යෝශිතලා ක්‍රීඩා කරන කාලසීමාවේදී ක්‍රීඩා කළේ පවා ක්‍රීඩා නීතීන් හෝ රටේ නීතිය තුට්ටුවකට නොතකමිනි. තරඟයක් පරාජයට පත්වීනම් ඔවුන් කළේ වියරු වැටී ප්‍රේක්ෂකයින්ට පවා පහර දීමය. මිතුරෙකු වෙනුවෙන් පෙනී සිටීම වෙනම දෙයකි. බලයෙන් උමතු වී මූල්‍ය අපරාධ චෝදනාවකට ලක්ව අධිකරණ ක්‍රියාවලියක් හමුවේ පසුවන චූදිතයකු වෙනුවෙන් ක්‍රීඩාපිටියේ විකාර නැටීම වෙනම දෙයකි. එය කාගේ වුවමනාව වෙනුවෙන් කළ දෙයක්ද යන්න පරීක්සණයක් කළ යුතුව ඇත. එමෙන්ම කණ්ඩායමට අයත් නැති යමක් පැලඳ ගෙන සිටියේනම් එය කුමක්දැයි තරඟපිටියට ඒමට ප්‍රථම අදාල ක්‍රීඩකයින්ගෙන් ප්‍රශ්න කිරීමට අදාල බලදාරීන්ට හැකියාව තිබිණි. එය සිදුවූයේද නැත.
ශ්‍රී ලංකා නිදහස් පක්ෂ හිටපු පළාත් පාලන නියෝජිතයින් බහුතරය හිටපු ජනාධිපති මහින්ද රාජපක්ෂ මහතාට සහයෝගය පළ කරමින් ප්‍රකාශ නිකුත් කිරීම හේතුවෙන් අර්බුදයකට පත්ව ඇති ශ්‍රීලනිප ය පළාත් පාලන මැතිවරණය සඳහා නැවත නාමයෝජනා කැඳවන්නට තීරණය කර ඇති බව වාර්ථා වේ.
ලෝක බැංකුවේ අවශ්‍යතාවය මත 2011-2030 යන වසර තුළ රටේ භෞතික සංවර්ධනය උදෙසා මේ වනවිට රජය ජාතික භෞතික සැලසුම යනුවෙන් සංවර්ධන සැලැස්මක් සකස් කොට ඇත. මෙම සැළසුම පසුගිය ආණ්ඩුව මගින් ආරම්භ කල අතර කොටස් වශයෙන් යහපාලනය විසින් කරගන යනු ලබයි.
2030 වසර වන විට ලංකාව ලෝකයේ නාවික මධ්‍යස්ථානයක්, ගුවන් මධ්‍යස්ථානයක්, ආර්ථික මධ්‍යස්ථානයක්, බලශක්ති මධ්‍යස්ථානයක් හා අධ්‍යාපන මධ්‍යස්ථානයක් කිරීම සඳහා මෙම සැලසුම් ක‍්‍රියාත්මක වන අතර පාරිසරික මධ්‍යස්ථානයක් හෝ ගොවිතැන් මධ්‍යස්ථානයක් කරන බවට මෙහි සටහන් නොමැත.
රජයේ ව්‍යාපෘති කඩාකප්පල් කිරීම සඳහා ඇතැමුන් විසින් බොරු ප්‍රචාර ගෙන යන බව මහා නගර සහ බස්නාහිර පළාත් සංවර්ධන අමාත්‍ය පාඨලී චම්පික රණවක මහතා පවසා ඇත. ඔහු මේ බව පවසා තිබුණේ ඊයේ (8) තිඹිරිගස්යාය ප්‍රාදේශීය ලේකම් කාර්යාලයේ පැවති උත්සවයකට සහභාගී වෙමිනි.
හිටපු ජනාධිපති මහින්ද රාජපක්ෂ මහතාගේ දෙවැනි පුත් යෝෂිත රාජපක්ෂ ඇතුළු CSN ආයතනයේ මුදල් ගනුදෙනු පිළිබඳ චෝදනාවන්ට ලක්ව අත් අඩංගුවට ගත් පිරිසට ඉදිරියේදී මහාධිකරණ නඩු පැවරීමට කටයුතු කරන බව නීතිය හා සාමය පිළිබඳ අමාත්‍ය සාගල රත්නායක මහතා විශේෂ නිවේදනයක් නිකුත් කරමින් කියා සිටී.
ප්‍රජාතන්ත්‍රවාදී පක්ෂයේ නායක ෆීල්ඩ් මාර්ෂල් සරත් ෆොන්සේකා සහ එක්සත් ජාතික පක්ෂයේ නායක,අග්‍රාමාත්‍ය රනිල් වික්‍රමසිංහ මහතා අතර අවබෝධතා ගිවිසුමකට අත්සන් තැබීම මීට ස්වල්ප මොහොතකට පෙර සිදුවිය.
