දරුවන් ලක්ෂ අටකට පාවහන් නොමිලේ ලබා දීම, ප්‍රාථමික පන්ති සියල්ලටම දිවා ආහාරය ලබා දීම යනාදි කාරණා ලබන වසරේදී ක්‍රියාවට නැංවීමට සැලසුම් කර ඇති බව අධ්‍යාපන ඇමැති, ආචාර්ය සුසිල් ප්‍රේමජයන්ත පවසා ඇත.
අධ්‍යයන පොදු සහතික පත්‍ර සාමාන්‍ය පෙළ විභාගයේ ප්‍රතිඵල ඉදිරි දින කිහිපය තුළ නිකුත් කරන බව අධ්‍යාපන ඇමැති, ආචාර්ය සුසිල් ප්‍රේමජයන්ත පාර්ලිමේන්තුවේදී ඊයේ (21) පැවසීය.
මාර්ග සංවර්ධනයෙදී කොන්ත්‍රාත්කරුවන්ට බිලියන 167ක් ගෙවා අවසන්
100,000kmක් මාර්ග සංවර්ධනය කිරීමේ ව්‍යාපෘතිය යටතේ කොන්ත්‍රාත්කරුවන් වෙත රුපියල් කෝටි 16,700ක (බිලියන 167.3) මුදලක් පසුගිය ඔක්තෝබර් මස 31 වැනිදා වන විට ගෙවා අවසන් බව ප්‍රවාහන, මහාමාර්ග හා ජනමාධ්‍ය ඇමැති, ආචාර්ය බන්දුල ගුණවර්ධන පාර්ලිමේන්තුවේදී ඊයේ (21) පැවසීය.
පරාජය කරන බව කිව්ව අයත් අය-වැය වැඩි ඡන්ද 45කින් දිනවයි
අයවැය පරාජය කරන බවට ආණ්ඩු පක්ෂය නියෝජනය පොදුජන පෙරමුණේ ඇතැමුන් පසුගිය දිනවල සැර කතා කියමින් සිටියද ඔවුන්ගේම ඡන්දයත් ඇතුළුව 2024 වසර සදහා වන විසර්ජන පනත් කෙටුම්පත (අය-වැය) දෙවැනිවර කියවීම වැඩි ඡන්ද 45කින් පාර්ලිමේන්තුවේදි අද (21) සම්මත විය.
කර්මාන්ත උදෙසා වන ශ්‍රී ලංකාවේ ප්‍රථම රූපවාහිනී නාලිකාව Industry TV ඇරඹේ
අපනයන කේන්ද්‍රීය නිෂ්පාදන ආර්ථිකයක් රටතුළ ගොඩ නැංවීම අරමුණු කරගනිමින් කර්මාන්ත අමාත්‍යංශය සමග එක්ව කටයුතු කරන ලංකා කාර්මික සංවර්ධන මණ්ඩලය , කර්මාන්ත හා සෞඛ්‍ය අමාත්‍ය වෛද්‍ය රමේෂ් පතිරණ මහතාගේ අනාගතවාදී සංකල්පයකට අනුව කර්මාන්ත වෙනුවෙන් වූ ශ්‍රී ලංකාවේ ප්‍රථම විද්‍යුත් රූපවාහිනි නාලිකාව ලෙසින් Industry TV රූපවාහිනි නාලිකාව, World Television Day ( ලෝක රූපවාහිනි දිනය ) යෙදෙන අද දින ජනගත කරන ලදී.
එහි සමාරම්භක උත්සවය කර්මාන්ත හා සෞඛ්‍ය අමාත්‍ය වෛද්‍ය රමේෂ් පතිරණ මහතාගේ ප්‍රධානත්වයෙන් පොල්හේන්ගොඩ ජනමාධ්‍ය අමාත්‍යංශ පරිශ්‍රයේ රජයේ ප්‍රවෘත්ති දෙපාර්තමේන්තු ශ්‍රවණාගාරයේදී අද පෙරවරුවේදී පැවැත්විණ.
Peo TV අංක 130 ඔස්සේ විකාශය සිදුවන Industry TV නාලිකාව Your Winning Line ( ඔබේ ජයග්‍රහණයේ රේඛාව ) යන තේමාවෙන් ක්‍රියාත්මක වෙයි. අද (නොවැම්බර් 21 වෙනිදා) සිට නොවැම්බර් 30 දක්වා හදුන්වාදීමේ විකාශය ක්‍රියාත්මක වන අතර දෙසැම්බර් 1 වෙනිදා සිට කර්මාන්ත ක්ෂේත්‍රය මුල්කොට ගත් Industry News , කර්මාන්ත කතා , වැඩබිම් රසෝඝය, Plus Mind , Help Desk , ව්‍යවසායකත්ව රජ දරුවෝ , Industrial Zone , Money Talk , I Book , Brands , Investor Pool , Metal World , Tea Life , Plantation World , Travel Bazar , ව්‍යාපාරික ශක්ති , Business Clinic , Industry Frame ආදි විවිධ වැඩසටහන් වර්ග 40 ක් Industry TV නාලිකාව තුළ විකාශය සදහා අන්තර්ගත වෙයි.
