ඊයේ පැවති මැතිවරණයේ නිල නොවන ප්‍රතිපල විමර්ශනය කිරීමේදී ජාතික ලැයිස්තු මන්ත්‍රී ධුර ද සහිතව එක්සත් ජාතික පක්ෂයට මන්ත්‍රී ආසන 106ක් ලැබීමට නියමිතය.
ඒ අනුව එක්සත් ජනතා නිදහස් සන්ධානයට මන්ත්‍රී ආසන 94ක් හිමිවීමට ඉඩ තිබේ.
අගෝස්තු 17 වැනි දා ඡන්දය ජයග්‍රහණය කළ එක්සත් ජාතික පක්ෂයේ නායක රනිල් වික්‍රමසිංහ මහතා අද පස්වරුවේ ජනාධිපති ලේකම් කාර්යාලයයේ දී මෛත්‍රීපාල ජනපති ඉදිරියේ නව අගමැති වශයෙන් දිවුරුම් දීමට නියමිතය.
රනිල්ව පන්නන්න බලා සිටි ජනපති කාර්යාලයේ කුමන්ත්‍රණකරුවෝ පරාජය වෙති !
මෙවර මහ මැතිවරණයෙන් එක්සත් ජාතික පක්ෂය පරාජයට පත් කර එජාප නායක රනිල් වික්‍රමසිංහව පක්ෂ නායකත්වයෙන් ඉවත් කිරීම සඳහා ජනාධිපති මෛත්‍රීපාල සිරිසේන වටා කැ‍රැකෙමින් සිටින කුමන්ත්‍රනකරුවන් කිහිප දෙනෙකු ගත් උත්සාහය පරාජයට පත් කිරීම සඳහා එක්සත් ජාතික පක්ෂයේ ඡන්ද දායකයන් සමත් වී ඇත.මහ මැතිවරණයෙන් මේවන විට එජාපය වැඩි ආසන සංඛ්‍යාවක් ලබා ආණ්ඩුවක් ඵි‍ටුවීම සඳහා වැඩි සුදුසුකම් සපුරා තිබේ.
තමන් පරාජය භාරගන්න බව කුරුනෑගල දිස්ත්‍රික් පාර්ලිමේන්තු මන්ත්‍රී අපේක්ෂක මහින්ද රාජපක්ස ලෝකප්‍රකට AFP පුවත් සේවයට පවසා තිබේ. ඔවුන් සිය නිල Twitter ගිණුමෙන් මේ බව දන්වා තිබේ.
පාර්ලිමේන්තුවේ දී විපක්ෂයේ සාමාජිකයෙකු ලෙස වැඩ කරන බව ද ඔහු පවසයි.
‘අගමැති වීමේ මගේ සිහිනය බොඳ වී ගියා. අපි පරාජය පිළිගන්නවා. අපි හොඳ සටහනක් දුන්නා.‘
බදුල්ල දිස්ත්‍රිකයේ සියලුම ආසන (මහියංගනය,වියලුව,පස්සර,බදුල්ල,හාලිඇල, ඌව පරණගම,වැලිමඩ,බණ්ඩාරවෙල,හපුතලේ) වල බලය එක්සත් ජාතික පක්ෂය විසින් දිනාගෙන ඇති ඇතැයි වාර්තා වේ.
නිල නොවන ප්‍රතිඵල අනුව දිස්ත්‍රික්ක 10ක් එක්සත් ජාතික පක්ෂය විසින් ද ,දිස්ත්‍රික්ක 9ක් එක්සත් ජනතා නිදහස් සන්ධානය විසින් ද දිනා ගැනීමට සමත්ව සිටින බව වාර්තා වේ.
මේ වන විට ලැබී තිබෙන නිල හා නිල නොවන ඡන්ද ප්‍රතිපලයන් අනුව එක්සත් ජාතික පක්ෂය ඉදිරියෙන් සිටින බව මැතිවරණ නිරීක්ෂකයන් පවසති.
ටී බි ගේ පැමිණිල්ලකට ජනාධිපති මාධ්‍ය අධ්‍යක්ෂකගේ ගෙදරට පොලීසිය පනී
ජනාධිපති මාධ්‍ය අංශයේ අංශ ප්‍රධානියාගේ නිවස ඊයේ දිනයේදී (16) පොලීසිය විසින් පරීක්ෂා කර ඇති බව වාර්තා වේ. ඒ එක්සත් ජනතා නිදහස් සන්ධාන විසින් සිදුකරන ලද බොරු පැමිණිල්ලක් හේතුවෙනි.
