පෙර‍ටුගාමී සමාජවාදී පක්ෂයේ නායක කුමාර් ගුණරත්නම් මහතා අද දින(31) ඒ මහතා පදිංචිව සිටින ඕට්‍රේලියාවේ නිවස බලා පිටත්ව යාමට නියමිත බව වාර්තාවේ.
බැසිල් රාජපක්ෂට හිමිකාරිත්වයක් පවතී යැයි සැලකෙන කොබෙයිගනේ පවත්වාගෙන යන නීතිවිරෝධි ජිෆී ප්‍රඩක්ට් කොහු කර්මාන්තායතය වහාම තහනම් කරන ලෙස ඉල්ලා එම ප්‍රදේශයේ ජනතාව එම කාර්මාන්තායතනය වටලා ඇතැයි වාර්තාවේ.
පොදු රාජ්‍ය මණ්ඩලිය මහලේකම් කමලේෂ් ශර්මා මහතා තෙදින නිල සංචාරයක් සඳහා අද (31) දිවයින පැමිණිමට නියමිත බව විදේශ කටයුතු අමාත්‍යංශය සඳහන් කළේය.
හිටපු ජනාධිපති මහින්ද රාජපක්ෂ මහතාට එල්ල වී ඇති චෝදනා වලට නීතියෙන් දඬුවම් නොලැබෙනු ඇති බව විදුලි බල හා බල ශක්ති ඇමැති පාඨලී චම්පික රනවක මහතා 'දේශය' පුවත්පත හා සංවදයක නිරතවෙමින් පවසා ඇත.
අධිවේගී මාර්ගයේ බස් රථ වලට බලපත‍්‍ර නිකුත් කිරීමේදී විවිධ අක්රමිකතා සිදුව ඇති බව ඊයේ (30)කොළඹ පැවැති මාධ්‍ය හමුවකට එක්වෙමින් ප‍්‍රවාහන අමාත්‍ය රංජිත් මද්දුම බණ්ඩාර මහතා ප්‍රකාශ කළේය.
පුදුකුඩිඉරිප්පු සහ මුහුදුබඩපත්තු ප්‍රා.සභා මැතිවරණය පෙබරවාරියේ
මුලතිව් දිස්ත‍්‍රික්කයේ පුදුකුඩිඉරිප්පු සහ මුහුදුබඩපත්තු ප‍්‍රාදේශීය සභාවල මැතිවරණය පෙබරවාරි 28 වන දා පැවැත්වෙන බව මැතිවරණ කොමසාරිස් මහින්ද දේශප‍්‍රිය මහතා පවසයි.
ශ්‍රි ලංකා නීති විද්‍යාලයේ අධ්‍යාපනය ජාතික ප්‍රතිපත්තියක් මත ක්‍රියාත්මක කිරිමට කටයුතු සම්පාදනය කරන බව අධිකරණ හා කම්කරු සබඳතා ඇමැති ආචාර්ය විජේදාස රාජපක්ෂ මහතා පැවසුවේය.ඉදිරියට නීති විද්‍යාලයේ විභාග සඳහා ශිෂ්‍යයින්ට තමන් කැමති භාෂා මාධ්‍යකින් පිළිතුරු ලිවිමට කටයුතු සලසන බවද ඔහු පැවසුවේය.
