ශ්රී ලංකා මහ බැංකුවේ බැඳුම්කර නිකුත් කිරීමේදී ඇති වී තිබෙන ගැටලුකාරී තත්ත්වය පිළිබඳව මහ බැංකුවේ සහ ලංකා බැංකුවේ නිලධාරීන්ගෙන් ලබන 29 වැනි සිකුරාදා ප්රකාශ සටහන් කරගැනීමට නියමිතය.
කොළඹ හා ප්රධාන නගර පිරිසිදු කිරීමේ සේවය සඳහා සිවිල් ආරක්ෂක බලකාය නැවත වරක් කැඳවීමට රජය තීරණය කර තිබේ. ශ්රී ලංකා පොලීසියේ ද සහය ඊට හිමිවන බව වාර්තාවේ.
එක්සත් ජාතික පක්ෂයේ හිටපු පළාත් සභා මන්ත්රීවරුන් වන මෛත්රී ගුණරත්න සහ ශිරාල් ලක්තිලක යන මහත්වරු ජාතික පවුර නමැති අලුතින් දේශපාලන පක්ෂයක් පිහිටුවීමට කටයුතු කරමින් සිටිති.
රාජ්ය සේවකයන්ගේ දිවා භෝජන විවේකය විනාඩි තිහකට සීමා කරන මෙන් නිකුත් කර ඇති චක්රලේඛය රජය වහාම හකුළා ගත යුතු බවත් එසේ නොවුණහොත් සියලු රාජ්ය සේවකයන් ඊට එරෙහිව පෙළගස්වා වැඩවර්ජනයකට අවතීර්ණ වන බවත් ජාතික වෘත්තීය සමිති මධ්යස්ථානයේ සභාපති වසන්ත සමරසිංහ මහතා ඊයේ (26 වැනිදා) සඳහන් කළේය.
යාපනයේ කයිට්ස් පුංකුඩුතිව් හි සිවලෝගනාදන් විද්යා නැමති 17 හැවිරිදි සිසුවිය පැහැරගෙන ගොස් ලිංගික හිංසනයට ලක්කර මරා දැමුණු සැකකරුවන්ට දිය හැකි උපරිම දඬුවම් ලබාදෙන බවත්, යාපනය අධිකරණයට ගල් මුල් ප්රහාර එල්ල කළ සැකකරුවන්ටද දඬුවම් ලබාදීමට පියවර ගන්නා බව ජනපති මෛත්රීපාල සිරිසේන මහතා සඳහන් කළේය.
හිටපු ගුවන් සේවා ඇමති ෆයිසර් මුස්තාපා ජනාධිපතිවරයාගේ නීති උපදේශක ලෙස පත්කර තිබේ.
සෞඛ්ය ශ්රේණි 27ක 40,000ක් සේවයන්ට රුපියල් 1000ක දීමනාවක්(audio)
සෞඛ්ය ශ්රේණි 27ක 40,000ක් සේවයන්ට රුපියල් 1000ක දීමනාවක් ලබා දීමට සෞඛ්ය බලධාරීන්, වෘත්තීය සමිති සහ මුදල් අමාත්යවරයා අතර පැවැති සාකච්ඡාවක් දී එකගත්වය පල වී ඇත.
මූල්ය අපරාධ කොට්ඨාශය මගින් අත්අඩංගුවට ගෙන රිමාන්ඞ් භාරයට පත්කර සිටින තමන් නිදහස් කරන්නැයි හිටපු අමාත්ය බැසිල් රාජපක්ෂ මහතා ගොනුකළ මූලික අයිතිවාසිකම් පෙත්සමට අදාල ශ්රේෂ්ඨාධීකරණ විනිසුරු මඩුල්ලෙන් ඊවා වනසුන්දර මහත්මිය ඉවත් වී ඇතැයි වාර්තාවේ.