ශක්තිමත් මිනිසා යන තේරුම් සහිත Bahubali වීර කාව්‍ය තේමාවක් රැගත් චිත්‍රපටයකි.
තෙලිඟු සහ දමිළ භාෂාවෙන් නිර්මාණය කර ඇති මෙම චිත්‍රපටය අධ්‍යක්ෂණය කරනු ලැබ ඇත්තේ එස් එස් රාජමොලි විසිනි. ඔහු පවසන පරිදි මෙම චිත්‍රපටය සඳහා ඇමරිකානු ඩොලර් මිලියන 39 ක මුදලක් වැය වී ඇත.
Bahubali චිත්‍රපටය හොලිවුඩ් චිත්‍රපට අධ්‍යක්ෂ සැක් ස්නිඩර්ගේ යුධ කතා තේමාවක් රැගත් '300' චිත්‍රපටයේ අනුකරණයක් බව පැවසේ.
කොටස් දෙකකින් යුතු මෙම චිත්‍රපටයේ දෙවන කොටස ප්‍රදර්ශනය ආරම්භ කරන දිනය මෙතෙක් ප්‍රකාශ වී නොමැත.
මෙම චිත්‍රපටය සඳහා තෙලිඟු සිනමා තරු වන ප්‍රභා,රනා දග්ගුබටි, තමන්නා සහ අනුෂ්කා ශෙට්ටි රංගනයෙන් දායක වී ඇත.
