ආණ්ඩුව විසුරුව හැරීම තවත් දිගු කාලයක් යන තුරු සිදු නොවන බව ශ්‍රීලනීපයට සම්බන්ධ ආරංචි මාර්ග සඳහන් කරයි. එක්සත් ජාතික පක්ෂයත් ජනතා විමුක්ති පෙරමුණත් ආණ්ඩුව විසුරුවා හැර වහාම මහ මැතිවරණයක් පැවැත්විය යුතු බව පවසමින් සිටි. මේ අතර මහින්ද පාර්ශවයද මහ මැතිවරණයක් පැවැත්විය යුතු බවට මත පළ කරමින් ඇත.
ඉදිරියේදී කොට්ඨාස ක්‍රමය පදනම් කර ගත් මිශ්‍ර මැතිවරණ ක්‍රමයක් යටතේ මැතිවරණයක් පවත්වා පළාත් පාලන අායතනවල සභිකයින් තෝරා පත්කර ගැනීමට හැකියාව අැති බව රජයේ ප්‍රවෘත්ති දෙපාර්තමේන්තුවේ අද (14) පැවැති කැබිනට් තීරණ දැනුම්දීමේ මාධ්‍ය හමුවේදී කැබිනට් ප්‍රකාශක රාජිත සේනාරත්න මහතා පැවසුවේය.
නව මැතිවරණ ක්‍රමයක් වෙනුවෙන් කැබිනට් අනු කමිටුව වැඩ අරඹයි
නව මැතිවරණ ක්‍රමය සම්බන්ධයෙන් දේශපාලන පක්ෂවලින් ඉදිරිපත් වී ඇති සංශෝධන සම්බන්ධයෙන් යළි සලකා බැලීමට පත් කෙරුණු කැබිනට් අනු කමිටුව අද(14) පළමු වරට රැස්වේ. දේශපාලන පක්ෂවලින් ඉදිරිපත් වූ සංශෝධන සම්බන්ධයෙන් මෙහිදී දීර්ඝ ලෙස සාකච්ඡා කරන බව එම කමිටුවේ සාමාජික අමාත්‍ය ලක්ෂ්මන් කිරිඇල්ල මහතා ප්‍රකාශ කළේය.
රාජපක්ෂ අාණ්ඩුවේ ඉදිකිරීම්, ඉංජිනේරු සේවා, නිවාස හා පොදු පහසුකම් අමාත්‍ය ධුරය දැරූ විමල් වීරවංශ මහතා ඔහුගේ ඥාතීන් පිරිසකට මත්තේගොඩ සහ කහතුඩුව ප්‍රදේශවල ඉදිකළ සුඛෝපභෝගී නිවාස ව්‍යාපෘතිවලින් රුපියල් මිලියන 71 ක් වටිනා නිවාස 06 ක් අඩු වටිනාකම් තක්සේරුවකට ලබාදීම පිළිබඳ කරුණු අනාවරණය කරගෙන අැති බව නිවාස හා සමෘද්ධි අමාත්‍යාංශ යටතේ පවතින සීමාසහිත ඕෂන් වීව් ඩිවලොප්මන්ට් සමාගමේ සභාපති පූර්ණ චන්දන සිල්වා මහතා පවසයි .ඔහු මෙසේ පැවසුවේ, නිවාස සහ සමෘද්ධි අමාත්‍යාංශයේ ඊයේ (13) පැවති ප්‍රවෘත්ති සාකච්ඡාවකට සහභාගි වෙමින්ය.
කාන්තා පාර්ලිමේන්තු නියෝජනය වැඩි කරන්න-කාන්තා සංවිධාන
නව මැතිවරණ සංශෝධන යටතේ ප‍්‍රමාණවත් කාන්තා පාර්ලිමේන්තු නියෝජනයක් සහතික නොකර තිබීම සම්බන්ධයෙන් මෙරට කාන්තා සංවිධාන කණස්සල්ල පල කරයි.
හිටපු ආරක්ෂක ලේකම්වරයා විසින් ඉදිරිපත් කළ පෙත්සම විභාගයට ගෙන අවසන් වන තුරු ඔහු අත්අඩංගුවට ගැනීම වළක්වමින් ශ්‍රේෂ්ඨාධිකරණය විසින් ඊයේ (13) අතුරු තහනම් නියෝගයක් නිකුත් කළේය.
ඉන්දු - ඔස්‌ට්‍රේ‍ලියානු භූ තලය ආශ්‍රිතව නිර්මාණය වී තිබෙන අස්‌ථායි භූ තල විභේදන කලාපය හේතුවෙන් ඉදිරියේ දී ශ්‍රී ලංකාවේ දැවැන්ත භූ කම්පන සිදුවීමේ අවදානමක් පවතින බව භූ විද්‍යාඥ මහාචාර්ය සී. බී. දිසානායක මහතා මාධ්‍යවෙත පවසා තිබේ.
නීති විරෝධී ලෙස රඳවාගෙන සිටි අලි පැටවුන් 15 දෙනෙකු පමණ මේ වන විට වනජීවී දෙපාර්තමේන්තුව භාරයට ගෙන තිබෙන බව වනජීවී අධ්‍යක්ෂ ජනරාල් එච්. ඩී. රත්නායක මහතා සඳහන් කරයි.
