ඇත්තටම අපිව අපිටම අමතක වෙන්න මිනිස් සබඳතා පිළිබඳ හැගීමක් නැතිවෙන්න බලපාන බොහෝ හේතු කාරණා තියෙනවා. ඒත් පවතින තත්ත්වයට අභියෝග කරමින් ලෝකයට අලුත් ආදර්ශ සපයන මිනිස්සු තාමත් ලෝකයේ ජීවත්වෙන බව අමතක කරන්න එපා.
තමන්ගෙ මිණිබිරිය වෙනුවෙන් තමන්ගේ ජීවිතය අනතුරේ දාපු සීයා කෙනෙක් ගැන වාර්තා වෙන්නෙ ඕස්ට්‍රේලියාවෙන්. මේ සීයා තමන්ගෙ මිණිබිරිය සහ තවත් කාන්තාවන් කිහිප දෙනෙක් සමඟ සිඩ්නි නුවර දුම්රිය ස්ථානයකට එනවා.
එතැනදී තමන්ගෙ මිණිබිරිය රඳවාගෙන ආපු කරත්තය නවතා දුම්රිය ප්‍රවේශ පත්‍ර ගැනීමට උත්සහ කරනවා. ඒත් මේ සීයා දැනගෙන ඉඳලා නෑ දුම්රිය වේදිකාව තරමක් ඇලව සිටින්න නිර්මාණය කරපු එකක් බව.
දරුවා පිළිබඳ අවධානය ගිලිහෙන පළමු මොහොතේදීම දරුවා රඳවා සිටි කරත්තය ලිස්සා ගොස් දුම්රිය මාර්ගයට වැටෙනවා. තමන් අතින් සිද්ධ වූ වරද වටහාගන්න දරුවාගේ සීයා කිසිවක් නොහිතාම දුම්රිය මාර්ගයට පැන දරුවා බේරාගන්නවා.
ඒත් මේ සීයට දුම්රිය වේදිකාවට නගින එක ඉතා අපහසු වැඩක්. නමුත් තව මොහොතයි දුම්රියක් පැමිණීමට තිබෙන්නෙ. මේ සීයා දුම්රිය මාර්ගයේ ඉදිරියට දිව යනවා.
අවසානයේ දරුවගෙ වගේම මේ නිර්භීත සීයාගෙත් ජීවිත බේරෙනවා.
මේක බොහොම කුඩා සිදුවීමක් වෙන්නත් පුළුවන්. ඒත් ලෝකයට අවශ්‍ය නිර්භීත වගේම මිනිස් ජීවිතයක වටිනාකම තේරුම් ගන්න මිනිස්සු.
