එම නූඩ්ල්ස්වල අනුමත ප්‍රමාණයට වඩා ඊයම් 07 ගුණයකින් වැඩි බව බව ඉන්දියා රජය සොයාගැනීමෙන් පසු මෙරට තුලද පරීක්ෂණ ඇරඹූ බව පාරිභෝගික අධිකාරිය සඳහන් කරයි.
අනුමත ඊයම් ප්‍රමාණය මිලියනයකට කොටස් 0.11 සිට 2.5 දක්වා වන බවත් එම්.එස්.ජී ලෙසද හැඳින්වෙන මෙම රසකාරකයෙන් ඉරුවාරදය, ඔක්කාරය, ඇඟේ පළු මතුවීම පමණක් නොව හදවතටද හානි කළ හැකි බවත් සෞඛ්‍ය අමාත්‍යංශයේ ආහාර පාලක, පරිපාලන ඒකකයේ සහකාර අධ්‍යක්ෂ එච්.තිලකරත්න මහතා පෙන්වා දෙයි.
වෙළඳපොළෙන් ගත් විවිධ සාම්පල ශ්‍රී ලංකා ප්‍රමිති ආයතනයට හා රජයේ රස පරීක්ෂක වෙත යවා ඇති අතර එම වාර්තා ලැබෙන තෙක් කිසිවක් කිව නොහැකි බව එම අධිකාරියේ සභාපති රුමී මර්ෂුක් මහතා පැවසී ය.
කෙසේ වෙතත් මැගී නූඩ්ල්ස් නිපදවන නෙස්ලේ ලංකා සමාගම සඳහන් කරන්නේ තම නිෂ්පාදනයන්හි තත්ත්වය හා ආරක්ෂාවට හැමවිටම ප්‍රමුඛස්ථානය දෙන බව සහ ශ්‍රී ලංකාවේ ආහාර නීති හා රෙගුලාසි පිළිපදින බවත්ය.
ඉන්දියාවේ සිදුකළ පරීක්ෂණයෙන් අනාවරණය වී තිබුණේ පරීක්ෂා කළ සියලු සාම්පල බාල මට්ටමේ තිබූ බවයි.
