සිටි කාලයේ ඔබට විශේෂ වරප‍්‍රසාද ලැබුණේ නැද්ද?

මම රනිල් වික‍්‍රමසිංහගෙන් අල්පෙනෙත්තක්වත් අරගෙන නෑ.

 

 

  • රනිල් වික‍්‍රමසිංහ ඔබ සමඟ හිතවත්ද?

හිතවත්කමක් දැනටත් තියෙනවා.

 

 

  • ඔබ දේශපාලන වේදිකාවල සිංදු කියන්නේ නැද්ද?

පේ‍්‍රමදාස මහත්තයා මැරුණු දවසේ මම ඒ දේශපාලන වේදිකාවේ සිංදු කියන්න හිටියා. එදායින් පස්සේ මම හිතුවා ආයේ කවදාවත් මම දේශපාලන වේදිකාවක සිංදු කියන්නේ නෑ කියලා. මට දේශපාලන වේදිකාවල සිංදු කියන්න ආණ්ඩු පක්ෂය වගේම විපක්ෂයත් කතා කරනවා. මම එතකොට කියනවා ඇමතිතුමා දේශපාලන වේදිකාවට නම් එන්න බෑ මම ඔබතුමාගේ උපන් දින උත්සවයට නම් ඇවිත් සිංදු කියන්නම් කියලා. ප‍්‍රතිපත්තියක් හැටියට ජිප්සීස්ලා දේශපාලන වේදිකාවලට සිංදු කියන්න එන්නේ නෑ. නැත්නම් දකින මනුස්සයො හිතන්නෙත් අන්න අරයා කඬේට ගිහින් කියලා. දේශපාලනයට ගෑවුණ කලාකරුවන් ගැන සාමාන්‍ය මිනිසුන්ට තියෙන අර්ථකථනය පිළිකුල් සහගතයි.

 

 

  • සුනිල් පෙරේරාට දේශපාලනය ගැළපෙන්නේ නැද්ද?

කොහෙත්ම ගැළපෙන්නේ නෑ.

 

 

  • ඔබේ දැක්ම අනුව ලංකාවේ ඉන්නෙ කොහොම මිනිස්සුද?

කිසි සේත්ම පිළිවෙළක් නැති තමන්ගේ බඩ ගින්න නැති වෙනව නම් අනිත් ඕනෑ දෙයකට කෙළ වෙලා ගියා දෙන් කියා හිතන මිනිස්සු බහුතරයක් තමා මේ රටේ ඉන්නේ.

 

 

  • ඔබගේ පුතා සංගීතය තුළ යන ගමන ගැන සතුටක් තියෙනවද?

ඔව්. මම හරි ආසයි එයා එයාගේ අනන්‍යතාවක් තියාගෙන ඉන්නවට. මගේ සිංදු කීවේ නෑ එයා. මගේ පුතාගේ සිංදු ලියන්නෙත් එයා. තනුව නිර්මාණය කරන්නෙත් එයා. කියන්නෙත් එයා. එයාගේම අදහස්. මටත් ඒ සමහර ඒවා තේරෙන්නේ නෑ. ඒත් ඒක තමා තරුණ භාවය කියන්නේ. ඕකට මම ඇඟිල්ල ගහන්න ගියොත් වැඬේ වණ වෙනවා. ඒ හින්දා දෙයක් ඇහුවොත් කියලා දීලා මම මගේ පාඩුවේ ඉන්නවා. එයාට ඕනෑ දේ එයා කරපුදෙන්.

 

  • නෙළුම් පොකුණ රඟහල ගැන මොකද හිතෙන්නේ?

ආණ්ඩුවේ පාක්ෂික කලාකරුවන්ට නෙළුම් පොකුණ හොඳයි. ඔබ මොන කොඩියද වනන්නේ කියන එක තමා ප‍්‍රශ්ණය. හරි පාට කොඩිය වැනුවොත් කතා කරලා ඕනෑ දෙයක් කර ගන්න පුළුවන්. නැත්නම් ලොකු මුදලක් ගෙවන්න ඕනෑ. මම ගිහිල්ලා ඉල්ලූවොත් සමහර විට නොළුම් පොකුණ නිකම්ම දෙයි. ඒත් මම ඒකට බයයි.

 

 

  • ලංකාවේ එහෙම වෙන්නේ නෑ ගීතය නිසා ප‍්‍රශ්ණ ඇති වුණේ නැද්ද?

උඩ ඉන්න දේශපාලනඥයින්ට වඩා වටේ ඉන්න හෙංචයියලා තමා පාට් දාන්නේ. ගහගන්න වගේ එන්නේ. ලොකු උදවියත් සමහර විට අකමැති ඇති.

මම සිංදුවක් කීවා. මේ රට ගැන අර්ථකථනයක් දෙනව නම් මට දෙන්න තියෙන්නේ ඒ සිංදුව විතරයි. පහසුවටත් ලේසියටත් සමහරු වැරදි කරනවා….. ඒ සිංදුව මම මැරිලා කාලයක් යනකම්ම මේ රටට ගැළපේවි කියලා මට හිතෙනවා.

