අධ්යාපන අමාත්යවරයා වන අඛිල විරාජ් කාරියවසම් නැමැති සාමාන්ය දැනීමක් නොමැති අමාත්යවරයා විසින් සිදුකරන ලද ප්රකාශයක් දැඩිලෙස විවේචනයට ලක්කරමින් ලංකා ගුරු සංගමය ප්රකාශකරන්නේ සිසුන්ගේ මානුෂීය ප්රශ්න සදහා මීට වඩා සංවේදීව කටයුතු කරන ලෙසයි. මවට HIV ඒඩ්ස් රෝගය වැළදී ඇතැයි යන කටකතාව නිසා පාසලට ඇතුලත්වීමේ වරම් අහිමිවූ කුලියාපිටියේ සිසුවා වෙන්කොට තබා පුනුරුත්ථාපනය කලයුතු බවට අධ්යාපන අමාත්යවරයා විසින් සිදුකරන ලද ප්රකාශය මෙලෙස දැඩි දෝෂ දර්ශනයට තුඩුදී ඇත.
පසුගියදා බී.බී.සී සංදේශය සමග කරන ලද සාකච්ඡාවකදී අමාත්යවරයා ප්රකාශකර ඇත්තේ අදාල දරුවා මවගෙන් සහ පාසලෙන් වෙන්කර පුනුරුත්ථාපනය කල යුතුබවට කලාප අධ්යාපන අධ්යක්ෂකවරයාට තමන් උපදෙස් ලබාදුන් බවයි.
එවැනි නින්දිත සහ අධම නියෝග ලබාදෙන්නේ අදාල රෝගය සහ එහි පැතිරයාම සම්බන්ධව අවම හෝ අවබෝධයක් නැති පුද්ගලයෙක් මිස අන් කිසිවෙක් නොවේය. මේ පිළිබද ලංකා ගුරු සංගමයේ ලේකම් ජෝශප් ස්ටාර්ලින් කියා සිටියේ ඇමැතිවරයා මේ ප්රශ්නය සම්බන්ධව මීට වඩා සංවේදීව අවධානය යොමුකල යුතු බවයි.
එසේම කිසිවිටක දරුවා මවගෙන් වෙන්කිරීම නොකළ යුතු බවත්, එසේ කිරීමට අමාත්යවරයාට හෝ අධ්යාපන අධ්යක්ෂකවරයාට කිසිදු අයිතියක් නොමැති බවද ඔහු වැඩිදුරටත් කියා සිටියි.
“අධ්යාපන අමාත්යවරයා කොහොමද හරියටම කියන්නේ දරුවාගේ මවට HIV ඒඩ්ස් වැලදිලා කියලා. එයා ගිහින් පරික්ෂාකරලා බැලුවද? තාත්තා කෙනෙක් විදිහට අධ්යාපන අමාත්යවරයා දැනගන්න ඕන සේරම දෙමව්පියෝ තමන්ගේ දරුවන්ට ආදරෙයි කියලා. මෙහෙම අධම ප්රකාශකරන එක එච්චර හොද ආදර්ශයක් නෙවෙයි තමන්ගේ තනතුරට“
ගුරු සංගමයේ ලේකම් ස්ටාලින් මහතා මේ පිළිබදව එලෙසින්ද අදහස් දක්වා සිටියහ. මෙම ප්රශ්නය සදහා මේ වනවිට ජනපතිවරයාද මැදිහත්වී ඇති අතර ආදි ශිෂ්ය සංගමයේ පෙළඹවීම මත මහනුවර ප්රදේශයේ පාසලක් අදාල දරුවාට තම විද්යාලයේ ඉඩ වෙන්කර දීමට සූදානම් බවයි.
