මෛත්‍රිපාල සිරිසේන ජනපතිගේ නව රජයේ කැබිනට් මණ්ඩලය අද සවස ජනපති ලේකම් කාර්යාලයේදී දිවුරුම් දෙන ලදී.
තම ශ්‍රී ලංකා නිදහස් පක්ෂ සාමාජිකත්වය තහනම් කිරීමට එරෙහිව කොටිකාවත්ත මුල්ලේරියාව ප්‍රාදේශිය සභාවේ සභාපති ප්‍රසන්න සෝලංග ආරච්චි මහතා ගොනු කළ පැමිණිල්ල සලකා බැලු කොළඹ දිසා විනිසුරු සුජාතා අලහප්පෙරුම මහත්මිය එම පැමිණිල්ලේ වග උත්තර කරුවන් ලෙස නම් කැර ලැබ සිටින හිටපු ජනපති, ශ්‍රී ලංකා නිදහස් පක්ෂ සභාපති මහින්ද රාජපක්ෂ මහතා ඇතුළු සිව් දෙනකුට මෙම මස 26 වැනිදා අධිකරණයේ පෙනී සිටින්නැයි නියෝග කරමින් නොතීසි නිකුත් කළේය.
රජය විසින් ලබන 14 වන දින විශේෂ නිවාඩු දිනයක් ලෙස නම් කර තිබේ.
දූෂිතයින් මේ වන විට රට හැර යමින් සිටිනා බවත්, ඔවුනට නිදැල්ලේ රට හැර යාමට ඉඩ නොදිය යුතු බවත් ජනතා විමුක්ති පෙරමුණේ නායක අනුර කුමාර දිසානායක මහතා පැවසුවේය. ඔහු මේ බව පැවසුවේ අද (12) කොළඹදී පැවති මාධ්‍ය හමුවක් අමතමිනි.
'සියත' කාරියප්පෙරුම සොහොයුරන් සළුපිලි හැරදා මෛත්‍රී ළඟට යයි
සියත මාධ්‍ය ජාලයේ හිමිකරුවන් වන ප්‍රියන්ත කාරියප්පෙරුම හා රොෂාන් කාරියප්පෙරුම මෛත්‍රීපාල සිරිසේන මහතා මුණ ගැසී විදුලි සංදේශ නියාමන කොමිසමේ සභාපතිධුරයත් ලංකා බැංකුවේ සභාපතිධුරයත් හා තවත් ආයතන කිහිපයක ප්‍රධාන තනතුරු ඉල්ලා ඇතැයි වාර්තාවේ.
ශුද්ධෝත්තම ෆ‍්‍රැන්සිස් පාප් වහන්සේගේ සංචාරය හේතුවෙන් කොළඹ – කටුනායක අධිවේගී මාර්ගයේ සියලූ රථ වාහන වලට නොමිලේ ගමන් කිරීමේ ඉඩ සැලසෙන බව පොලීසිය පවසයි.
හිටපු අගවිනිසුරු අචාර්ය ශිරාණි බණඩාරනායක මහත්මිය යළි එම ධුරයට පත් කරන ලෙස ශ්‍රී ලංකා නිතීඥ සංගමය ඉල්ලීමක් කරයි.