තව එන්න තියෙන සිංදුවක් තියෙනවා.

ඔබගේ ජල්තර මගඩි
හොර දුෂණ ඕනෑම නීති
විරෝධී වැඩක් පහසු
මිලට කර ගන්නට ඕනෑමනම්
අපට කියන්න නෝ

ප්‍රොබ්ලම් ප‍්‍රයිවට් ලිමිටඞ්
ඉතාලි ප‍්‍රංශ ජපන් යන්නට
හදනවනම් වීසා ඕනෑම නම්
අපට කියන්න

මැලේසියන් ගුවන් යානේ
තවමත් කොහෙද නෑනේ
හොයා ගන්න ඕනෑම නම්
අපට කියන්න

දිනන්න මැර බලයෙන්
පාතාලයේ අයියලා ඕනෑම නම්
අපට කියන්න

අයියලා නැද්ද ඔහෙලට
අලියා වැටිලම නම් අලියට
පණ නැත්නම් සේලයින් ඕනෑම නම්
අපට කියන්න

පැරදුණ දුකට අලි – රනිල්
අදින වලි නවත්වන්න
ඕනෑම නම් අපට කියන්න
බොරු මොකටද ඇහුවේ
කරු – තොප්පිය වැටිලා නම්
අපිට කියන්න

අන්න ඒ වගේ තමා ඔය සිංදුව යන්නේ.

 

  • මීට කාලයකට ඉහත දී කොළඹ ප‍්‍රධාන පෙළේ පාසලක පැවැත් වූ සංගීත සංදර්ශණයක දී ඔබේ ගීතයකට නර්තනයේ යෙදුණ රංගන ශිල්පිණියන් අන්තිමට රෙදි ගළවාගෙන නටන තත්ත්වයකට පත් වුණා. මොකද්ද ඒ ඇත්ත කතාව?

නඩුව ඉවර වෙච්ච දාට ඇත්ත කතාව කියන්නම්. දැනට අවුරුදු 12 ක් තිස්සේ ඒ නඩුව අහනවා. කතාව ඇත්ත. ඒත් නඩුවක් යන නිසා මීට වඩා කතා කරන්න බෑ.

 

 

  • ඔබේ බිරිය ඔය සිද්ධියෙන් පසුව දැක්වුව ප‍්‍රතිචාරය කොහොම එකක්ද?

ඇය අවුල් වුණා. යම් යම් අවුල් ඇති වුණා. මම ඇයව කසාද බදිද්දී ඇයට අවුරුදු 15 යි. අවුරුදු 20 වෙද්දී ඇය දරුවන් හතර දෙනෙක්ගේ මවක්. ඇය ඉතාමත් හොඳ බිරියක්. මම වෙනුවෙන් හුඟාක් දේවල් ඉවසා දරා ගත් කෙනෙක්.

(සංජීවිකා සමරතුංග -දේශය පුවත්පත)

Page 7 of 9

Gossip

විශ්වාසභංගයෙන් වැඩක් නෑ.. ශ්‍රිලනිප කැබිනට් සංශෝධනය මැයි 7න් පසුවට කල්තබයි

විශ්වාසභංගයෙන් වැඩක් නෑ.. ශ්‍රිලනිප කැබිනට් සංශෝධනය මැයි 7න් පසුවට කල්තබයි

කැබිනට් මණ්ඩලයේ ශ්‍රීලනිප ඇමැතිවරුන්ගේ විෂය මාරු කිරීම මැයි 07 වන දිනෙන් පසුව සිදු කිරීමට ජනාධිප...

රනිල් එළවීමේ සටනේ නායකත්වය චතුර බාරගනී

රනිල් එළවීමේ සටනේ නායකත්වය චතුර බාරගනී

අග්‍රාමාත්‍ය රනිල් වික්‍රමසිංහ මහතාට එරෙහිව ඉදිරිපත් කිරීමට නියමිත විශ්වාස භංග යෝජනාවට එ...

නීතිඥ නෝනාවරුන්,  මහත්වරුන්ගේ කලිසම දිනාගති

නීතිඥ නෝනාවරුන්, මහත්වරුන්ගේ කලිසම දිනාගති

ලෝක කාන්තා දිනයට සමගාමීව විවෘත අධිකරණවල පෙනී සිටින නීතිඥවරියන් හට නව ඇඳුමක් හඳුන්වාදීම ඊයේ (8දා) සිද...

අගමැති විශ්වාසභංගය, ශ්‍රීලනීපභංගයක් බවට පෙරළේ..

අගමැති විශ්වාසභංගය, ශ්‍රීලනීපභංගයක් බවට පෙරළේ..

අගමැති රනිල් වික්‍රමසිංහට එරෙහිව ගෙන එනවා යැයි කියන විශ්වාසභංග යෝජනවක් ගැන ගැන කසු කුසුව නිසා. ශ...

Connet With Us

       Google+