අප්‍රේල් 01 වනදා සහ සැප්තැම්බර් 30 වනදා අතර කාලය තුළදී කල් ඉකුත්වන සියලුම රියදුරු බලපත්‍ර සඳහා සහනයක් ලබාදීමට මෝටර් රථ ප්‍රවාහන දෙපාර්තමේන්තුව තීරණය කර තිබේ.
ඒ අනුව එම කාලය අතරතුර කල් ඉකුත්වන සියලුම රියදුරු බලපත්‍ර, කල් ඉකුත්වන දිනයේ සිට තවත් මාස 6ක් සඳහා වලංගු බව එම දෙපාර්තමේන්තුව නිවේදනය කරයි.
සුරක්ෂිත ආහාර රටාවකට අනුව ජීවත්වන පුද්ගලයන් වැඩිම ගාල්ලේ බව හෙළිවේ !
මෙරට ආහාර සුරක්ෂිත භාවයෙන් ඉහළම සහ සුරක්ෂිත ආහාර රටාවකට අනුව ජීවත්වන පුද්ගලයන් වැඩිම ප්‍රමාණයක් සිටින දිස්ත්‍රික්කය වන්නේ ගාල්ල බවත්, එය 97%ක ඉහළ ප්‍රතිශතයක් බවත් ජනලේඛන හා සංඛ්‍යාලේඛන දෙපාර්තමේන්තුවේ සිදු කර ඇති ආහාර සුරක්ෂිතතා සමීක්ෂණයකින් අනතුරුව හෙළි වී ඇත.
ඉන්දියාවේ සිටින ශ්‍රී ලාංකිකයන් කඩිනම්න් ගෙන්වීමට පියවර !
සෞඛ්‍ය හේතූන් මත හෝ වෙනත් අවශ්‍යතා මත ඉන්දියාවට ගොස් සිටින ශ්‍රී ලාංකිකයන් නැවත ගෙන්වා ගැනීමේ වැඩපිළිවෙළක් කඩිනමින් ක්‍රියාත්මක කරන බවත් ඒ සඳහා අවශ්‍ය ක්‍රියාමාර්ග මීළඟ සතියේදී ගන්නා බවද සංචාරක අමාත්‍ය ප්‍රසන්න රණතුංග ප්‍රකාශ කර තිබෙනවා.
කොවිඩ් වෛරසයට එරෙහිව එන්නත්කරණය යළි යාවත්කාලීන වී තිබෙන අතර දැනට ලංකාවේ භාවිතා වන සියලු එන්නත් හොඳ මට්ටමේ ඒවා බව රජයේ වෛද්‍ය නිලධාරීන්ගේ සංගමය ප්‍රකාශ කර තිබෙනවා.
කොවිඩ් හේතුවෙන් පළාත් 9ට සෞඛ්‍ය සේවා අධ්‍යක්ෂ ජනරාල්වරුන් 09ක් පත් කෙරේ !
පළාත් මට්ටමින් නියෝජ්‍ය සෞඛ්‍ය සේවා අධ්‍යක්ෂ ජනරාල්වරුන් 09 දෙනෙකු පත්කිරීමට සෞඛ්‍ය අමාත්‍යාංශය කටයුතු කර තිබේනවා.
සෑම වසරකම සහල් මෙට්‍රික් ටොන් ලක්ෂ හයක් ආනයනය කල යහපාලනය !
යහපාලන රජය පැවති 2015 වසරේ සිට 2019 දක්වා කාලය තුළ සෑම වසරකම සහල් මෙට්‍රික් ටොන් විසි දහසේ සිට ලක්ෂ හය දක්වා අතර ප්‍රමාණයක් ආනයනය කර තිබේන බව වාර්තා වෙනවා.
කොරෝනා අසාදනය වූ බද්දේගම සමිත හිමි දැඩිසත්කාර ඒකකයට !
හිටපු පාර්ලිමේන්තු මන්ත්‍රීවරයකු ලෙස කටයුතු කළ බද්දේගම ප්‍රාදේශිය සභා මන්ත්‍රී බද්දේගම සමිත හිමියන් කොවිඩ් ආසදනය වී තිබීම හේතුවෙන් මේ වන විට කරාපිටිය රෝහලට ඇතුලත් කරනු ලැබූ අතර පසුව උන්වහන්සේගේ තත්වය බරපතල හෙයින් දැඩි සත්කාර ඒකකයට ඇතුලත් කර ඇති බවත් රෝහල් ආරංචි මාර්ග සඳහන් කරයි.
කොරෝනා රෝගීන් වෙනුවෙන් නව රෝහල් 6 ක් ඉදිකිරීමට සැලසුම් !
දිනෙන් දින වැඩිවන කොරෝනා රෝගීන් වෙනුවෙන් නව රෝහල් 6 ක් ඉදිකිරීමට සැලසුම් කර ඇතැයි කොවිඩ් හදිසි ප්‍රතිචාර සහ සෞඛ්‍ය පද්ධති පෙර සූදානම් කිරීමේ ව්‍යාපෘති අධ්‍යක්ෂ වෛද්‍ය ජයසුන්දර බණ්ඩාර මහතා පවසයි.
