ආජන්ටිනාව වෙනුවෙන් ගොන්සාලෝ හිගුයේන් තරගයේ 8වන විනාඩියේදී ජයග‍්‍රාහී ගෝලය වාර්තා කළේය. ආජන්ටිනා කණ්ඩායම අවසන් පූර්ව වටයකට මීට පෙර සුදුසුකම් ලැබුවේ 1990 වසරේදීය.
එම වසරේ ලෝක ශූරතාව දිනාගත්තේ ද ආජන්ටිනා කණ්ඩායමයි.
මේ අතර ඊයේ පැවති අනෙක් තරගයේදී කොස්ටරිකාව පරාජය කළ නෙදර්ලන්තය අවසන් පූර්ව වටයට සුදුසුකම් ලැබිය.
තරගයේ අතිරේක කාලය අවසන් වනතුරු කණ්ඩායම් දෙකටම ගෝල ලබාගැනීමට නොහැකි විය. ඒ අනුව ජයග්රහණය තීරණය කෙරුණේ දඬුම් පහර මගිනි.
එහිදී නෙදර්ලන්තය දඩුවම් පහර 4ක් සාර්ථක කරගත් අතර, කොස්ටරිකාව දඬුවම් පහර මගින් ලබාගත්තේ ගෝල 3ක් පමණි.
නෙදර්ලන්තය අවසන් වරට පැවති ලෝක කුසලාන තරගාවලියේදී අනුශූරතාව හිමිකර ගැනීමට ද සමත්විය.
