නිවසක් නැතිව උපන් බිමෙහි බෝඩිංකාරයන් වන යුගය ඉදිරි වසර කිහිපය තුළ නිමා කළ යුතුව ඇති බව අගමැති මහින්ද රාජපක්ෂ ඊයේ (15) ප්‍රකාශ කළේය.

ලංකා ඛනිජ තෙල් නීතිගත සංස්ථාවේ මූලිකත්වයෙන් ආරම්භ කිරීමට සැලසුම් කෙරෙන නව ගෑස් සමාගම කඩිනමින් පිහිටුවිය යුතු බව සමගි ඒකාබද්ධ වෘත්තීය සමිති බලවේගයේ කැඳවුම්කරු ආනන්ද පාලිත ප්‍රකාශ කළේය. ඔහු කියා සිටියේ වර්තමානයේ හටගෙන ඇති ගෑස් අර්බුදයන්ට ඒ තුළින් විසඳුමක් ලැබෙනු ඇති බවය.

මෙරට දිනකට ළමා අපචාර සිද්ධීන් 32 ක් පමණ සිදුවන බව ජනමාධ්‍ය ඇමැති ඩලස් අලහප්පෙරුම ඊයේ (15 වැනිදා) අනාවරණය කළේය.

අඩු ආදායම්ලාභී ජනතාව වෙනුවෙන් කොළඹ පොල්හේන්ගොඩ කාලිංග මාවතේ ඉදිකෙරුනු නිවාස 528 කින් සමන්විත කොලොම්තොට සරසවි උයන නව මහල් නිවාස සංකීර්ණය අගමැති මහින්ද රාජපක්ෂ මහතාගේ ප්‍රධානත්වයෙන් අද ජනතා අයිතියට පැවරෙයි.

ශ්‍රිි ලංකාවේ ක්‍රියාත්මක නීතිය පිළිබඳ ඉගැන්වීම 2023 සිට පාසල් විෂය නිර්දේශයට එක් කිරීමට නියමිතය. 2023 සිට ක්‍රියාත්මක කෙරෙන නව අධ්‍යාපන ප්‍රතිසංස්කරණ වැඩපිළිවෙල සමඟ එය ක්‍රියාවට නැංවෙයි.

පවතින තත්ත්වය හමුවේ මෙරට ආර්ථිකය ස්ථාවරත්වය තහවුරු කරමින් සංවර්ධනය පවත්වා ගැනීම සම්බන්ධයෙන් විශේෂ දැනුවත් කිරීමේ වැඩසටහනක් මුදල් අමාත්‍ය බැසිල් රාජපක්ෂගේ ප්‍රධානත්වයෙන් අරලියගහ මන්දීරයේ දී පවත්වා තිබුණි.

කෘෂි භෝග අපනයනයෙන් අපනයන කෘෂිකර්ම දෙපාර්තමේන්තුව ඉතිහාසයේ ප්‍රථම වරට රුපියල් කෝටි දසදහස (මිලියන ලක්ෂයක්) ඉක්මවූ ආදායමක් මේ වසරේදී උපයා ගෙන තිබේ.

යහපාලන සමයේදී රුපියල් කෝටි 350 අලාභයක් සහිතව පවත්වාගෙන ගිය ලංකා ලුණු සමාගම 2021 වසරේදී රුපියල් කෝටි 17කට අධික ශුද්ධ ලාභයක් උපයාගෙන තිබේ.