වසර 4ක් තුළ මෙරට කිරිවලින් ස්වයංපෝෂිත කර කිරිපිටි ආනයනය නතර කරයි
ඉදිරි වසර හතර ඇතුළත මෙරට කිරිවලින් ස්වයංපෝෂිත කිරීමෙන් අනතුරුව කිරි පිටි ආනයනය නතර කර දියර කිරි ප්‍රචලිත කිරීමට කටයුතු කරන බව කෘෂිකර්ම අමාත්‍ය මහින්දානන්ද අලුත්ගමගේ පවසයි.
බස් රථවල ගමන් කිරීමේදී මුදල් වෙනුවට මාර්ගස්ථ පෙර ගෙවුම් කාඩ්පත් ක්‍රමයක්
බස් රථවල ගමන් කිරීමේදී මුදල් වෙනුවට මාර්ගස්ථ පෙර ගෙවුම් කාඩ් පතක් ( Transit Card ) මගින් ප්‍රවේශපත්‍ර මිලට ගැනීමට සහ ඒ වෙනුවෙන් විද්‍යුත් පද්ධතියක් ක්‍රියාත්මක කිරීමට අමාත්‍ය මණ්ඩලයේ අනුමැතිය හිමිවී ඇත.
වටිනාකම රුපියල් කෝටි 10කට අධික හෙරොයින් සහ අයිස් මත්ද්‍රව්‍ය තොගයක් සමග නුගේගොඩ ගංගොඩවිල ප්‍රදේශයේ දී සැකකරුවකු අත්අඩංගුවට ගෙන තිබේනවා.
නව ආණ්ඩුක්‍රම ව්‍යවස්ථාවෙන් ද්විත්ව පුරවැසියන්ට දේශපාලනය තහනම් - ජනාධිපති
නව ආණ්ඩුක්‍රම ව්‍යවස්ථාව සම්පාදනයෙන් පසු ද්විත්ව පුරවැසියන්ට දේශපාලනය කිරීමේ අයිතිය අහිමිකරන බවට ජනාධිපති ගෝඨාභය රාජපක්ෂ පසුගිය සැප්තැම්බර් මාසයේ දී ප්‍රතිඥාවක් ලබාදී ඇති බව අමාත්‍ය උදය ගම්මන්පිල සඳහන් කරනවා.
ස.පෙළ සදහා උපකාරක පන්ති ලබන 23 වැනිදා මධ්‍යම රාත්‍රි 12.00 සිට තහනම් !
මෙවර සාමාන්‍ය පෙළ විභාගයට අදාළව උපකාරක පන්ති, දේශන හා සම්මන්ත්‍රණ ලබන 23 වැනිදා මධ්‍යම රාත්‍රි 12.00 සිට විභාගය අවසන් වනතුරු තහනම් බව විභාග දෙපාර්තමේන්තුව ප්‍රකාශ කර තිබෙනවා.
ඒ අනුව, අදාළ විභාගයට හා සම්බන්ධ ප්‍රශ්න පත්‍ර මුද්‍රණය, ඒවා බෙදා හැරීම, පෝස්ටර්, බැනර්, අත්පත්‍රිකා , විද්‍යුත් හා මුද්‍රිත මාධ්‍ය මගින් පළ කිරීම ද ලබන 23 වැනිදා සිට තහනම් කෙරේ. එම තහනම කඩ කරන්නන්ට එරෙහිව දැඩි ක්‍රියාමාර්ග ගන්නා බවයි අමාත්‍යංශය සදහන් කරන්නේ.
මෙවර සාමාන්‍ය පෙළ විභාගය ලබන මස 01 වැනිදා සිට 10 වැනිදා දක්වා පැවැත්වීමට නියමිතයි.
-පංචාලි අබේසේකර
ඉතාලියේ සිටින ශ්‍රී ලාංකිකයින්ගේ කොන්සියුලර් අවශ්‍යතා මාර්ගගත ක්‍රමය යටතේ සිදු කිරීමට සැලසුම්කර තිබේන බව විදේශ අමාත්‍යාංශය සඳහන් කරනවා.
ඉතාලියේ සිටින ශ්‍රී ලාංකිකයින්ගේ කොන්සියුලර් අවශ්‍යතා මාර්ගගත ක්‍රමය යටතේ සිදු කිරීමට සැලසුම්කර තිබේන බව විදේශ අමාත්‍යාංශය සඳහන් කරනවා.
පැය 24ක් තුළ සියලු අවමංගල්‍ය කටයුතු අවසන් කල යුතුයි - චන්න ජයසුමන
පැය 24ක් ඇතුළත සියලුම අවමංගල්‍ය කටයුතු සිදුකර අවසන් කල යුතු බවට පියවර ගෙන ඇති බව ඖෂධ නිෂ්පාදනය සැපයීම් හා නියාමන රාජ්‍ය අමාත්‍ය, මහාචාර්ය චන්න ජයසුමන ප්‍රකාශ කර තිබේ. තවත් කරුණු කිහිපයක් සම්බන්ධයෙන් නව තීරණ ක්‍රියාත්මක කිරීමට පියවරගෙන ඇති බවයි ඔහු වැඩසටහනකට එක වෙමින් ප්‍රකාශ කර සිටියේ.
මේ පිලිබදව අදහස් දැක්වූ චන්න ජයසුමන ,
අපි තීරණයක් ගත්තා අවමංගල්‍ය කටයුතු සඳහා සහභාගීවෙන පිරිස් සඳහා යම් සීමාවක් සහ පැය 24ක් තුළ ඒ අවමංගල්‍ය කටයුතු සියල්ල නිමා කරන්න ඕනා කියන උපදෙස ලබාදීම සඳහා. ඒ වගේම තමයි මංගල උත්සව කටයුතු සඳහා සහ අනෙකුත් උත්සව ප්‍රියසම්භාෂණ කටයුතු සඳහා 150ක් දක්වා මේ වනතෙක් අවස්ථාවල ලබාදීලා තිබුණා. අපි ඒක 50ක් දක්වා නැවත අඩුකරලා තියෙනවා. නීතිමය වශයෙන් දැනුම්දීමක් කෙරේවි. විශේෂ අවධානයක් යොමුවෙලා තියෙනවා රාත්‍රී සමාජශාලා පිළිබඳව. ඒ වගේම විනෝදජනක කටයුතු සඳහා විවිධ ආකාරයේ එකතුවීම් පිළිබඳව. ඒ සඳහාත් හෙට සහ අනිද්දා දිනයේදී යම් සීමා පැනවේවි." යනුවෙන් සදහන් කර ඇත.
-පංචාලි අබේසේකර