පාතාල කල්ලි නැවතත් සක්රීයවී ඇත. කාගේ වුවමනාවට සිදුවෙනවාදැයි නොතේරෙන තරමට තැන තැන මිනීමැරුම් සහ අතපය කැපිලි වර්ධනයවී ඇත. රටේම අවධානය නැවතත් පාතාලයේ හිස එසවීම දෙසට යොමුවෙද්දී ආණ්ඩුව තමවත් තක්බීර්වී සිටින්නේ කලයුත්තේ කුමක්ද කියා නොදැනය. එ.ජා.ප ආණ්ඩු මර්දනයන් පිළිබද නොදන්නා අතදරුවන් ලෙස පස්ස කසමින් මේ මොහොතේ සිටියත් උතුරේ දකුණේ වෙනසක් නැතිව දහස් ගණනක් ජීවිත නසා දැමූ ජන ඝාතනවලට එ.ජා.ප ආණ්ඩුවද සෘජු හා වක්රලෙස සම්බන්ධය. ඒ නිසා දැන් බබා පාර්ට් දාගෙන පැත්තකට වී සිටියාට පලක් නැත.
මේ ආකාරයට පාතාලය නැගී සිටීම හමුවේ ජනතාව සිතනා ආකාරය දෙවිදිහකට උපකල්පනය කල හැක. එක් ආකාරයක්නම් ජනතාවගේ පරිකල්පනය වන්නේ යහපාලන ආණ්ඩුවට පාතාලය මට්ටු කිරීමට තරම් කොන්දක් නැත, එමෙන්ම ජනාධිපතිවරයාට සද්දයක් දමා පාතාලය බයකරගැනීමට ගැම්මක් නැත යන්නය. අනෙක් උපකල්පනයනම් මහින්ද රාජපක්ෂ ජනාධිපතිව සිටියදී පාතාලයට උන්හිටිතැන් නැතිවෙන්නට බැට දුන්බවත්, දැන් මහින්ද නැති නිසා පාතාලය හිස ඔසවන බවත්ය. ඒ නිසා සරලම උපකල්පනය පාතාලය හිස එසවීම නිසා වක්රාකාරව මහින්දට වාසියක් ලැබෙන සාධකයක් බවයි. හරියටම “කොටි නැගිටීමේ“ බිල්ලා ලෙසින්ම පාතාලය නැගිටීමේ බිල්ලා භාවිතා කරන්නට විමල්ලාට,ගම්මන්පිලලාට,දිනේෂ්ලාට නොමිලේම චාන්ස් එකක් ලැබෙනු ඇත. ඒ නිසා මේ පාතාලය නැගිටීමේ සිදුවීම්දාමය ආණ්ඩුවේ ආරක්ෂණ ක්රමවේදයේ අසමත්භාවය පිළිබද සැකයක් මෙන්ම මහින්දලාගේ සැලසුමක් ද යන සැකයත් ද්විත්වාකාරයෙන් මතුවෙන අවස්ථාවක් ලෙස හදුනාගත හැක.
2007 සිට 2012 ඇතුලත කාල පරිච්ඡේදය මහින්දවාදීන්ට අනුව පාතාලය කම්බස්කල කාලසීමාවක් ලෙස හැදින්වේ.ඒත් මහින්ද කලේ තමන්ට පසමිතුරු පාතාලය සහ හිතමිතුරු එහෙත් අනාගතයේ ප්රශ්නයක් විය හැකියැයි සිතූ පාතාලය විනාශ කිරීම සහ එසේ නොවන කොටසට පාඩුවේ සිටින්නට හැරීමය. ඒ සමාව ලැබූ පාතාලය එක්කෝ නිල නොලත් ආරක්ෂකයන් බවට පත්වීය, නැතිනම් දේශපාලනයට හෝ ව්යාපාරවලට අත ගැසූහ. මහින්ද බලයෙන් පහවුණ පසු නන්නත්තාරවී සිටින ඔවුන් දැන් කලඑළි බැස තිබෙන්නේ මහින්ද වෙනුවෙන්ද යන සාධාරණ සැකයක් ඇතිවීම වැලැක්විය නොහැකිය.
ගාල්ල නගර ආසන්නයේ කලක පටන් පත්තුවෙන පතාලයේ ගැටුම පිටුපස සිටින්නේද බලය අහිමිවූ දේශපාලන බලවතෙක් සහ බල්ටි ගැසූ දේශපාලඥයෙක් බව ප්රකට කරුණකි. අනුරාධපුරයේ පාතාලය පණ ගසාඑමින් කරාටේ වසන්ත ඝාතනය කරද්දී එය පිටුපස සිටින්නේද බංකොලොත් දේශපාලන චරිතයකි. පසුගිය දිනවල සිදුවූ සිදුවීම් දෙස විමර්ශණාත්මකව බලද්දී එවැනිම චරිත බොහෝ ප්රමාණයක් සොයාගත හැකි බව සහතිකය. ඒ නිසා පාතාලය නැගී සිටීම දේශපාලනික සටන් පාඨයක් බවට පත්කරගැනීමේ වුවමනාවක් ඇති පිරිසක් සිටින බව අමතක කලයුතු නැත.
