මහනුවර මහ රැලිය ආරම්භ කිරීමට පෙර ශ්‍රී දළදා මාළිගාවට ගොස් දළදා වහන්සේ වැඳ පුදා මල්වතු අස්ගිරි මා හිමිවරු ද බැහැදැක ආශිර්වාද ලබා ගැනීමට නියමිත ය. එක්සත් ජාතික පක්ෂය ප්‍රධාන රැලි මාලාවක් සෑම දිස්ත්‍රික්කයකම පවත්වන අතර ඊට අමතරව තවත් කුඩා රැලි හා ප්‍රධාන රැලි රැසක් ද පවත්වයි.
අගෝස්තු 17 වැනිදා පැවැත්වෙන මහ මැතිවරණයට පෙර එක්සත් ජාතික පක්ෂයේ අවසන් ප්‍රචාරක මහ රැලිය කොළඹ මරදානේ ටවර් රඟහල අබියසදී අබේසිංහාරාම මංසන්ධියේ අගෝස්තු 14 වැනිදා අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් පැවැත්වේ.
එළැඹෙන මහ මැතිවරණය නිමිත්තෙන් එක්සත් ජනතා නිදහස් සන්ධානය පවත්වන ප්‍රචාරක රැලි මාලාවේ මංගල රැලිය 17 වැනිදා අනුරාධපුර සල්ගාදු ක්‍රීඩාංගණයේදී පැවැත්වීමට නියමිතය.
ශ්‍රී ලංකා නිදහස් පක්ෂය ප්‍රමුඛ එක්සත් ජනතා නිදහස් සන්ධානයේ ප්‍රධාන පක්ෂ සියල්ල මේ මංගල රැලියට සහභාගි වනු ඇත.
