කථානායක මහින්ද යාපා අබේවර්ධන මහතා පාරිභෝගික කටයුතු පිළිබඳ අධිකාරිය (සංශෝධන) පනත් කෙටුම්පතට 22 දා පස්වරුවේම සිය අත්සන යොදා පනත බලාත්මක කළේය.

ග්‍රාමීය මාර්ග කිලෝමීටර් ලක්ෂයක් කාපට් අතුරා සංවර්ධනය කිරීමේ ජාතික වැඩපිළිවෙළ යටතේ යටියන්තොට සීපොට් සිට කැන්දලන්ද ඔය දක්වා මාර්ගය සංවර්ධනය කිරීම අද ආරම්භ කෙරුණා.

පාසල් ආරම්භ කළ යුත්තේ එන්නත්කරණයට පෙර ද ?පසු ද?

පාසල් ආරම්භ කළ යුත්තේ එන්නත්කරණයට පෙර ද පසු ද යන්න පිළිබද තීරණය එන්නත්කරණය සහ වසංගතය සම්බන්ධ විශේෂඥ කමිටුවේ නිර්දේශ අනූව කරන බව රාජ්‍ය ඖෂධ නීතිගත සංස්ථාවේ සභාපති විශේෂඥ වෛද්‍ය ප්‍රසන්න ගුණසිංහ මහතා පවසයි.

හෙතෙම මේ අදහස් දැක් වූයේ මාධ්‍ය වෙත අදහස් දක්වමිනි. පාසල් විවෘත කිරීම සම්බන්ධයෙන් ලෝකයේ තවමත් නිශ්චිත තීන්දුවක් නොමැති අතර ලොව ඇතැම් රටවල් එන්නත්කරණයට පසු පාසල් විවෘත කර ඇති පසු බිමක තවත් රටවල් එන්නත්කරණයට පෙර පාසල් අරඹා ඇති බව ඔහු මෙහිදී සඳහාන් කළා.

විශේෂඥ කමිටුවේ නිර්දේශ මත මෙරට කඩිනමින් ආරම්භ කළ හැකි පාසල් ඇරඹීමටත් අනෙකුත් පාසල් එන්නත්කරණයෙන් පසු ඇරඹීමටත් බලාපොරොත්තු වන බව ඔහු වැඩි දුරටත් කියයි.

-පංචාලි අබේසේකර

ආනයනික විදේශීය කිරිපිටි මිල ඉහළ දැමීමට අවසර ලබා දෙන්නේ නම් ඒ සමගම දේශීය කිරිපිටි මිලද ඉහළ දැමීමට අවස්ථාව ලබා දිය යුතු බව මිල්කෝ සමාගමේ සභාපති ලසන්ත වික්‍රමසිංහ මහතා පවසයි.

කොවිඩ් තත්ත්වයෙන් සියලු දෙනා ආරක්ෂා කරගැනීමේ අරමුණින් සෑම නිවසකටම දේශීය ඖෂධ මංජුසාවක් බෙදාදීමේ වැඩසටහනක් ඉදිරි සතියේ සිට ආරම්භ කරන බව දේශීය වෙදකම් ප්‍රවර්ධන, ග්‍රාමීය හා ආයුර්වේද රෝහල් සංවර්ධන හා ප්‍රජා සෞඛ්‍ය රාජ්‍ය අමාත්‍ය නීතීඥ සිසිර ජයකොඩි මහතා පවසනවා.

කෙරවලපිටිය බලාගාරයේ කොටස් ඇමරිකානු සමාගමකට ලබාදීම සම්බන්ධ ප‍්‍රශ්නය විසඳා ගැනීමට අද (23) අගමැතිවරයා සමග සාකච්ජා කරන බව ආණ්ඩුවේ හවුල්කාර පක්‍ෂ පවසයි.

රටේ සියලු ක්ෂේත්‍රවල පුනර්ජීවනයක් ඇති කිරීමේ අරමුණින් ලබන වසරේ අය වැය සදහා යෝජනා ලබා ගැනීම ග්‍රාම නිලධාරි කොට්ඨාශ මට්ටමෙන් ආරම්භ කර ඇත.