හෙට විපක්ෂයේ වේදිකාවල “කොටි නැගිටිනවා“ වෙනුවට “පාතාලය නැගිටිනවා“ ඇසෙනවා හොදටම විශ්වාසය. ඒ තුළින් නැවත මහින්ද රාජපක්ෂ බංකොලොත් විපක්ෂයේ කාඩ්බෝඩ් චරිත කිහිපය සමග නැවත බලය උදුරාගැනීමට මුට්ටිය දමා බැලීම නිසැකය. ඒ නිසාවෙන් පාතාලයේ මේ ක්රියාකාරකම් මහින්දගේ දේශපාලන බලය නැවත ලගාකරගැනීමේ ප්රයත්නයේ කොටසක් නොවේයැයි කාහට තර්කකල හැකිද. අනිත් පැත්තෙන් වත්මන් ආණ්ඩුවේ දියාරු වැඩපිළිවෙල නිසා පාතාලයේ නැවත නැගීසිටීමට නිසි පිළිතුරක් ලබාදීමට නොහැකිව ඇත. විශේෂයෙන්ම පාතාලයට එරෙහිව ක්රියාත්මකවූ පෑලියගොඩ අපරාධ කොට්ටාශය, මිරිහාන විශේෂ විමර්ශණ ඒකකය, කොළඹ අපරාධ කොට්ටාශය වැනි ආයතන සම්පූර්ණයෙන්ම කඩාවැටී ඇති අතර ඒවා නැවත සක්රීය කිරීමට තවමත් ආණ්ඩුවේ සූදානමක් නැත.
දැනගන්නට ලැබී ඇති පරිදි පාතාල කල්ලි 15ක් පමණ නැවත සක්රීයව ඇත. කොළඹ, මිගමුව, ගාල්ල, තංගල්ල, වීරකැටිය වැනි ප්රදේශවල ඒවා දැඩිලෙස ක්රියාත්මක වෙයි. අනිත් පැත්තෙන් ඉස්ලාමීය අන්තවාදී කල්ලි කාතන්කුඩි,සමන්තුරේ සහ කන්තලේ යන ප්රදේශවල නිදැල්ලේ හැසිරෙන තත්ත්වයක් උද්ගතව ඇත. පොලීසිය තුල දක්ෂ නිලධාරීන් ඒවා මර්දනය සදහා යොදවා ඇත. ආණ්ඩුව හොරුන්ට එරෙහිව කටයුතු කරනා උදාසීන සහ මෙගාඩීල් මානසිකත්වයෙන්ම පාතාලයටද උත්තර දෙන අයුරු පෙනෙන්නට ඇත. ඒ නිසාවෙන් පාතාලය සාධකයක් කරගෙන දේශපාලන ගමන හදාගන්නට දගලන ඇත්තන්ට එරෙහිවද කණේ පාරක් දෙන්නට ඇති අවස්ථාව ආණ්ඩුව අහිමිකරගෙන ඇත.
විශ්වවිද්යාල අධ්යාපන සහ මහමාර්ග ඇමැති ලක්ෂමන් කිරිඇල්ල කටඇරියොත් කතා කරන්නේ යහපාලනය ගැනය. නමුත් ඉතිහාසයේ පළමුවෙනි වතාවට එළිපිට තමන්ගේ පුද්ගලික හැඳුනුම්කමක් ඇති පුද්ගලයෙක්ට කථිකාචාර්ය තනතුරක් ලබාදෙන ලෙස අංශාධිපතිවරයෙක්ට රාජකාරී ලිපියක් යවන්නට තරම් කිරිඇල්ල පත්වතිබීම තුළින් කිරිඇල්ලලාගේ යහපාලනය රෙද්ද පල්ලෙන් බේරෙන තත්ත්වයක් උද්ගතවී ඇත.
