ජගත් පාපන්දු ක්‍රිඩාවේ සිදුව ඇතැයි කියන මහා පරිමාණ අල්ලස් සහ දුෂණ පිළිබඳව ඇමරිකාව මේ වනවිටත් පරීක්ෂණයක් ආරම්භ කර තිබේ. 79 හැවිරිදි සෙප් බ්ලැටර් පසුගිය 29 වැනිදා පැවති ෆිෆා කොංග්‍රසයේ ඡන්ද විමසීමේදී යළිත් ජාත්‍යන්තර පාපන්දු සම්මේලනයේ සභාපති ධුරයට පත්වුයේය.
ලෝක කුසලාන පාපන්දු තරග සත්කාරකත්වය ලබාදීම සඳහා ජගත් පාපන්දු බලධාරීන් ඩොලර් මිලියන ගණන් අල්ලස් ලබා ගත් බවට ඇමරිකාව චෝදනා කළේය. ඒ සම්බන්ධයෙන් ජගත් පාපන්දු බලධාරීන් 7 දෙනෙකු ස්විට්සර්ලන්තයේදී පසුගියදා අත්අඩංගුවට ගැනුණි. අල්ලස් චෝදනා පිළිබඳ වගකීම භාරගෙන ඉල්ලා අස්වන ලෙස බ්ලැටර්ට විවිධ පාර්ශවයන් වෙතින් බලපෑම් එල්ල වී තිබේ.
පසුගියදා පැවති නිලවරණයෙන් පස් වන වතාවටත් තේරීපත්වූ සෙප් බ්ලැටර් ලෝක පාපන්දු ක්ෂේත්‍රයේ ඉහළ පෙල තනතුර 17 වසරක් පුරාවට උසුළා තිබේ.
