ඊට දින කිහිපයකට පසුව කියුබාවේ වෙරළට ගොඩ බැස බ්‍රසීලයේ ස්වදේශිකයන් Y හැඩැති ලී පයිප්ප වලින් දුම්කොළ පානය කර අඩසිහියෙන් සිටින හැටි නිරීක්ෂණය කළහ. මීට කලින් දිනක විසිකළ කොළ වර්ගයේ වටිනාකම කොලොම්බස්ට වැටහුනේ එවිටය.

ස්වදේශිකයන් දුම්කොළ මත්ද්‍රව්‍යක් ලෙස භාවිතා නොකළහ.ඔවුන් භාණ්ඩ හුවමාරුව සදහා දුම්කොළ බහුලව භාවිතා කළහ. එය එක්තරා ආකාරයක මුදල් ක්‍රමයක් වීමට පුලුවන. ස්වදේශිකයෝ තම ජීවිතයේ විවිධ අවස්ථා සැමරීම සදහා මෙය භාවිතා කළහ. කුඩා ළමයි පවා දුම්කොළ පානය කළහ. බොහෝවිට ගෝත්‍රයේ මන්ත්‍රාචාර්යවරයා විසින් දුම්කොළ දත්කැක්කුම, උණ හිසරදය, සෙම්ප්‍රතිශ්‍යාව,කැස්ස ඇතුලු බොහෝ රෝගවලට බෙහෙතක් ලෙස හා තවත් කටයුතු රාශියකට භවිතා කළේය. දුම්කොළ ඔවුන්ගේ දෙවියන් විසින් දෙන ලද තෑග්ගක් බවත් ඒවා පානය කිරීමෙන් තම සිතිවිලි හා යාතිකා දෙව්ලොව කරා යැවිය හැකි බවත් ඔවුහු විශ්වාස කළහ.

ඉන් පසු කාලයේ දුම්කොළ යුරෝපය පුරා වේගයෙන් පැතිරී ගියේය. 15-16වෙනි ශතවර්ශවලදී සුලු හන්දිපත් රුදාවේ සිට මහා වසංගත දක්වා සියලුම ලෙඩ රෝග සදහා බෙහෙතක් ලෙස දුම්කොළ යොදාගත් බව සදහන්ය. ඒ පිලිබදව පොත් පත් දුසිම් ගනන් ලියැවින. පෘතුගාලයේ ප්‍රංශ තානාපති Jean Nicot 1560 දී දුම්කොළ වල nicotaine ඇතිබව සොයාගන්නා ලදී. එය බොහෝ ලෙඩරෝග වලට එරෙහිව යොදා ගතහැකි බව සොයාගත්තේය. "දුම්කොළ වගේ වෙන කිසිම දෙයක් මේ ලෝකයේ නොමැත. එය ඔබගේ මොලය පිරිසිදු කරයි, ආතමයට මග පෙන්වයි. දුම්කොළ භාවිතා නොකරන්නෙක් ජීවත්වීම නොවටියි" යන්න එකල පොදු මතයවිය.

Sir John Hawkins විසින් 1565දී ෆ්ලොරිඩාවට කළ සංචාරයකින් අනතුරුව එංගලන්තයට දුම්කොළ හදුන්වාදුන්නේය. Nicotiana rustica හා Nicotiana tabacum යන දුම්කොළ වර්ග දෙක ප්‍රධාන වශයෙන් එංගලන්තයේ උද්භිද උද්‍යානවල, ඉතා කුතුහලයෙන් පසුවූ විද්‍යාඥයන් විසින් ඉතා පරෙස්සමෙන් වගාකළහ.

ඖෂධීය ගුණාංග මෙන්ම ඉතාම අහිතකර රසායනිකයන් රාශියක් අඩංගු දුම්කොළ නූතනයේදී බහුලව මත්ද්‍රව්‍යක් ලෙසින් භාවිතා කරන අතර පෙනහළු පිලිකා, මුඛ පිලිකා. හදවත් රෝග ඇතුලු මාරාන්තික රෝග ගනනාවකට වගකිවයුතුය. වගාබිම් නිසරු කරන ශාඛයක් ලෙසින් ද දුම්කොළ හැදින්වෙයි. දුම්කොළ ලෝකයපුරා මහාපරිමාණයෙන් වගාකරන්නේ එයට තියෙන අධික ඉල්ලුම හා ලැබෙන මිල නිසයි.

උපුටා ගැනීම - Dinudaya Weerasekara
linkedin.com

වැඩි විස්තර සදහා පහත සැබැඳි බලන්න-

■ History_of_tobacco
https://en.wikipedia.org/wiki/History_of_tobacco

■ tobacco-the-early-history-of-a-new-world-crop
http://www.nps.gov/…/tobacco-the-early-history-of-a-new-wor…

■ Tobacco
https://en.wikipedia.org/wiki/Tobacco

■ Types of tobacco
https://en.wikipedia.org/wiki/Types_of_tobacco

■ GROWING YOUR OWN TOBACCO
http://www.tobaccoseed.co.uk/Growing_Tobacco.html

■ How to grow and process tobacco at home for personal use

http://www.howtogrowtobacco.com/