පසුගිය රජය පැවති සමයේ දී එවකට විපක්ෂ නායක ලෙස කටයුතු කළ රනිල් වික්රමසිංහ මහතා පාර්ලිමේන්තුවේ දී හා මහජන රැස්වීම් වල දී පැහැදිලිවම සඳහන් කළේ කොළඹ වරාය නගර ව්යාපෘතිය නීති විරෝධී හා හානිකර ව්යාපෘතියක් බවත් එහි දී සිදු වී ඇති ගණු දෙණු හා චීන සමාගම සමඟ ඇති කර ගත් ගිවිසුම් නීති විරෝධී වන බවත් යග එපමණක් නොව එක්සත් ජාතික පක්ෂ රජයක් පිහිට වූ පසුව වරාය නගර ව්යාපෘතිය සම්පූර්ණයෙන්ම නතර කරන බව ද ඔහු පවසා සිටියේය.
අසංක සායක්කාරගේ නිර්මාණයක් වන සංඝදාසගේ චූටි කලිසම නාට්යයේ විශේෂ දර්ශනයක් 2016 මාර්තු 5 දිනයේ බොරැල්ල නාමෙල් මාලනී පුංචි තියටර්හිදී වේදිකාගත වෙයි. 3.30 සහ 7.00 දර්ශනවාර දෙකක් ලෙසින් සවිධානය කර ඇති මෙම විශේෂ නාට්ය දර්ශනවාරය ශ්රී ලංකා තරුණ ජනමාධ්යවේදීන්ගේ සංගමය විසින් සංවිධානය කර ඇත.
උඩුවේ අලියා ගෙනාපු හැටි - මාධ්යවේදී සජීව විජේවීරගේ හෙලිදරව්ව
මේක සෑහෙන්න දිග කතාවක්. වර්ෂය 2005 ඉමදුව නගරයේ ධර්ම දේශනයක් සංවිධානය කළා. එයට ආපු ප්රධාන හිමියන් උඩුවේ ධම්මාලෝක හාමුදුරුවෝ. මට මතකයි උන්වහන්සේ පිළිගන්න තැන සිට ඉමදුව නගරයට පෙරහැරකින් වඩම්මවාගෙන යන පාර සරසන්න මම බෞද්ධ කොඩි හොයන්න සෑහෙන්න මහන්සි වුණා. එදා මම සැදැහැවත් බෞද්ධයෙක් විදියට මේ අවස්ථාවට සහභාගී වුණේ මා ඉතා ගරු කළ, ඇළුම් කළ උඩුවේ ධම්මාලෝක හිමියන් වෙනුවෙන් උපන් දැඩි ගෞරවයකින්.
ධීවර හා ජලජ සම්පත් ඇමැති මහින්ද අමරවෙර මහතාගේ පෞද්ගලික ලෙකම් ලෙස කටයුතු කරන ජී.ජි.කේ ගාමිණී නැමැත්තා විසින් අමාතයංශයට තම හිතවතුන් හා හිතවතියන් 13 දෙනෙකු නිතිවිරෝධී ලෙස අනුයුක්ත කරගනිමින් වැඩි සැලකිලි ලබා දෙන බව ධීවර අමාත්යංශ ආරංචි මාර්ග පවසයි.
ලංකා ධීවර වරාය නිතිගත සංස්ථාවේ සේවයෙහි නිරතව සිටි මෙම පිරිස අමාත්ය මණ්ඩලයේ අනුමැතියකින් ද තොරව මෙලෙස අනුයුක්ත කරගෙන ඇත. එසේ අනුමැතියකින් තොරව අනුයුක්ත කරගැනීම ආයතනික නීතිරීති අනුවද බරපතල වරදක් ලෙස දැක්විය හැක. එසේම යහපාලන ආණ්ඩුව බිහිවීමෙන් පසුව 2015 වසරේ ජනවාරි මාසයේ සිට මෙලෙස කටයුතු කර ඇති බවද දැනගන්නට ලැබේ. මොවුන්ගේ වැටුප් අතිකාල දීමනා ගෙවීම් ධීවර වරාය නිතිගත සංස්ථාව මඟින් සිදු කරනු ලබන නමුත් මේ සේවක සෙවිකාවන් අමාත්යංශයේ සේවය කරන බවට පැමිණිමේ නාමලේඛනද සාක්ෂි දරයි. එහෙත් පෞද්ගලික ලෙකම්වරයා විසින් නිතිපතා අතිකාල ලකුණුකර ඒවා ගෙවන ලෙසට අනුමත කර තිබීම බරපතල තත්ත්වයකි.
