අපි දන්නා පරිදි උරග වර්ගයේ සතුන් තමන්ගෙ ගොදුර අඩපණ කර සැපිමකින් තොරව ගිලිනවා. දුබලයෙක්ව ගොදුරු කරගන්න ගිහින් අමාරුවෙ වැටුණු පිඹුරෙක් ගැනයි මේ පුවත.
දකුණු අප්‍රිකාවේ අභය භූමියක මේ පිඹුර මියගිහිල්ල තියෙන්නෙ ඉත්තෑවෙක් ආහාරයට ගැනීමට නිසයි.
අපි හැමෝම දැක ඇති පරිදි ඉත්තෑවගේ ඇඟ පුරා පිහිටලා තියෙන කූරු නිසා වෙන සතෙකුට ඌට හානියක් කරන්න අමාරුයි. නමුත් පිඹුරට ගිල්ලට පස්සේ තමයි එක අවබෝධ වෙන්න අත්තේ.
පිඹුර ගිලලා තියෙන්නෙ කිලෝ ග්රෑම් 14ක පමණ ඉත්තෑවෙක් බව පැවසෙනවා . සත්වවේදීන් අනුමාන කරන පරිදි ඉත්තෑ කූරු පිඹුරගෙ ජීර්ණ පද්ධතියේ ඇනීම නිසා තමයි මේ පිඹුරා මියගොස් තිබෙන්නෙ.
පිඹුරා මිය යන්න සැබෑ හේතුව අනාවරණය වෙලා නැතත් උගේ ශරීරය කපා පරීක්ෂාකිරීමෙන් පස්සෙ පෙනී ගොස් තිබෙන්නේ විශාල ප්‍රමාණයක් ඉත්තෑ කූරු පිඹුරාගේ අභ්‍යන්තර ඉන්ද්‍රියන් වල ඇනී ඇති බවයි.
සාමාන්‍යයෙන් උරගයන්ගේ ශරීර තුල තමන්ගෙ ගොදුර අඩපණ කිරීමට වගේම ජීර්ණය කිරීම සඳහාත් රසායනික ක්‍රියාවලියක් සිදුවෙනවා. මේ හේතුව නිසාම බොහෝ උරගයන් අවධානම නොතකා ගොදුරු ගිල දැමීම සිදුකරන බව පැවසෙනවා.