මෙම අවස්ථාවේදී අදහස් දක්වමින් රමේෂ් පතිරණ අමාත්‍යවරයා රටක් සංවර්ධනය වීමට නම් ශක්තිමත් හා ස්ථාවර කර්මාන්ත පද්ධතියක් රටේ තිබිය යුතු බවත් ඒ සදහා නව කර්මාන්ත සංස්කෘතියක් අප රට තුළ බිහිකිරීම අරමුණු කරගනිමින් වැඩසටහන් රැසක් කර්මාන්ත අමාත්‍යාංශය හා ලංකා කාර්මික සංවර්ධන මණ්ඩලය හරහා මේ වන විට ක්‍රියාත්මක කර ඇති බව පැවසීය.
දේශීය අංකුර ව්‍යවසායකයන්ට මග පෙන්වීම උදෙසා ව්‍යවසායකයින් සදහාම ලංකා කාර්මික සංවර්ධන මණ්ඩලයේ තිරසර ව්‍යවසායක සංවර්ධන ප්‍රවේශය ( SEDA) විසින් සකස් කළ Start up හා Scale up නමින් පුහුණු අත්පොත් 2 ක් එළිදක්වන ලද අතර ව්‍යවසායකයින් සමාජයීයව අභිමානයට ලක්කිරීමේ ජාතික වැඩසටහනට ආරම්භය තබමින් ලංකාවේ ප්‍රථම වරට දේශීය ව්‍යවසායකයින් සදහා සහතිකයක්, වෘත්තීය හැදුනුම්පතක් හා වාහන අවසරපත්‍රයක් (Car pass ) ලබාදීමත් අද දින සිදුකරන ලදී.
එසේම 2023 ජාතික කර්මාන්ත විශිෂ්ඨතා සම්මාන උළෙලට සදහා ව්‍යවසායකයින් 4000 ක් අතරින් සම්මාන සදහා ව්‍යවසායකයින් 300 දෙනෙක් තෝරාපත්කර ගත් ගෞරවණීය විනිශ්චය මණ්ඩලය සදහා ඇගයීම් සම්මාන ප්‍රදානය කිරීමද කර්මාන්ත හා සෞඛ්‍ය අමාත්‍ය වෛද්‍ය රමේෂ් පතිරණ මහතා අතින් සිදුවිය. එයට අමතරව ලෝකයේ නව තාක්ෂණය සිය නිෂ්පාදන වෙත යොදා ගනිමින් මෙරට නිෂ්පාදන කර්මාන්තයේ උන්නතිය වෙනුවෙන් දායකත්වය දැක්වූ කර්මාන්තායතන ඇගයීමද මෙහිදී සිදුකෙරිණි.
මෙම අවස්ථාවට කුඩා හා මධ්‍ය පරිමාණ ව්‍යවසාය සංවර්ධන රාජ්‍ය අමාත්‍ය ප්‍රසන්න රණවීර , කර්මාන්ත අමාත්‍යාංශයේ ලේකම් තිලකා ජයසුන්දර, ජනමාධ්‍ය අමාත්‍යාංශයේ ලේකම් අනූෂ පැල්පිට, රජයේ ප්‍රවෘත්ති දෙපාර්ථමේන්තුවේ අධ්‍යක්ෂ ජනරාල් දිනිත් චින්තක කරුණාරත්න , කාර්මික සංවර්ධන මණ්ඩලයේ සභාපති වෛද්‍ය සාරංග අලහප්පෙරුම, කර්මාන්ත අමාත්‍යාංශයේ අතිරේක ලේකම්වරු, SLT PEOTV ප්‍රධාන විධායක නිළධාරි රුචිර වීරකෝන් , Industry TV නාලිකා ප්‍රධානී දිනේෂර පුංචිහේවා , අමාත්‍යාංශ නිලධාරීන්, කාර්මික සංවර්ධන මණ්ඩලයේ නිලධාරීන්, ව්‍යවසායකයින්, අනුග්‍රාහක ආයතන වල නිලධාරීන් ඇතුළු විශාල පිරිසක් සහභාගි වූහ.
ශ්‍රී ලංකා ක්‍රිකට් තහනම් කිරීමට නොවැම්බර් 10 වනදා ජාත්‍යන්තර ක්‍රිකට් කවුන්සිලය ගත් තීරණය අද (21) පැවති අයි සී සී විධායක මණ්ඩල රැස්වීමේදී අනුමත කර තිබේ.
යුධ හමුදාවේ තනතුරු දෙන්නේ ලොක්කන්ගේ ගොට්ටන්ට ද ?
ශ්‍රී ලංකා යුධ හමුදාවේ මාණ්ඩලික ධුරය පසුගිය දහතුන් වැනි දින පුරප්පාඩු වූ අතර ඉන් ස්වල්ප දිනකට පසු නියෝජ්‍ය මාණ්ඩලික ධුරය ද පුරප්පාඩුව විය. ශ්‍රී ලංකා යුද හමුදාව සම්ප්‍රදායානුකූල මාණ්ඩලික ප්‍රධානි ධුරය සහ නියෝජ්‍ය මාණ්ඩලික ප්‍රධානී ධුරය සඳහා නිලධාරීන් පත් කිරීම එම පුරප්පාඩු වන සැනින් සිදු කරනු ලැබේ.
විපක්ෂනායකවරයා ප්‍රශ්නයක් අසන අවස්ථාවේදී ඊට බාධා කළ සනත් නිශාන්ත ඇතුළු මන්ත්‍රීවරුන්ට එරෙහිව විනයානුකූලව පියවර ගන්නා ලෙස විපක්ෂයේ ප්‍රධාන සංවිධායක ලක්ෂ්මන් කිරිඇල්ල කථානායකවරයාගෙන් ඉල්ලීමක් කළේය.
