ජනපතිවරණය සඳහා පොදු අපෙක්ෂක මෛත්‍රීපාල සිරිසේන මහතා ඇප මුදල් තැනපත් කිරීම රාජගිරිය මැතිවරණ මහ ලේකම් කාර්යාලයේදී සිදුවූයේය.

ඉදිරි ජනාධිපතිවරණයේදී පොදු අපේක්ෂක මෛත‍්‍රීපාල සිරිසේන වෙත සහයෝගය ලබාදීමට ජාතික සංඝ සම්මේලනය තීරණය කර ඇත. ඒ, පොදු අපේක්ෂක මෛත‍්‍රීපාල සිරිසේන සහ ජාතික සංඝ සම්මේලනයේ භික්ෂූන් වහන්සේලා අතර කොළඹ අද (02) පැවැති විශේෂ සාකච්ඡාවකින් අනතුරුවය.

ආණ්ඩුවේ පවතින දූෂණ සහ අක‍්‍රමිකතාවලට එරෙහිව කටයුතු කිරීමට තමන් පොදු අපේක්ෂක මෛත‍්‍රීපාල සිරිසේන සමඟ එක්ව කි‍්‍රයා කරන බව ආණ්ඩුවෙන් ඉවත් වූ හිටපු අමාත්‍ය නවීන් දිසානායක පැවසුවේය.

එල්.ටී.ටී.ඊ. සංවිධානයට පැනවු සම්බාධක අභියෝගයට ලක් කරමින් යුරෝපානු අධිකරණයක් විසින් ලබාදුන් තීන්දුවට එරෙහිව අභියාචනයක් ගොණු කිරීමට යුරෝපානු සංගම් කවුන්සිලය තීරණය කර තිබේ. ඒ අතරට එල්.ටී.ටී.ඊ. සංවිධානය ත්‍රස්ත සංවිධානයක් ලෙස නම් කිරීම සහ එම සංවිධානයට ලැබෙන ආධාර මුදල් අත්හිටුවීම යන කරුණු ඇතුළත්ව ඇති බව සඳහන්ය.

ඉදිරි ජනාධිපතිවරණයේදී ජාතික හෙළ උරුමයේ සහය පොදු අපේක්ෂක මෛත්‍රීපාල සිරිසේන මහතාට ලබාදෙන බව හිටපු තාක්ෂණ හා පර්යේෂණ අමාත්‍ය පාඨලී චම්පික රණවක මහතා පවසයි.

මෙවර ජනාධිපතිවරණය වැඩිම ප‍්‍රචණ්ඩකාරී සිදුවීම් ඇතිවිය හැකි මැතිවරණය විය හැකි බව ජනතා විමුක්ති පෙරමුණ පවසයි. ‘‘ඒකාධිපති වියරුව පරදවමු’’ මැයෙන් නුගේගොඩ නගරයේ ඊයේ (01) පැවති ජනරැළියක් අමතමින් එම පක්‍ෂයේ නායක අනුර කුමාර දිසානායක මහතා මේ බව පවසා සිටියේය.

ඉදිරි ජනාධිපතිවරණයට අදාළව දිවයිනේ සියලු පොලිස් කොට්ඨාශ මට්ටමින් විශේෂ ආරක්ෂක වැඩපිළිවෙළක් ක්‍රියාත්මක කිරීමට පොලිස් මූලස්ථානය සැලසුම් කර තිබේ.