මෙහිදී මෙම සේවක සෙවිකාවන් වෙත වැටුපට අමතරව අතිකාල විශාල ප්රාමාණයක් ලබාදිම මෙම ලේකම්වරයා විසින් සිදු කොට තිබේ. ඇතැම් සේවිකාවන්ට මාසයකට අතිකාල පැය 170කට වඩා ඉහල ප්රමාණයක් ලබා දී ඇත,ඒ අතර සෙනසුරාදා හා ඉරිදා දිනයන්ද ඇතුළුව පොහොය දිනවල රාජකාරි කල බ මේ අතිකාල සටහන් වල සඳහන්ය.
කෙසේ නමුත් මේ වන විට විගණකාධිපති දෙපාර්තමේන්තුව මේ සම්බන්දයෙන් පරීක්ෂණයක් සිදු කරමින් තිබේ.
මහින්ද අමරවීර ඇමැතිවරයා යහපාලනය උදාකර දීම සඳහා දැඩි දේශපාලන සටනක නිරතව සිටියදි ඔහුගේ පෞඅද්ගලික ලේකම් වරයා මෙලෙස අමැති බලතල පාවිච්චි කරමින් නිති විරෝදි ලෙස කටයුතු කිරෙමෙන් වන්නෙ ඈමතිවරයාද අවසානයේදී දූෂිතයකු ලෙස කළු පැල්ලමක් දා ගැනිම පමණය.
මේ වන විට රිමාන්ඞ් බාරයේ පසුවන කාල්ටන් ස්පෝර්ට්ස් නෙට්වක්ර් ආයනතයේ විධායක අධයක්ෂක වරයා ලෙස කටයුතු ඇමැති අර්ජුන රණතුංග මහතාගේ සොහොයුරු නිශාන්ත රණතුංග මහතාට රජයේ සාක්ෂිකරුවකු වී ප්රශ්නයෙන් නිදහස් වන ලෙස එම පවුලේ සාමාජිකයන්ගේන් බලපැම් එලා වෙමින් තිබෙන බව වාර්තාවේ.
මෙම නාලිකාව ආරම්භ කිරීම සඳහා අයථ ලෙස මුදල් යෙදුවූවාය යන චෝද්නාව ලබා සිටි හිටපු පාර්ලිමෙන්තු මන්ත්රී හා ව්යාපාරික සජින් වාස් ගුණවර්ධන මහතා මේ වන විට රජයේ සාක්ෂිකරුවකු වී සිටින අතර ඔහු සුපුරුදු ලෙස ව්යාපාරික කටයුතුවල ද නියැලි සිටී . රණතුංග පවුලේ පිරිස් පවසා ඇත්තේ සජින් වාස් මෙන් කටයුතු කර මේ ගැටළුවෙන් නිදහස වන ලෙසය. එහෙත් මේ දක්වා නිශාන්ත මහතා ඒ සඳහා කැමැත්ත පල කර නොමැත.
ඒ අතර එම මහතාට ඇප ලබා දෙන ලෙස ඉලමින් පසුගිය 18 වන දින ඇප අයදුම් පත්රයක් කොළම මහාධිකරණයට ඉදිරිපත් කිරීමටද කටයුතු කර තිබිණි. නිශාන්ත රණතුංග මහතා ඇතුලූ සි.එස්.එන් ප්රධානින් අත අඩංගුවට ගන්න ලද්දේ පසුගිය ජනවාරී 30 වන දිනය.පසුව පසුගිය 11 වන දින කඩුවෙල මහෙස්ත්රාත්වරයාගෙන් ඇප ඉලා සිටියද ඒ ප්රතික්ෂේප කෙරිණි.
