ජනතාව විසින් මෙතෙක් ඉදිරිපත් කළ කරුණු සැලකිල්ලට ගනිමින් මෙවර අයවැය සකස් කර ඇතැයි මුදල් රාජ්‍ය අමාත්‍ය ෂෙහාන් සේමසිංහ පවසනවා.

කන්තලේ සූරියපුර පොලිස් බල ප්‍රදේශයට අයත් සෝමාවති රක්ෂිත ප්‍රදේශය තුළ හිසට වෙඩි තබා ඝාතනය කල බවට සැක කරන අවුරුදු 40-45 පමණ වයසැති සද්ධන්ත වන අලියකුගේ සිරුරක් ඊයේ (12) උදෑසන හමුවූ බව වනජීවී සංරක්ෂණය දෙපාර්තමේන්තුව පවසයි.

ඉදිරිපත් කිරීමට නියමිත 2024 අයවැය සම්බන්ධයෙන් තමන්ට සුභවාදී අදහසක් නොමැති බව සමඟි ජන බලවේගයේ පාර්ලිමේන්තු මන්ත්‍රී තිස්ස අත්තනායක මාධ්‍යවෙත අදහස් දක්වමින් ප්‍රකාශ කර ඇත.

මුදල් අමාත්‍යාංශය විසින් සීනි ආනයනය සඳහා වන විශේෂ භාණ්ඩ බද්ද කිලෝවකට ශත 25 සිට රුපියල් 50 දක්වා ඉහළ දැමීමත් සමඟ පිටකොටුව වෙළෙඳපොළේ තොග සීනි කිලෝග්‍රෑමයක් රුපියල් 250 සිට රුපියල් 315 දක්වා ඉහළ ගොස් ඇති බව වාර්තා වේ.

විදේශීය යුද නැව්, ගුවන් යානා සහ පර්යේෂණ යාත්‍රා සඳහා රාජ්‍ය තාන්ත්‍රික අවසරය ලබාදීම සම්බන්ධයෙන් සිදුකළ යාවත්කාලීන කිරීම් පිළිබඳව විදේශ ධුත මණ්ඩල දැනුවත් කිරීමට තීරණය කර තිබේ.

වීසා කාලය දීර්ඝ නොකිරීම හේතුවෙන් ජෝර්දානයේ කර්මාන්ත ශාලාවක සේවයේ නියුතු ශ්‍රී ලාංකික 200කට ආසන්න පිරිසක් පීඩාවට පත්ව සිටින බව වාර්තා වේ.

කීරි සම්බා සහල් කිලෝ එක් දහස් තුන්සිය හැට පහක් සඟවා ගෙන සිටි බවට වරද පිළිගත් නිට්ටඹුව නගරයේ සුපිරි වෙළෙඳ සලකට අත්තනගල්ල අංක 02 මහේස්ත්‍රාත් මංජුල කරුණාරත්න විසින් රුපියල් ලක්ෂයක දඩ නියම කර සහල් තොගය රාජ සන්තක කිරීමට නියෝග කර ඇත.

එළැඹෙන 2024 වසරේ සංවර්ධන ඉලක්ක සාර්ථකව ක්‍රියාත්මක කළ හැකි වන්නේ ණය ප්‍රති ව්‍යුහගත කිරීම සාර්ථක කර ගැනීමෙන් අනතුරුව පමණක් යැයි ප්‍රවාහන, මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන පවසා තිබේ.