මහින්ද මන්ත්‍රීවීම විදුහල්පති ශිෂ්‍යත්ව පංතියට ගියා වගේ වැඩක්
මහින්ද රාජපක්ෂ මහතා මල් වට්ටි රැගෙන පන්සල් ගියත්,ගෞතම බුදුන්ගේ විද්‍යාව වෙනුවට ඔහු අල්ලා ගත්තේ සුමනදාස අබේගුණවර්ධනගේ අවිද්‍යාව බව විදේශ කටයුතු නියෝජ්‍ය අමාත්‍ය අජිත් පී. පෙරේරා මහතා සඳහන් කරයි.
පාසල් වල පළමු ශ්‍රේණියේ පංතියක සිටිය යුතු උපරිම ළමුන් සංඛ්‍යාව 35 දෙනෙකුට සීමා කිරීමට පියවර ගතයුතු බව අධ්‍යාපන අමාත්‍යංශය සදහන් කරයි.ඒ අනුව 2016 වර්ෂයේ සිට පළමු ශ්‍රේණියේ පංතියක සිටිය යුතු ළමුන් සංඛයාව 35 දෙනෙකු බව එම අමාත්‍යාංශය පවසයි.
හිටපු ආර්ථික සංවර්ධන ඇමති බැසිල් රාජපක්ෂ මහතා තවදුරටත් රක්ෂිත බන්ධනාගාර ගත කිරීමට කඩුවෙල මහේස්ත්‍රාත් අධිකරණය අද(10)නියෝග කර තිබේ.
ටෙලි නාට්‍ය විකාශයට කප්පම් සහ ලිංගික අල්ලස් ඉල්ලූ කල්ලියට එරෙහිව පැමිණිලි 4 ක්‌
පසුගිය කාලයේ නිපදවූ ටෙලි නාට්‍ය රූපවාහිනියේ විකාශය කිරීම සඳහා ටෙලි නාට්‍ය අධ්‍යක්‍ෂවරුන් සහ නිෂ්පාදකවරුන් ගෙන් රුපියල් ලක්‍ෂ ගණන් කප්පම් සහ නවක නිළියන්ගෙන් ලිංගික අල්ලස් ලබාගත් සංවිධානාත්මක කල්ලිය කට එරෙහිව පැමිණිලි හතරක්‌ දැනටමත් පොලිස්‌ විමර්ශන කණ්‌ඩායම්වලට ලැබී ඇතැයි පශු සම්පත් ඇමැති ප්‍රවීණ සිනමා නළු රන්ජන් රාමනායක මහතා ඊයේ (9) පවසයි.
මුදල් අමාත්‍යවරයා සහ ව්‍යාපාරික ප්‍රජාව අතර හමුවක්..
මුදල් අමාත්‍ය රවී කරුණානායක මහතා සහ විධායක ශ්‍රේණියේ ව්‍යාපාරිකයන් අතර හමුවක් පසුගිය දා කොළඹ දී පැවැත්විණ.
පසුගිය සතියේදී නව නියෝජ්‍ය අමාත්‍යවරුන් ලෙස පත් කිරීමට නියමිතව සිටි මන්ත්‍රීවරුන් සිව්දෙනාට අද පස්වරුවේ නියෝජ්‍ය අමාත්‍ය ධුර ලබාදීමට නියමිත බව ජනාධිපති කාර්යාලයේ ජ්‍යෙෂ්ඨ ප්‍රකාශකයෙක් පැවසීය.
සී වි සැමරුමේදී මහින්දගේ කෑදර වෛරීසහගත දේශපාලනය යළිත් එළියට පනී
එල්ටීටීඊ සංවිධානයේ ප්‍රහරයකින් මරුමුවට පත් හිටපු ඇමැති සීවී ගුණරත්න මහතා ගේ අනුස්මරණ උත්සවක් පවත්වමින් හිටපු ජනාධිපතිවරයා යළි ජාතිවාදී බේදීම වර්ධනයවන වෛරීසහගත ආකාරයේ මුග්ධ ප්‍රකාශයක් කිරීමට තරම පහත් තත්වයකට ඇද වැටී ඇත.
ඉතාමත් බිහිසුණු ලෙස පිළිකා රෝගය උතුරුමැද පළාත පුරා පැතිරෙනවා. 2014 වසරේ පමණක්‌ හඳුනාගත් පිළිකා රෝගීන් සංඛ්‍යාව 1116 ක්‌. වසරින් වසරම මේ තත්ත්වය වැඩිවන නමුත් වැඩිවන ප්‍රමාණයට පිළිකා ප්‍රතිකාර අංශයේ පහසුකම් නැතැයි අනුරාධපුර ශික්‍ෂණ රෝහලේ පිළිකා රෝග විශේෂඥ වෛද්‍ය තුෂාරි හපුආරච්චි මහත්මිය ශ්‍රී ලංකා පිළිකා සංගමයේ රැස්‌වීමට එක්‌වෙමින් මේ කරුණු අනාවරණය කළාය.
