අයවැයෙන් යෝජිත වූ පරිදි වතු කම්කරුවන් සදහා රුපියල් දහසේ (1000)දෛනික වැටුප ලබාදීමට පියවර ගන්නා ලෙස ජනාධිපතිවරයා විසින් කම්කරු අමාත්‍ය නිමල් සිරිපාල ද සිල්වා සහ වැවිලි අමාත්‍ය වෛද්‍ය රමේෂ් පතිරණට උපදෙස් ලබා දී තිබෙනවා.

බස්නාහිර පළාතේ පොදු ප්‍රවාහන හා පාසල් බස් රථවල රියැදුරන් සහ සහායකයින් 1,000ක පමණ පිරිසක් මේ දක්වා ක්ෂණික ප්‍රතිදේහ ජනක පරික්ෂාවට ලක්කර ඇති අතර එහිදී ඉන් තිදෙනෙකු කොවිඩ් ආසාදිතයින් ලෙස හඳුනාගත් බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ පවසයි.

අපේක්ෂිත ඉලක්ක අබිබවා යමින් පසුගිය වසරේදී (2020) මෙරට සමස්ත භාණ්ඩ හා සේවා අපනයන ආදායම ඇමරිකානු ඩොලර් බිලියන 9.9ක් (රුපියල් කෝටි එක්ලක්ෂ අසූ අටදාස් එකසීය) ඉක්මවා සටහන් වී ඇත.

අධ්‍යයන පොදු සහතික පත්‍ර සාමාන්‍ය පෙළ විභාගයේ උත්තර පත්‍ර පරීක්ෂකවරුන් තෝරා ගැනීම සඳහා අයදුම් පත්‍ර කැඳවීම ආරම්භකර තිබේන බව විභාග දෙපාර්තමේන්තුව නිවේදනය කරනවා.

ඉන්ධන මිළ සංශෝධනයක් කරන මෙන් බලශක්ති අමාත්‍ය උදය ගම්මන්පිල ඉදිරිපත්කළ ඇමැති මණ්ඩල යෝජනාවට ජනාධිපති ගෝඨාභය රාජපක්ෂ ඇතුළු ඇමැති මණ්ඩලය ප්‍රතික්ෂේප කර තිබෙනවා.

ඉන්දීය ධීවරයින් නීති විරෝධීව මෙරට මුහුදු සීමාවට ඇතුළුවීම වැළැක්වීම සඳහා නිර්දේශ ඉදිරිපත් කිරීමට ධීවර හා ජලජ සම්පත් අමාත්‍ය ඩග්ලස් දේවානන්ද විසින් ත්‍රිපුද්ගල කමිටුවක් පත්කර ඇති බව වාර්තා වේ.

චම්පික රණවක 2024 ජනාධිපතිවරණ අපේක්ෂකයා වීමේ පරම පවිත්‍ර චේතනාවෙන් ආරම්බ කළ 43 සේනාංකයේ මංගල සමුළුව පසුගියදා පැවැත්වීමට කටයුතු කළද අද දින සමගි ජන බලවේගය හා එක් වී දේශපාලන කටයුතු කිරීමට එකඟ වී තිබේ.