ශ්‍රී ලාංකික හතරකගේ ඩොලර් බිලියන 1935 ක විදෙස් ගිණුම් තොරතුරු හෙළිවේ
මහින්ද රාජපක්ෂ හිටපු ජනාධිපතිවරයාගේ පාලන කාලයේ දී අයථා ලෙස උපයා ගත් යැයි සැකකරන ශ්‍රී ලාංකිකයින් හතර දෙනෙකු සතු ඩොලර් බිලියන එක් දහස් නවසිය තිස් පහකට ආසන්න මුදලක් මෙතෙක් තැන්පත් කර තිබූ ඩුබායි බැංකුවෙන් හිටි හැටියේම බහමාස් බැංකුවකට මාරු කර ඇති බවට තොරතුරු රජය වෙත වාර්තා වී තිබේ.
ආරක්ෂක ලේකම් බී.එම්. යූ.ඩී. බස්නායක මහතා ඇවන්ගාඩ් පෞද්ගලික ආරක්ෂක සමාගම පිළිබඳ අනුගමනය කළ ක්‍රියා පිළිවෙත මත ඔහු එම ධුරයෙන් ඉවත් කිරීම ගැන ජාතික විධායක සභාවේ දී සාකච්ඡා කළ බව කැබිනට් ප්‍රකාශක ඇමැති රාජිත සේනාරත්න මහතා ඊයේ (15දා) තහවුරු කළේය.
මෛත්‍රීගේ නායකත්වය පිළිගෙන බුලත් කොළයෙන් එන්නැයි විමල්ට ආරාධනා
ඉදිරි මහ මැතිවරණයේදී බුලත් කොළය යටතේ තරග කිරීමට ද ඒ සඳහා එක්සත් ජනතා නිදහස්‌ සන්ධානයේ පූර්ණ සාමාජිකත්වය ලබා ගන්නා ලෙස ද මහාචාර්ය තිස්‌ස විතාරණ, ඩියු ගුණසේකර සහ විමල් වීරවංශ යන මහත්වරුන් නායකත්වය දරන පක්‍ෂවලට ආරාධනා කිරීමට ද එජනිස පක්ෂ නායකයන් තීරණය කර ඇත.මෙම පක්ෂ නියෝජිතයන් එජනිසය යටතේ තරගකරනු ලැබුවද එම සංධානයේ හවුල් කරුවෝ නොවීය.
ශ්‍රී ලංකා රක්ෂණ සංස්ථාවේ කළමනාකාර අධ්‍යක්ෂවරයා ලෙස තම බිරියගේ සහෝදරයකු පත්කිරීම සම්බන්ධයෙන් මුදල් ඇමැති රවී කරුණානායකට දැඩි විරෝධයක් එම සංස්ථා‍වේම ජාතික සේවක සංගමයේ ක්‍රියාකාරින් පිරිසක් පළ කැර තිබේ.
ජනාධිපති බලතල අවම කිරීමට ප්‍රමුඛතාව ලබා දෙමින් 19 වැනි ව්‍යවස්ථා සංශෝධනයට ඊයේ(15) සවස පැවැත්වූ විශේෂ කැබිනට් රැස්වීමේ දී අනුමැතිය ලබාදී අදාළ ගැසට් පත්‍රය මධ්‍යම රාත්‍රියේ මුද්‍රණය කිරීමට පියවර ගෙන තිබේ.
රාජපක්ෂලාට ගොට්ට අල්ලන දිස්ත්‍රික් ලේකම්වරුන් ගැන චෝදනා
පසුගිය පාලන සමයේදී රාජපක්ෂවාදී ලෙස කටයුතු කළ දිස්ත්‍රික් ලේකම් වරුන් ගනනාවක් ගැන රාජ්‍ය පරිපාලන අමාත්‍යාංශයට හා අගමැති වරයා වෙත පැමිණිලි රැසක් ලැබී ඇති බව වාර්තා වේ. විශේෂයෙන්ම නව ආණ්ඩුව පත් වීමෙන් පසුව රජයෙ සංවර්ධන කටයුතු හිතා මතා අඩපණ කර නව ආණ්ඩුව සංවර්ධන කටයුතු සඳහා ප්‍රතිපාදන ඒවා නැතැයිද එම කටයුතු අත් හි‍ටුවා ඇතැයිද ආදී වශයෙන් කොන්ත්‍රාත්කරුවන්ට දැනුම් දීමත් අඩක් නිම කර තිබු සංවර්ධන කටයුතු හේතුවෙන් මහජනතාව අපහසුවට පත් කිරීමට කටයුතු කිරීමත් මොවුන් විසින් සිදු කොට ඇත.
මෙරට සංවර්ධන යෝජනා ක්‍රම නිසා වෙනස් වූ ලංකා සිතියම සංශෝධනය කර මුද්‍රණය කර ඇතැයි මිනුම්පති පී. එම්. පී. උදයකාන්ත මහතා පවසයි. විශේෂයෙන් ම හම්බන්තොට වරාය, නැ‍ඟෙනහිර පාලම් පාරු හා සපත්තු පාලම් වෙනුවට ස්ථිර පාලම් යෙදීම නිසා සිතියමේ මාර්ග රැසකට නව සංශෝධන ඇතුළත් කිරීමට සිදුවූ බව හෙතෙම පෙන්වා දෙයි.
අද (15)පස්වරුවේ විශේෂ කැබිනට් රැස්වීමක් පැවැත්වීමට නියමිතය. ආණ්ඩුක‍්‍රම ව්‍යවස්ථා සංශෝධනය සම්බන්ධයෙන් මෙම කැබිනට් රැස්වීමේදී සාකච්ඡාවට ගැනෙනු ඇති බව රජයේ ආරංචි මාර්ග සඳහන් කරයි.
