ඇබර්ටි විශ්ව විද්‍යාලයේ වෛද්‍ය කෙවින් ස්මිත් පවසන පරිදි වයසට යාමත් සමඟ ශුක්‍රාණුවල යම් යම් ගැටළු ඇතිවෙනවා වගේම විවිධ රෝගාබාධ ඇති වීමේ අවධානමකුත් පවතිනවා. ඒ නිසා ශුක්‍රාණු බැංකු පවත්වාගෙන යාම අනිවාර්ය කළ යුතු වෙනවා.
බ්‍රිතාන්‍ය පිරිමින් පියෙකු වීමේ වයස වසර කිහිපයක් තුල අවුරුදු 30 සිට 33 දක්වා ඉහල ගොස් තිබෙනවා.
පිරිමින්ට වයසට ගියත් දරුපල ලබාගැනීමේ හැකියාව ඇතත් එතුලින් අනිසි ප්‍රතිවිපාක ඇතිවිය හැකි බව වෛද්‍ය කෙවින්ගේ අදහසයි.
ඔහු ප්‍රකාශ කරන පරිදි තරුණ වයසේදී ශුක්‍රාණු ආරක්ෂිතව තැන්පත් කිරීමෙන් පසු පසුකලකදී ඒවා අවශ්‍ය නම් නැවත ලබාගැනීමේ හැකියාව පවතිනවා.
නමුත් මෙම මතය සම්බන්ධයෙන් විවිධ විවේචනද එල්ල වෙමින් පවතියි. බ්‍රිතාන්‍ය දරුපල පිළිබඳ සංගමයේ මහාචාර්ය ඇඩම් බැලෙන් පවසන්නේ මේ ආකාරයට නැවත ගැනීමේ අරමුණින් ශුක්‍රාණු තැන්පත් කිරීම හරහා ප්‍රජනනය කෘතිම ක්‍රියාවලියක් බවට පත්වන බවයි.
එසේම නැවුම් ශුක්‍රාණු සමඟ සැසදීමේදී ශීතකළ ශුක්‍රාණු සරුබාවය අතින් පහළ මට්ටමක පවතින බව ඔහුගේ මතයයි.
